face 週刊 125期「我有check佢 SMS！」G.E.M. 怒撇偷食男－明星靚相大分享☆

G.E.M.同男友 Aaron分手 2個月，難得冇男友綁手綁腳，難怪最近出席大小活動， G.E.M.都着得性感展示 W胸。
封面
「我有 check佢 SMS！」　 G.E.M.怒撇偷食男
2009年10月14日
去年憑巨肺做新人王的 G.E.M.（鄧紫棋），今年再發力谷新碟《 18 PLUS》，新派台歌〈 Game Over〉更加愈唱愈 hit，有勢搶做年度金曲！
G.E.M.一直不肯公開有個「嶺南 Eason」之稱的男友 Aaron，今次唱失戀歌唱得夭心夭肺，原來是男友與她共同創作的最後一曲，事關新碟未出街，兩人已分手兩個月。據知分手原因是 G.E.M.早前在美國錄音，與男友分隔兩地，返港後發現男友偷食， G.E.M.即怒撇男友。週日晚， G.E.M.雖口硬表示「冇拍過何來分手」，但承認學足港女行為會 check男友 SMS，其後再忍唔住自爆：「我未蝕底過畀男仔 o架！」
18歲人仔戀愛經驗豐富但仍未失身的 G.E.M.，仲話處女初夜要留畀未來老公，好 old school喎！
自去年尾走紅以來， G.E.M.即被本刊踢爆一個星期上足幾晚男友 Aaron天后寓所，玩通宵兼見埋家長，不過呢對少男少女的年多戀情，據悉於兩個月前告終，更是由 G.E.M.主動提出。

失戀喪食
冇男友一身輕，曾揚言減肥嘅 G.E.M.週日（ 11日）晚出席完活動後，即約埋女友人到尖沙咀「壹壽司」醫肚，只見佢狂點一大碟魚生及十多件壽司大大啖咁食。

其間出名大情大性嘅 G.E.M.就不停指手劃腳同友人大聲吹水，完全唔顧儀態。

趁機作反
今年 5月， G.E.M.在公司安排下飛往美國加州錄音，行程結束後雖然有報導指 G.E.M.與四十多歲美籍監製 Lupo展開異國忘年戀，據知情人士透露，忘年戀實屬煲水新聞一宗，實則是離港錄音足足三星期，造就 Aaron趁住女友不在身邊在外搞搞震。
「 Aaron有個朵係嶺大陳奕迅，個樣又有幾分似周杰倫，學校好多女仔都鍾意佢 o架，不過佢女朋友係阿 G.E.M.就人人都知囉，但 Aaron份人真係好貪玩，又識冧女仔，嗰幾個星期不知幾多節目，十足十放監咁，日日見唔同女仔。以前 G.E.M.晚晚都上 Aaron屋企，佢慣例玩到凌晨一點，就返荃灣『娘家』報到。喺美國返嚟後聽講再冇上過，原來 Aaron電話有好多同女仔曖昧 SMS，又同好多女仔行得密俾 G.E.M.知道咗， G.E.M.咪好嬲同佢分手囉！」
甜蜜回憶
上年 12月， G.E.M.與男友 Aaron正值熱戀期，其間本刊目擊 Aaron帶埋 G.E.M.一齊到茶餐廳見家長，飯後 2人就行街過 2人世界。

失戀即病

錄音出事
今年 5月， G.E.M.曾飛往洛杉磯 3個月為新碟錄音。有指其男友 Aaron即冇王管，趁機識其他女仔，最後分手收場。

出道後曾自爆 14歲初戀的 G.E.M.，接受專訪時便透露過因為男朋友對自己熱情不再，主動提出分手，第二次拍拖亦是主動斬情絲果然似足 G.E.M.性格。
以前藉詞 Aaron住所在港島區市中心，因此貪就腳工作前後愛在男方家中打機的 G.E.M.，近兩個星期來，竟然都是與女性朋友作伴，收工更孤單深閨荃灣家中，果然不再因為「就腳」與 Aaron見面。週日（ 11日），在理工大學擔任商台《十人巷》嘉賓的 G.E.M.沒精打采到場，更因為身體不適表示不會獻唱，心情似乎的確麻麻！
F：《 FACE》 G： G.E.M.
F：最近係唔係唔舒服？
G：係呀，冇發燒但係都有啲感冒徵狀，因為忙唱片宣傳同練歌準備音樂會唔夠休息！
F：係唔係因為情傷所以病呀？聽講你同男朋友 Aaron分咗手喎！
G：我同佢都冇拍拖，點分手呀？
F：兩個關係咁好，點解唔係男女朋友？
G：我同佢同我以前男朋友一齊喺歌唱比賽識，識咁耐太熟啦，熟到佢唔會追我，我又唔會鍾意佢！
F：但聽講你近排都好少再上 Aaron屋企，冇再一齊玩！
G：唔係呀，我個幾星期前都有見佢！（但其實 Aaron上星期已搬走）
F：咁你有冇試過俾男朋友呃過？
G：有呀！我仲記得同第一個男朋友一齊第 300日紀念日，我好開心喺月曆 mark低諗住慶祝，佢就同我講要返學走咗，點知俾我朋友踢爆佢去咗機鋪打機！好嬲呀嗰次！
F：如果俾你發現男朋友一腳踏兩船，你會唔會撇佢？
G：我會睇吓佢有冇誠意挽救同我嘅感情，我諗我會畀機會佢嘅！
哦，即係偷食識返屋企，再加多啲誠意氹番就得啦！

週日（ 11日）， G.E.M.出席商台《十人巷》活動時，就自稱唔舒服，但提到分手事，即時醒晒話：「我冇蝕底畀人呀！」

冇眼睇
再被記者追問 Aaron戀情， G.E.M.更強調：「 Aaron唔係我男朋友，我哋冇拍拖 o架！」還用手掩面表示冇眼睇。

前週六（ 3日）晚中秋節， G.E.M.出席「歌舞技藝慶中秋」活動後，即返回荃灣麗城花園娘家，返家前，只見 G.E.M.在街上揸住金魚燈籠，孤獨慶祝中秋。

愛巢丟空

G.E.M.與 Aaron拍拖時，經常於凌晨時分 call的士，由男友天后金殿大廈返回荃灣麗城花園。家陣 2人已分手兩個月，其男友亦搬出金殿大廈，人去樓空。
分手之歌

Aaron Wong

G.E.M.新歌〈 Game Over〉講失戀，原來其男友 Aaron亦以 Aaron Wong一名有份填詞，真係應景。其男友亦有「嶺南 Eason」之稱，其唱歌片段亦放在 YouTube上，與 G.E.M.本屬同聲同氣。

Game Over
歌手：鄧紫棋
作曲： Mary L， Yanna Cortella
填詞： G.E.M./Tan Chang/ Aaron Wong
編曲： Lupo Groinig
來電沒理　不想將聲音記起
手機關上了　謝絕無聊　別滋擾　應心照
沒有用了　底牌一早給揭曉
解釋聽厭了　謊話講夠了　全也再不需要
密碼換了　親暱資料都報銷
E-mail改過了　 Blog刪去了　連相簿都洗了
別再會了　已識穿真心太少
敷衍夠了　交足戲了　輪到我狠心了
OUR GAME IS OVER　終於緊張對嗎
心中只得我嗎　明明全是笑話
OUR GAME IS OVER　終於可惜對嗎
分開不需記掛　不必驚訝　
GAME IS OVER NOW
最激對話　 G.E.M.自認處女
記者在週一（ 12日）再致電 G.E.M.，電話訪問全程，鄧媽媽都陪住 G.E.M.接受訪問，自稱同媽媽感情要好無所不談的 G.E.M.當住媽媽面照講戀愛經驗，甚至自爆要留初夜畀未來老公！
F：你會唔會 check住男朋友有冇搞搞震？
G：，我都有睇之前男朋友電話 SMS紀錄，一定會搞清楚佢身邊多唔多女性朋友同行蹤！
F：咁你易唔易呃？
G：唔易 o架我覺得！就算我同之前男朋友拍咗拖差唔多三年，我都冇蝕底畀佢！出街玩，幾夜都好，我都一定返屋企瞓！
F：咁你咪仲係處女？
G：……係 o架……
F：你係唔係諗住要留第一次畀老公呀？
G：都係 o架！
F：咁你諗住幾時結婚？
G：一定要 25歲前，我覺得結婚係一件好開心嘅事，又唔會影響事業！
F：你都未拍拖，咁快諗結婚？
G：我物色緊 o架啦……哈哈……