女人善變，所以亦鍾意形象百變嘅嘢，好似Molly the Painter咁，一時做畫家，一時又變身公主，幾時都咁Cute！最近佢老竇著名設計師Kenny Wong（王信明）响灣仔舉行個人作品展，一次過Show晒歷年Molly精選作品，係粉絲就咪錯過啦！
今次展覽主題係Summer Molly，未入到舖頭已經見到戴住藍色皇冠、5呎高嘅Molly企响門口「迎賓」，Kenny話夏天係個變幻莫測嘅季節，畀人好多幻想空間：「設計概念係一個小朋友响草地上奔跑，抬頭望向藍天，幻想白雲幻化成唔同嘅形狀，所以特別用藍天白雲、花海同青草地呢三個夏日元素，幫Molly換上新裝」。 KENNYSWORK創辦人Kenny Wong係香港首位獲美國迪士尼認可、邀請合作改變米奇造型嘅產品設計師，Molly the Painter和copperhead-18（十八銅人）都係佢嘅成名作。Kenny今次特別展出Molly歷年精選作品，近百款Figure、繪本、Tee、手袋和首飾等，唔單止有排睇，仲會買到你手軟！ 「Kenny Wong個人作品展」 日期︰即日至8月30日 地點︰灣仔香港會議展覽中心香港‧設計廊 查詢︰2584 4146 最近屋企個電腦Mouse唔聽話，成日Kick住Kick住，真係想換鬼咗佢！好在Targus有喜訊，出咗全新系列嘅Mouse，具有線、無線兩種型號選擇，兩者均有雷射、光學感應器功能，仲設有綜合式滾輪，握手處符合人體工學設計，左右手操作都得，啱晒我！ 無線舒適雷射滑鼠 USB接收器可藏於USB連接埠或滑鼠內，便於攜帶。 $268 查詢：3619 6500 無論係中女、港女定剩女，唔好理人哋畀咩標籤你，做女人最緊要識得令自己開心。註冊催眠治療師方奕元，以專業眼光以及女性獨有觸覺，為一眾現代女性帶嚟10個幸福信念。新書從身、心、靈角度出發，針對都市女性經常遇到嘅問題，如壓力失衡、收身、失眠、婚姻危機等，以生活化個案闡述簡單嘅心靈智慧，希望女性活得更快樂。 《女人．最快樂─型女必備的10個幸福信念》 作者：方奕元 售價：$78 香港又有韓風來襲，我八到韓國數一數二嘅著名街頭舞蹈團Floor Gangz及Negative Motion會响商場演出。前者曾於多個街頭舞蹈比賽勝出，包括「日本Freestyle舞蹈大賽 2008」嘅霹靂舞組別冠軍；後者則經常同唔同嘅韓國歌手及組合合作，好似BoA、Big Bang及神話等。今次佢哋會示範多項難度極高嘅Hip Hop舞及霹靂舞（Breaking），真係諗起都澎湃呀！ 「街頭．舞會．太古城中心」 日期︰即日至8月29日 地點︰太古城中心2樓中庭舞台 查詢︰2568 8665
Molly老竇：Kenny Wong
可以換衫嘅新系列Molly in the Rain（左）和Princess Molly，一樣咁靚。$800/件
Fairy Molly Tee $260/件
（左）迷彩八達通套 $120（右）散紙包 $150
Molly頭像頸鏈 $280/件
（上）Princess Molly長銀包$280（下）Molly圖案銀包 $350、小鏡 $100
Princess Molly Tote Bag $260
潛水MollyKenny評為本世紀終極版嘅Crossover之作，點解？因為自己Crossover自己！Molly × Copperhead，絕對值得珍藏。$170
魚童Molly 早前曾經响北京展出，作品背後係關於海洋與小孩嘅故事：現代人不斷破壞生態環境，最終留下爛攤子要下一代「執手尾」，非常唔公平，所以魚童嘅英文名叫「Angry Fish」。$140
叻生：我要換Mouse！
叻太：女人唔易做
叻太：韓國舞團襲港
首次亮相嘅5呎高巨型「Summer Molly」，以藍天白雲和青草地形象示人，充滿童真。
留言列表
