有錢就有期！（設計對白）"
探熱針
起浸大學生飛腳 葉璇攞獎扮上菜
2010年04月29日
衰搞人老公，「磨爆」殼王，再衰虐打女助手的葉璇，人氣直插谷底，近幾年長時間留喺內地拍劇，洗底改形象。
不過，本性難移！據知，早前葉璇答應了一班讀電影系的應屆畢業生，唔收錢協助拍攝畢業作品，但電影拍至三分二，剛摘下金像獎「最佳女配角」的葉璇，卻突然以度唔到期為由辭演。慘被起飛腳的學生功課爛尾，分分鐘畢唔到業，更向記者大吐苦水：估唔到佢份人咁差！
畢業作爛尾
去年十二月，浸會大學電影系的學生透過葉璇的經理人公司，請她協助拍攝畢業作品，當時葉璇一口答應，更表示可以隨時度出檔期，遷就拍攝。
據了解，電影已拍了三分二，但上週當葉璇於金像獎爆冷奪得「最佳女配角」後，態度即一百八十度轉變，學生經多次嘗試也無法聯絡上葉璇，隨後她更透過經理人公司，臨時向學生辭演。
「原本度咗期上個禮拜拍煞科，但我哋搵咗幾日，佢（葉璇）都唔聽電話，之後佢公司啲人打嚟話度唔到期再拍，到前日佢先聽番電話，就話手頭上好多工作，幫我哋唔到。」一名浸大的學生說。
電影是講述經歷一次墮，葉璇患上電梯後遺症。作品要於五月七日前遞交，學生慘遭葉璇放飛機，功課爛尾，極有可能畢唔到業。記者亦就此事，致電該實驗電影的導演 Linda，她在電話中大吐苦水。
上週，葉璇憑住電影《意外》爆冷奪得金像獎最佳女配角，在台上講述自己過往辛酸史時激動泛淚，直至返回後台接受訪問，心情仍未平復。
未攞獎前，葉璇表現得平易近人，主動度期遷就學生拍攝，更在拍攝現場與一班學生拍照留念。
電影講述葉璇遇上墮而患上恐懼症，拍攝時葉璇穿上低 V開胸裙，貫徹其性感作風。
欠三分一
壹：你哋係咪搵葉璇拍畢業電影？
L：係呀！
壹：而家拍完未？
L：未呀！套戲拍咗三分二，佢話度唔到期唔拍喎！（有點晦氣）
壹：咁份功課點呀？
L：我哋都唔知點！前幾日打俾佢，同佢講你唔拍我哋冇功課交，畢唔到業，叫佢俾多一日，我哋盡量拍，但佢都唔肯，話好多工作喺手，幫唔到我哋。之前係佢話會度期俾我哋，遷就我哋拍嘅，而家又反口，估唔到佢個人咁差！
壹：咁你哋打算點？
L：我哋之後再聯絡佢公司，佢哋仲話我哋冇簽合約，又冇俾錢，佢哋冇責任一定要幫我哋完成，加上葉璇手頭真係好多工作，唔好話一日，一個鐘都俾唔到我哋。我哋而家咪唯有搵人淨係拍背脊，起碼交住功課先，但都預咗一定唔合格啦，畢唔到業，我哋都唔想！
有「發電機」之稱的葉璇過往曾與她傳過緋聞的富商，實在多不勝數，近年，葉璇又成功泊到杜琪峰碼頭，獲杜 sir賞識有戲拍。
得獎後的葉璇積極在內地出席活動及拍劇搵真銀，拒絕再俾期幫浸大學生為畢業作品埋尾，言而無信。
葉璇與黎明合演的《火龍》反應未如理想，口碑和票房皆麻麻。
犯眾憎
一向人緣麻麻的葉璇，出道以來負面新聞不絕，除了被指向男同事放生電，借緋聞宣傳，又恃寵生驕擅自改劇本，連身邊女助手亦向記者爆料指被葉璇虐打，負面新聞成吋厚。
01年
有傳葉璇因六叔邵逸夫撐腰，拍攝劇集《美麗人生》時經常擅自刪改劇本，更被封為「黐身發電廠」，專向男同事放電。
06年
葉璇拍攝亞視劇《情陷夜中環 II》，被指爭戲份，扮大牌，與同劇演員張文慈鬧不和，全劇演員集體對她不滿，拍攝期間，她不慎被自己手上的牛肉刀插傷大髀，事後更被張文慈嘲笑「自插下體」。
06年
葉璇的前助手阿雪向記者爆料，指葉璇經常無理取鬧，又用劇本打她，讓她感到精神虐待。
葉璇拿獎扮高貴 本性難移連累學生畢業
葉璇
葉璇前幾年醜聞不斷，被指搶人老公，又虐打女助手，人氣十分低迷，近幾年她長時間留在內地拍劇，洗底改形象。
不過，本性難移！據知，早前葉璇答應一班讀電影系的應屆畢業生，不收錢協助拍攝畢業作品，但電影拍到三分之二，剛摘下香港電影金像獎“最佳女配角”的葉璇，卻突然以沒有檔期爲由辭演。慘被抛棄的學生們畢業作品爛尾，隨時不能畢業，更向記者大吐苦水：“想不到她人品那麽差！”
留言列表
