响台灣拍完內褲廣告，被封為「神鵰大俠」嘅何潤東，上個禮拜嚟香港拍避孕套廣告。以為何潤東會一展神奇鵰功威力，點知大會安排佢著背心長褲拍攝，失望。「我係代言 condom，唔係代言大鵰，唔一定放出嚟俾大家睇！」何潤東雖然人在香港，但同記者傾偈就採取台灣藝人嘅開放式態度，愈講愈三級，除咗話「大東」真身只會留俾女朋友欣賞，更加唔介意品牌商贊助佢一世用避孕套，事關到咗七、八十歲如果都用得着，證明自己老當益壯喎，又話冇收過歷任女友對佢床上雄風嘅投訴，相信自己功夫有番咁上下，咁即係話，如果有「偉哥」搵你做代言人，多多錢都唔會接啦！


拍避孕套廣告，唔能夠畫公仔畫出腸，唯有同女model親熱少少，再加啲雨水效果，女fans睇完一定好失望囉！ ####


經典不厭百回看，何潤東早在07年拍嘅憤怒鳥內褲廣告，到今時今日依然叫女士們回味無窮。旁為台灣名模林嘉綺。

arrow
arrow
    文章標籤
    何潤東 深藏不露 壹週刊 1027期
    全站熱搜

    stacylife 發表在 痞客邦 留言(0) 人氣()

    E-mail轉寄