我唔信阿 Sa有第二個！（設計對白）
娛頭
鄭中基台灣剷走愛的紋身
2010年04月01日
阿 Sa被指為內地有米富商拋棄舊愛，鄭中基對外繼續維護前妻，表示不相信對方另結新歡，不過，據知經過數月來每日一電氹老婆返屋企失敗後，鄭中基已經死心，更決定飛台灣將當日為向阿 Sa宣愛，而在右手臂內側紋上「 Charlene」的愛紋身剷走。
強顏歡笑
鄭中基在舉行記者會翌日早上，即飛成都攞獎。儘管由他孭飛的新片《越光寶盒》在內地票房過億，兼獲 Channel V頒發香港地區最佳電影男演員獎，但週一（三月廿九日）於北京出席答謝會時，鄭中基臉容憔悴，全程強顏歡笑。
被問到有內地富豪第二代力追阿 Sa，他仍死撐前妻：「都已經交代咗，完全冇第三者，我唔相信阿 Sa係啲咁嘅人，冇人理我哋嘅工作，我同阿 Sa都好困擾，希望大家俾啲空間我哋。」再問他如何處理愛的紋身？他更索性掉頭離開，完全冇回應。
鄭中基愛紋身，除右手臂內側外，其他部位都有紋身圖案。
電影《越光寶盒》收過一億，鄭中基日前跟一班演員及導演劉鎮偉在祝捷會上舉杯，不過全程笑容牽強
到成都攞獎當日，鄭中基雖然穿上西裝跟孫儷行紅地氈，但依然要墨鏡遮殘樣。
冇復合機會
鄭中基跟阿 Sa拍戲撻着而成為夫妻，但關係只維持了六年。（《忽然 1周》圖片）
事實上，就算有 Sa爸這個強大後盾作支援幫手箍煲，自知冇機會復合的鄭中基已心死，更決定完成手頭上的工作後飛台灣，搵相熟師父剷走當年愛的
紋身。
「當日佢紋咗 Charlene個名喺手臂，身邊嘅朋友已經話 Ronald好傻，個紋身成個 adidas logo咁大，不單要著長袖衫遮住，萬一分開都唔知點算；點知好嘅唔靈醜嘅靈，令 Ronald決心要剷走個名，係因為經過幾個月時間，阿 Sa態度都係一樣，對佢表現得好絕情。 Ronald清楚阿 Sa係唔會返轉頭，兩個人完全冇復合可能，但佢都係宣布分手之後，先下定決心剷走個紋身，叫自己對呢段感情唔好再有期望，不過紋身就算點洗都會有個印，所以 Ronald多數會將個紋身改為另一個圖案。」鄭中基身邊人說。
不用到外地宣傳，鄭中基近日工作後多返回淺水灣獨立屋寓所，即他跟阿 Sa昔日愛巢。
麗景花園愛巢
據知自鄭中基被飛後，老豆鄭東漢十分心痛，日前更親自出席記者會睇實兒子。（《蘋果日報》圖片）
鄭中基向來大方晒紋身，因為怕影響阿 Sa事業，才長期著長袖衫遮「愛的紋身」。
身體示愛
跟阿 Sa結束六年情，鄭中基剷走愛的紋身，其實不少圈中人都為所愛紋身，作為擁有對方象徵。
張栢芝
幾乎每次情傷都會在身上留下烙印的張栢芝，早年跟陳曉東分開即穿肚臍環， 02年跟謝霆鋒分手，又再在腳眼位置上紋了「 C&N」的圖案，即兩人的英文名「 Cecilia」和「 Nicholas」的縮寫。
王菲
當年跟謝霆鋒有一段「姊弟戀」的王菲，兩人往法國旅行，情到濃時，一齊在背後的脊椎骨上方紋上「比翼雙飛」圖案，分手後，霆鋒自爆已在圖案上再加多兩筆，改成另一款圖案。
張繼聰
去年謝安琪跟陳奕迅傳出緋聞，為向外宣示主權，張繼聰在右手內側紋上「 K&J」，即太太 Kay及兒子 James的英文名縮寫，表示一家人一條心。
鄭中基求複合失敗 飛赴台灣鏟走愛的紋身
鄭中基
阿Sa被指爲內地富豪抛棄舊愛，鄭中基對外繼續維護前妻，表示不相信對方另結新歡。不過，據知數月來每日一電話讓老婆回家失敗後，鄭中基已經死心，更決定飛台灣將當日爲向阿Sa宣愛，而在右手臂內側紋上“Charlene”的愛的紋身鏟走
留言列表
