近年喺娛樂圈已經處於半退休狀態嘅美人關之琳（之之），近年只係間唔中喺公眾場合露面。前晚 7點幾就發現大美人現身銅鑼灣鬧市，佢坐住架 7人車去到一間意大利菜館，好謹慎咁左望右望，之後再以 9秒 9嘅速度入咗間餐廳食飯。驟眼所見之之雖然已經唔使再拋頭露面，但佢依然保養得好好，着咗一條西裝褲以中性打扮嘅佢，配上一對 3吋高踭鞋非常有型格。

放大圖片
之之食完飯一支箭衝上車，仲刻意迴避鏡頭。

之之食完飯一支箭衝上車，仲刻意迴避鏡頭。

放大圖片
着住 3吋高踭鞋嘅之之（箭嘴示），仍然如履平地，可以行得好快。 DV圖片

着住 3吋高踭鞋嘅之之（箭嘴示），仍然如履平地，可以行得好快。 DV圖片

衝上車擰歪面 放大圖片
蘇施黃（左）孖住紅顏知己金燕玲一齊同之之食晚飯。

蘇施黃（左）孖住紅顏知己金燕玲一齊同之之食晚飯。

喺餐廳逗留兩個鐘之後，大美人見有記者在場，就一支箭咁走出嚟衝上自己架 7人車，記者影相時仲特登擰歪塊面唔肯上鏡，反而緊隨佢後面出嚟嘅蘇施黃同佢嘅閨中密友金燕玲，原來佢哋 3個約埋一齊食飯，相對之之嘅速度，蘇施黃同金燕玲一前一後就悠閒好多。阿蘇一向識飲識食，未知呢間菜館係唔係佢嘅心頭好。不過自從舊年阿蘇開教人賺兩億嘅講座銷情唔理想之後，佢都有一排冇露面。


關之琳已好少喺幕前現身，但佢一啲都冇鬆懈，時刻保持最佳狀態。資料圖片

關之琳 身手敏捷 避鏡

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄