藍燕趙完唱掀娛圈桃色風暴

最近拍攝三級片的內地「慾女」藍燕，為上位博宣傳，不惜連環爆性史，又聲稱曾與導演唐季禮有過一段情，指對方為人溫柔；更拖周杰倫落水，「覺得」對方追求過她；同時更大爆與俊朗製作人的性史，兼將性愛過程描述得繪影繪聲，由於她對不少圈中男士拍下「挨身挨勢」的合照，頓時掀起圈中「桃色風暴」，令不少男星擔心瓜田李下誠惶誠恐！

藍燕樣子甜美，行為開放，難怪追求者眾。

曾是2008年落選亞姐、現年24歲的內地女星藍燕，近日忙於拍攝三級片，由於知名度稍遜，故她不惜自爆陳年情史博出位。藍燕接受本報訪問時透露，與導演唐季禮有過一段情，兩人關係親密，她說：「我喺05年北京演藝人協會見過佢，第一次見到已經鍾意佢，佢好靚仔、談吐斯文！06年我喺一位同學介紹下同佢認識，個同學係佢（唐導）親戚，好意外當時佢認得我，之後我哋好快發展，但唔係報道所講，第一次見面就去屋企，我哋相處過一段時間。」問到唐導是否很溫柔？她甜笑說：「梗係溫柔，相信所有女仔都鍾意佢。」至於有否打算和對方結婚？她說：「有諗過，但當時我年紀仲細，得18、19歲，要過多幾年先得，可惜最後畀傳媒影到相，所以分手。」問到有否和唐導聯絡？她說：「有SMS畀佢，佢親戚都打番畀我。（鬧你？）冇，只係關心吓我，問點解會咁樣？」問到有否掛念唐導？她坦言：「好掛住。（再一齊？）分開咗就冇可能，唔係小時候思想咁幼稚。」

「為咗佢想滿足佢」

藍燕還自爆性史，透露與一位俊朗製作人的性愛過程，語出驚人的她仔細地描述對方重要部位的特徵，並大讚對方性能力厲害，言論露骨大膽：「呢啲係男女朋友之間嘅事，我追求自己快樂，覺得冇乜嘢，我仲鍾意佢，為咗佢想滿足佢。」

在藍燕的Facebook內，發現她與不少圈中明星紅人攬頭攬頸的合照，包括錢國偉、曾志偉、黃日華等。問她是否追求者眾？她說：「一路都係。」記者亦發現她與台灣天王周杰倫的合照，她則說：「我覺得佢想追求過我，但我唔知佢係咪啦！」她繼續玩踢爆：「有次周杰倫嚟北京，佢日頭打兩次，夜晚打兩次畀我約食飯。（點解冇發展？）因為我喺內地，佢喺台灣，距離太遠。」她雖讚周杰倫幾好，但嫌對方太後生：「我鍾意男人味，而且佢太多人鍾意，我冇能力同咁多人爭。」

姚洛銘力撐藍燕是個大情大性的好女仔。

情感失控戲假情真

問到有否與其他圈中幕前或幕後的男性發生過性關係？她說：「好少，佢哋長相唔好嘛，我唔會一夜情，有感覺先可以一齊。試過有次控制唔到，戲假情真，拍完套戲後同對方上咗床，但佢唔出名，亦唔係香港藝人。」

另外，她與錢國偉在照片中表現親密，問到會否擔心被指抓撈？她說：「我唔覺佢（錢國偉）會幫到我，佢只係一位好好玩嘅朋友，我仲有啲相好大膽，只係冇Post上去。」

與藍燕在戲中有激烈情慾戲的男角姚洛銘（Jason），亦爆女方為人熱情：「識咗佢半年，佢份人幾熱情同幾癲。（藍燕有冇提過同俊朗製作人嘅舊情史？）知少少，有同我講過，佢個人比較大情大性。（佢大膽言論會得罪對方？）唔方便回應。」

Profile

姓名：藍燕（Leni Lan）

綽號：小張栢芝

出生地：上海

三圍：32C、24、34

高度：169cm

年齡：24歲

出生日期：86年3月9日

背景：姑丈是江蘇首富

學歷：修讀上海戲劇學院04級表演系，香港演藝學院進修表演（MAS新派演繹）

演出經驗：俄國電影《蝴蝶之吻》、港產電影《回家的路》、《3D肉蒲團之極樂寶鑑》（未上映）

內地電視劇《霧都魅影》、《鑽石豪門》、《天地姻緣七仙女》；08年落選亞洲小姐

葉山豪怒插拍檔：怕佢佗累我哋！

藍燕自爆性史後，刻下與她有接觸的異性可謂人人自危。即將夥拍藍燕演出三級片的日籍男演員葉山豪（Hiro），昨日坦承：「啱啱知（藍燕大爆性史），都驚驚哋，因為戲裏面我同佢扮夫婦，有大量床戲，好彩我個角色早洩，可以避免過多嘅身體接觸。」

開鏡當日，葉山豪爆藍燕主動「投懷送抱」以製造新聞。

被怨唔夾新聞

據悉，原本毫不認識的二人在開鏡拜神當天，女的主動「送抱」兼翹着男方手臂出場，事後還「投訴」Hiro未能配合她：「佢話應該同記者答得sweet啲，等大家有嘢寫！」Hiro又稱：「呢部戲唔係普通色情片，所以我先接。大家都咁認真，我好擔心佢啲咁嘅新聞，會佗累我哋！」對於該俊朗製作人被爆性史，Hiro表示：「我同嗰位製作人本身都識，有約飲酒、食飯，佢畀我嘅感覺好nice。無論真定假，男歡女愛嘅嘢，係咪唔應該周圍講呢？」

照片主角人人自危 三哥急劃界線

藍燕大爆性史，在個人facebook上載不少男、女藝人「親密」照，當男藝人被問到與藍燕「關係」時，即劃清界線。

藍燕在相中男女歡迎抱抱，但與苗僑偉（三哥）和黃日華等合照則表現較規矩，三哥稱：「唔識呢個人，年中都影好多呢類相啦！」黃日華因在日本旅遊，其助手代覆二人合照當日，藍燕不請自來，但對方要求合照亦覺無所謂。

錢國偉任監製期間異性緣不俗，但目前他已有「味之天使」女友陳宛蔚（雜果賓治），故已修心養性。對被追問與藍燕的「咀相」時，錢國偉反應甚大：「我冇錫佢，係佢錫我咋……5、6年前影啦，佢好主動，（有冇約你？）梗係冇啦，同佢唔算好熟，我把持得住嘅，（怕女友呷醋？）我喺呢行嘅朋友的確女性居多，佢都明白嘅！」

不過，關寶慧因與藍燕在相中「攬頭攬頸」被認定很熟而大發雷霆：「我哋稱不上朋友，係佢個名同我恩師『南燕』一樣先對佢有印象。幾年前佢跟朋友嚟志偉個Party，就捉住我影相，之後又想跟我走，我話返屋企先甩身，佢個樣我唔記得，要同佢劃清界線！」另有份合照的泳兒，則稱只在參加英皇新秀後某公開場合見過藍燕，二人完全不熟。張致恒、洪卓立和關智斌等亦稱對女方沒甚印象。昨晚十時落機返港的曾志偉，被問到有否擔心女星藍燕爆他的內幕？志偉笑言對方只是朋友中的一個共通朋友，大家相約出來玩，自己並未有任何痛腳遭對方抓住，故毫不擔心。

自爆戀史極速見紅

圈中亦有些人會靠桃色緋聞上位博見報，更不避嫌談論與對方之間的親密「往事」，令個人知名度在短時間內火速提升！

關楚耀

涉毒案後被公司勒令閉關思過，卻被台灣女模Mika把二人的親熱照放上網任睇，令她一夜間走紅。

陶喆

台灣男歌手陶喆緋聞多多，早前他被拍到與o靚模岑潔儀肉緊Goodbye kiss後，女方不時甜絲絲提起陶喆，即被傳媒關注。

碧咸

04年，「萬人迷」碧咸遭前助手盧絲爆性醜聞，她將自己與碧咸的性史周圍唱，令碧咸形象插水。

幕後人桃花旺

圈中許多著名的幕後人學富五車、見多識廣，難免「飛來艷福」，惹來眾多緋聞女星纏身。

錢國偉

前無綫金牌導演錢國偉，拍攝《四葉草》及《美女廚房》捧紅過多位女星因而傳出緋聞，當中有美少女廚神賈曉晨、楊秀惠及多位「美味天使」。

劉偉強

著名已婚電影導演劉偉強，早前被指在北京拍戲期間，與不少女子攬抱，有一女更公然坐在他身上，艷福無邊！

彭順

07年10月，當年還未與李心潔結婚的導演彭順，被拍到送o靚模Kama返酒店，因而傳緋聞，幸好最後亦獲李心潔信任。

08年落選亞姐藍燕近日全裸拍三級片，為求出位，她自揭與導演唐季禮的舊情、露骨地詳述與一名俊朗製作人的床戰，更自稱連周杰倫都打她主意！

現年24歲的內地女星藍燕（Leni），入行以來知名度不高，近日她全裸與葉山豪及姚洛銘拍三級片。日前她將與導演唐季禮的一段情擺上枱，即被指博上位，昨日她接受本報訪問時，承認與唐季禮曾於06年拍拖，更不止一次往對方家中探訪！

唐季禮(左三)



藍燕突然自爆性史，言行大膽。

演出經驗：俄國電影《蝴蝶之吻》、港產片《回家的路》；內地電視劇《霧都魅影》、《鑽石豪門》、《天地姻緣七仙女》等。

專案組

藍燕

錢國偉急劃界：係佢主動

藍燕自揭性史，又在Facebook大晒與藝人又攬又咀的私「蜜」相。已有「味之天使」女友陳宛蔚的錢國偉，剛於廉署「甩身」，又被藍燕公開「咀相」，他說：「我冇錫佢，係佢錫我……五、六年前影啦！佢好主動。（有冇搞你？）梗係冇，同佢唔熟，我把持得住。（怕女友呷醋？）我喺呢行嘅朋友的確女性居多！」

芸芸蜜照中，只見藍燕與苗僑偉（三哥）及黃日華等合照時顯得較規矩。對於合照，三哥直言：「我唔識呢個人，年中我影好多呢啲相！」身在日本旅遊的黃日華，其助手代覆：「佢哋影相嗰日，藍燕係不請自來，佢埋到嚟話影，華哥都冇所謂啦！」

「黐」上位

在娛樂圈為求出位，有人瞓身露肉，有人則一味靠「黐」，但求「黐」到見報兼提升人氣。

日本富商青山光司與章子怡於去年3月被影到在日本同遊食飯，見報後章子怡怒斥有人想利用新聞博出位。

胡心諾去年4月自爆被方力申以SMS及於Facebook留言狂追，方力申反指是她主動攞電話號碼。

本月台灣33D女主播趙彤被拍得與霍啟剛出席宴會，霍啟剛事後否認，趙彤則指與郭晶晶相識多年，跟霍啟剛是好友。