港姐冠軍陳庭欣曾與旅行社太子爺黃進達（Jason）鬧緋聞，雖然她已否認並向男友派定心丸，但昨日活動影大合照時Jason都刻意避忌。對於被網友指似余慕蓮及形容為「香港豬扒」，陳庭欣笑言：「似佢冇問題，啲形容詞幾得意。」

出爐港姐冠軍陳庭欣相信賽果公正。（資料圖片）

今屆港姐冠、亞、季軍陳庭欣、張秀文及莊思明及最上鏡小姐李雪瑩昨日到大會指定旅行社接受獎項頒發，與陳庭欣傳緋聞的太子爺Jason到場後都有與她拍攝短片，對於賽果有「造馬」嫌疑，陳庭欣謂：「Jason並唔係我緋聞男友，亦相信評判公正，（佢對你特別好？）唔覺，（見面會否尷尬？）唔會，都唔係，唔需要避忌。」她坦言身在外地的男友被友人質問，她說：「佢話都幾好笑，但大家100％支持，我哋知大家諗乜，（他會否以你為傲？）佢當然開心，佢屋企人仲開心過佢。」

返港後冇再聯絡

在影大合照時，見Jason都刻意避免跟陳庭欣站在一起，事後問他會否因緋聞而介意，他說：「唔介意，都係流言，佢攞冠軍係實至名歸，（好欣賞佢？）咁多位都欣賞，拍完外景大家冇聯絡。（佢有男友會否感失望？）好多男仔都失望，但我唔會。」此外，陳庭欣遭網友指似余慕蓮及香港豬扒，對此她阿Q精神的謂：「我都有留意，網上啲批評有好有壞，不過唔會因此唔開心，會正面改善，可能某啲角度、個嘴似佢，似佢冇問題，唔係好負面，啲形容詞好得意，家人都覺得好好笑。」

（左起）張秀文、陳庭欣、莊思明及李雪瑩昨日獲頒獎項。

陳庭欣（中）及Jason（右）合照時刻意唔企埋。

莊思明咀女正常

昨日回復正常髮型的莊思明則笑言：「花師奶我自己改嘅，幾得意，我唔介意，一出嚟啲人就記得係邊個。」被指似周啟邦兒子周國豐的她，與對方本身認識，坦言把他拖埋落水感到不好意思，她又坦言孖生姊妹Mona比較嬲怒，她說：「Mona好嬲，發晒脾氣，我叫佢冷靜啲，（拉埋佢落水嘛！）其實我哋唔似，佢個樣Cute啲。」對於她在網上有不少與同性的咀嘴相，她坦言：「向來性格係咁，男女朋友都係，一熟落就會比較Close，冇刻意去刪除Facebook啲相。」

否認與太子爺傳緋聞陳庭欣獲男友100%支持

港姐冠、亞、季軍陳庭欣、張秀文、莊思明及最上鏡小姐李雪瑩，昨日到大會指定旅行社接受獎項，有指陳庭欣得獎全因旅行社太子爺黃進達（Jason）的關係，她坦言Jason不是其緋聞男友，故見面不會尷尬及避忌。問到有否向身在異地的男友派定心丸，她說：「都有提過，佢話幾好笑，佢100%支持我。」

黃進達（右）昨日影大合照時，刻意與陳庭欣（左）保持距離。

Jason對緋聞亦不介意，更指陳庭欣是實至名歸，問他是否很欣賞對方，他說：「咁多位都欣賞。（拍完外景有冇聯絡？）冇。（佢有男友會否失望？）好多男仔會失望，但我唔會。」不過影合照時，他相當避忌，沒有跟陳庭欣站在一起。

另外，陳庭欣有留意網上留言狠批她似余慕蓮及「豬扒港姐」，EQ甚高的她坦言不會匿埋喊。至於被指貌似周啟邦兒子周國豐的莊思明表示認識對方，感到不好意思，但不諱言孖生姊姊Mona因此事很嬲。她又否認妒忌陳庭欣，更指二人拍外景時同房，關係很好。此外，莊思敏在微博上載一張戴着妹妹港姐后冠的照片。

出爐港姐張秀文（左起）、陳庭欣、莊思明及李雪瑩，一同出席領獎活動。

陳庭欣被指「豬扒」無問題

【明報專訊】應屆得獎港姐昨午到康泰旅行社領獎 , 冠軍陳庭欣與緋聞男友黃進達同場 , 兩人避忌未有站在一起合照。陳庭欣對於有傳她靠黃進達獲獎 , 她重申與對方的緋聞不是真的 , 相信評判公正。

面對外間負面批評 , 她說好壞都有留意 , 不會不開心或躲起來哭 , 有些地方會作改善 , 亦承認自己笑時見牙肉。有網民指她似余慕蓮及被指是港姐「豬扒」 , 她說可能某些角度似余慕蓮 , 至於被指是「豬扒」不覺大問題 , 「豬仔」都幾得意 , 不會向負面想 , 凡事看得正面會開心些。

莊思明胞姊與網友對罵

莊思明自嘲髮型已不是「花師奶」 , 笑言當是自己的 Icon , 容易被人記得。又有指她似周國豐 ? 她說認識周國豐 , 不好意思拖對方落水 , 她對負面批評不介意 , 反而孖生姊姊 Mona 好嬲 , 與網友對罵 , 她勸姊姊不要嬲。她又被指與亞軍張秀文杯葛陳庭欣 , 她強調與陳庭欣是好朋友 , 沒有杯葛之事。

記者 : 林蘊兒

出爐港姐亞軍張秀文 ( 左起 ) 、冠軍陳庭欣、季軍莊思明及最上鏡小姐李雪瑩昨午到康泰旅行社領獎。