萬人見證 丁子高冧喊楊千嬅
2010年10月14日
雖然無期加場，但五場紅館演唱會獲好評，老闆林建岳已密謀明年幫楊千嬅開 Part II，做咗丁太再上舞台，千嬅一樣有市場。
老婆開騷，老公丁子高晚晚監場，在後台兼任巡場，幫老婆招呼一眾親朋戚友，老爺更拉隊由上海來港支持新抱仔。「老爺喺上海嚟咗！成個丁家都嚟晒！」千嬅說。
備戰三個月，體重 keep到 51kg，千嬅上到台好生猛，谷胸與男 dancers跳辣身舞；經過一輪地獄式特訓，歌藝舞步都有大躍進，連丁生亦忍唔住在微博讚老婆：「今天真的發現跟以前不一樣的楊千嬅！」
提起老公，千嬅在第三場個唱有感而發：「三年前，佢仲鬼鬼祟祟，今日佢就名正言順攞住 pass喺後台 fing吓 fing吓」「以為同佢出去（外埠）冇人知，點知一到機場就俾人影到，真係世界將我包圍，誓死都一齊！」
去到尾場，丁子高終於上台跟千嬅合唱如同二人寫照的《飛女正傳》，丁生唱得投入，肉緊攬實老婆！萬人見證千嬅預演婚禮！踏入人生新階段，下一個任務，是與丁生努力造人！
做咗人老婆，楊千嬅不改烈女本色，尾場與老公同台合唱《飛女正傳》，千嬅說，要將老公正正式式介紹俾家人（即全場萬多觀眾），二人台上晒恩愛，如同婚禮預演！
傻笑
啜嘴
攬實
喊唔停
完成一連五場紅館演唱會，進入人生新階段，雖然尾場唱到十二點十分，千嬅仍然唔捨得，喊到成面眼淚。
提水
頭四場丁子高只在台下做觀眾，頭場發現老婆講錯嘢，更緊張到大嗌，俾老婆還肉緊。
晚晚撐
千嬅每次開騷，爹哋媽咪都會撐足咁多場，更試過完騷後幫愛女在紅館外聽觀眾意見，今年仲多咗由英國學成歸來的細佬，支持家姐。
想趕在明年生仔的千嬅，坦言唔知幾時再開騷，尾場綵排後與一班來自日本的 dancers合照。
晒料
為個唱做 gym跑步練舞，捱足三個月的千嬅開騷後 keep住日日跟老師練完歌才到紅館，難怪著住九吋高踭鞋，跳住舞唱歌仍揮灑自如，彈結他亦有板有眼。
瞓身練
開騷前，千嬅台後重複練習舞步動作。
唔錫身
舞台歌衫件件有分量，夠靚之餘都危機處處，千嬅被到成手損晒。
阿姐駕到
成個丁家嚟晒，唔少圈中好友亦專登捧場，阿姐級就有 Liza姐 DoDo姐和樂易玲，千嬅聯同老公招呼好友。
萬人見證楊千嬅預演婚禮 丁子高傻笑落淚
雖然無期加場，但楊千嬅五場演唱會大獲好評，做了老婆的她再上舞台，一樣有市場。
老婆開唱，老公丁子高晚晚監場，在後台兼任巡場，幫老婆招呼一衆親戚朋友，男方家人更拉隊由上海來港支持媳婦。
到了最後一場，丁子高終于站上舞台跟楊千嬅合唱如同兩人寫照的《飛女正傳》，丁子高唱的投入，狂吻老婆！萬人見證楊千嬅當場預演婚禮！踏入人生新階段，下一個任務就是與丁子高努力造人！
留言列表
