為期三日嘅「噶瑪巴九百周年慶典」，上星期六（十月八日）喺灣仔會展舉行，圈中信眾，王菲、劉嘉玲、林青霞、陳寶珠現身，袁詠儀、張智霖更加帶埋囝囝魔童嚟朝聖，接受灌頂。


王菲、嘉玲信密宗多年，遠飛印度見法王、捐廟、接待寧波車，做齊。尤其係俾人話心急求子嘅嘉玲，三日法會去晒，其中一日仲同老公拖手到場。以前信白龍王，做埋契仔嘅梁朝偉，近年亦跟埋老婆，追隨密宗。信仰自由，滿天神佛，信邊瓣，或多或少講機緣，二五話當年就算白龍王幾錫偉仔，一樣將嘉玲拒諸門外。點解？冇緣囉！ ####


受嘉玲影響，以前年年去見白龍王嘅偉仔，近年亦改信密宗，法會上，兩公婆誠心合十。


場場去嘅嘉玲，頭場陪住大美人林青霞坐。


袁詠儀、張智霖帶埋魔童到場，接受灌頂。


平日神神化化嘅關淑怡，亦有份同張智霖上台。


魔童


每年都會抽時間飛印度幾次見法王嘅王菲，專程來港獻唱佛歌。


除咗去法會，同好姊妹私下見寧波車，嘉玲將合照放上微博。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄