無綫一班藝人同歌手噚日喺尖東出席「壹電視大獎 2010頒獎典禮」，好多得獎藝人盛裝出席，包括黎耀祥、鄧萃雯、楊思琦、陳偉霆等，又有緋聞鐵三角官恩娜、吳卓羲、江若琳，同廖碧兒、陳豪，個個新舊緋聞男女，大方合照兼大方面對緋聞，相信坦誠面對，相比左閃右避，觀眾同 fans會更易接受。

同 Ella講悄悄話

多年前已經傳緋聞，後尾又傳不和嘅吳卓羲同官恩娜，噚日見面似乎大家都已經放下當年嘅成見，吳卓羲話同 Ella最少年幾冇見，大家見面唔會尷尬，吳卓羲又應記者要求主動走上前同 Ella合照，佢哋之後仲有細聲交談兩句，吳卓羲話：「我係男仔，佢又着得高貴性感，當然係我行埋去，男仔要有風度嘛！」性感低胸又露背嘅官恩娜，聽到吳卓羲喺雜誌訪問度話會祝福佢， Ella回應話：「最緊要開心，我都祝福所有人。」

放大圖片

影合照時，吳卓羲只顧同性感 Ella雞啄唔斷，江若琳甚為冇癮。

放大圖片

鄧萃雯同黎耀祥這對螢幕情侶，去到邊都係焦點。

江若琳讚有風度 放大圖片

廖碧兒講起狗狗病咗就忍唔住喊（小圖），陳豪話會安慰佢。

吳卓羲同 Ella合照嗰陣，江若琳應記者要求影相，初時未知要三個人一齊合照，江若琳企喺旁邊呆咗幾秒，猶豫又愕然，之後都有大方合照，事後江若琳話：「佢（吳卓羲）真係有風度，拍劇時教我好多嘢。」另外兩個緋聞情侶廖碧兒同陳豪分開到場，廖碧兒講開佢隻 3歲小狗正接受手術治療背骨時，忍唔住喊出嚟，陳豪同佢影完合照之後都有細心慰問，陳豪話：「我都唔知佢乜事，不過會 sms問吓佢。」 Angelababy同黃曉明嘅感情越見穩定，身為前男友嘅陳偉霆話：「如果佢哋發展，會祝福佢哋。」


官恩娜穿着低胸露背裙，連過氣緋聞男友吳卓羲都話性感。

吳卓羲讚欣宜扮嘢叻

徐子珊、吳卓羲（Ron）、郭晉安及姚嘉妮等昨日於跑馬地墳場拍攝無綫新劇《團圓》，劇情講述Ron與安仔發生誤會，因而在喪禮上動粗！Ron說：「我去墳場拍過幾次外景，守規矩，加上有袋平安符，都唔驚嘅！（有冇睇鄭欣宜扮徐子珊？）有睇過廣告，欣宜清減咗，進步好多，好有潛質！佢拍劇又做綜藝，似足肥姐（沈殿霞），係專業娛樂工作者！（你扮埋一份？）唔喇！我扮嘢唔叻！」

對於被欣宜模仿，子珊表示感到光榮：「我有睇欣宜扮我，好欣賞佢！有人扮自己係光榮，我都想扮，不過未諗到扮咩，想同欣宜、王祖藍組成扮嘢組合！」另外，Ron昨日與前緋聞女友官恩娜（Ella）及江若琳出席活動，江若琳被嚇呆，Ron則大方與Ella合照：「唔尷尬，同Ella成年冇見，頭先Say Hi，做男仔要有風度！」

吳卓羲大巴摑郭晉安，十分逼真！



郭晉安與姚嘉妮於劇中差點大打出手。



徐子珊盛讚欣宜扮得出色，更希望與對方組扮嘢組合。