謝霆鋒和張栢芝的大仔謝振軒（ Lucas）一向表演慾甚強，近日更首度在栢芝新戲客串，但卻惹來傳聞指她經常幫 Lucas向學校請假拍戲。前晚謝婷婷出席活動被問到此傳聞，她直言平日應要返學的日子也常見 Lucas毋須上堂，深感奇怪，難怪婷婷一有時間也會為 Lucas補習中文。

謝婷婷前晚到中環出席 Puma時裝活動，同場出席的還有文詠珊（ Janice Man）、恭碩良、 24味和杜如風等。近日有消息指謝霆鋒自組公司，而張栢芝則開傢俬店，婷婷對此表示平日甚少跟哥哥阿嫂傾談這些事情。

放大圖片
謝婷婷直言平日返學時間卻經常見到 Lucas，令她也感莫名其妙。

謝婷婷直言平日返學時間卻經常見到 Lucas，令她也感莫名其妙。

放大圖片
張栢芝拍戲時經常帶 Lucas到片場探班，近日更傳 Lucas客串拍戲唔返學。資料圖片

張栢芝拍戲時經常帶 Lucas到片場探班，近日更傳 Lucas客串拍戲唔返學。資料圖片

後悔冇學好中文

至於又有傳日前霆鋒舊愛王菲來港開騷，栢芝專程返港睇實老公免他和舊愛見面，甚至指栢芝情緒崩潰暴肥，婷婷聞言說：「我都唔知點答，其實佢飛返香港同老公食飯都好正常，不過我自己都冇見佢哋一段時間。」近日 Lucas有份客串栢芝新戲《無價之寶》，兼稱栢芝為讓 Lucas拍戲而經常向學校請假，婷婷被記者追問時尷尬說：「你哋知唔知我嘅立場，我好難講嘢，其實 BB嘅嘢我都唔係好知，但我係好多時見 Lucas，都奇怪點解佢平日都唔使返學。不過我唔係好知香港返學嘅時間係點，但我見朋友嘅仔女都要返學。」會否為 Lucas補習一下？婷婷透露自己一向有教 Lucas中文，因有感自己小時未有好好學中文而後悔，故會悉心教導。恭碩良近日和林憶蓮傳緋聞，當晚追問感情狀況時他卻不耐煩說：「無可奉告，乜你哋覺得我嘅感情狀況緊要過日本嘅情況咩？我聽到啲 90後嘅年輕人話要入定啲日圓，真係唔知佢哋諗乜。」

JM牽掛日本朋友 放大圖片
Janice Man原先要去日本出席時裝活動，但現在因地震取消。

Janice Man原先要去日本出席時裝活動，但現在因地震取消。

同場的 JM表示原定下星期要去日本出席時裝活動，但現在一切取消，幸好與她合作的日本朋友皆無恙，工作取消有否計算損失多少收入？ JM謂：「錢唔係最重要，最緊要人冇事，之後仲有合作機會。」杜如風由日本返港已兩日多，她坦言覺得是劫後餘生，對於被網友指她對日本地震留言輕佻，杜如風再解釋：「只係想用正面啲嘅態度去講，已經道咗歉。」另外， 24味月底會有籌款騷，但 MC仁卻在網上直言不少人借慈善為名做宣傳，矛頭直指 24味，他們表示：「每人都有自己睇法，係佢就唔會嬲，佢係 LMF喎，一向係咁，叫埋佢哋一齊嚟玩。」採訪：譚宜倩攝影：彭琮然


婷婷男友安志杰未有一同出現，她身邊變為恭碩良及尹子維（右）。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄