9/10 3:40pm
打扮師奶的朱麗倩，現身九龍城街市旁的台灣食品專門店，盛傳有孕的她圓碌碌，但唔見有肚。"
探熱針
街市入貨 朱麗倩冇肚大步走
2010年10月14日
上月中，○八年正式做劉太的朱麗倩，被指四十四歲超高齡懷胎三個月，凸肚現身佛堂求子，事後劉華全盤否認。
老公唔鍾意自己曝光，聽話朱麗倩繼續保持低調，上週六（十月九日），記者發現身穿 T恤牛仔褲，打扮毫不起眼的劉太行街入貨，由九龍城買到去北角街市，冇化妝的她大步急行，只見眼肚唔覺有肚。大話天王今次真係無講大話！
眼肚大肚唔大
對於朱麗倩有孕三個月，劉華上週一（十月四日）於記者會上一臉認真，否認老婆大肚。「冇咁嘅事，我嚟緊要舉行演唱會，唔想俾人話製造宣傳。」可惜劉華「講大話」有前科，有定冇？外界半信半疑！
上週六（九日）下午，記者發現劉太朱麗倩在保鏢及司機陪同下，坐住劉華送她專用的白色七人車，到九龍城購物。身穿 T恤牛仔褲的她，行動敏捷，行路快到長髮識飛，雖然面圓下巴雙，渾身圓碌碌，但肚皮則未見脹起。混入師奶堆中，其間朱麗倩走入一間專賣台灣食物的鋪頭，揀完一輪，最後買了多箱康師傅麻油藥膳細麵，並由店員代搬上七人車。
我有飽飯佢食 o架！（設計對白）
劉華上週五做千嬅個唱嘉賓，老婆肥肥白白，他卻瘦過龍，搞到成面皺紋。
44歲的朱麗倩養尊處優，雙下巴、眼袋、肉騰騰手臂同肚腩胃腩乜都齊，夠晒福相。
朱麗倩（箭嘴）最後買了大量康師傅細麵，店員幫手搬上車。
5:10pm
轉到北角街市，四眼保鏢攞住事頭婆的購物清單（箭嘴），到凍肉檔買魚蛋。
買完餸，朱麗倩坐劉華送給她的豐田 Villfire七人車過海返加多利山。
北角買魚蛋
劉華有份演出的內地大片《建黨偉業》，月初已由北京移師到天津取景，朱麗倩專程到九龍城搜羅標榜藥材湯底，有黑麻油及新鮮枸杞等做配菜的藥膳細麵，相信是為健康至上，日前已出發北上埋位的劉華作好準備。
買完麵，朱麗倩再過海到北角街市再買，但她冇落車，只由四眼保鏢攞住「菜單」做買手，在街市內的凍肉鋪買魚蛋牛丸等火鍋料。
買到五時，朱麗倩乘坐七人車由東隧過海準備返回加多利山寓所，但司機發現記者車，於是不停在觀塘及麗港城一帶兜路。其後朱麗倩的四眼保鏢見記者出現加多利山，竟出言恐嚇，驅趕記者離開。
華仔推出翻唱經典作品的全新國語碟，拍床照益歌迷，幫無綫拍特輯，更罕有地自爆私隱。
飾演蔡鍔的劉華早前到北京拍《建黨偉業》，劇組本月初已轉到天津拍攝。
06年
對劉華大事小事，朱麗倩照顧周到，唔止買餸，連到雜貨鋪買吸濕器，也不假手於人。（《忽然 1周》圖片）
唔著貴衫，唔戴首飾的朱麗倩，同保鏢一齊在九龍城睇平價旅行袋。
4/10
傳出劉太有孕，「媽媽」葉德嫻在劉華個唱記者會上話恨抱孫，但劉華一落台就一臉認真地否認將為人父。
講極唔信
劉華去年被踢爆○八年在美國秘密註冊結婚，多年來不停否認已婚有仔女的謊言破滅，上月再傳朱麗倩有喜，即使劉華否認將為人父，但近日仍有指他為免老婆被騷擾，密謀將朱麗倩送到美國待產；一次不忠，百次不用，劉華講嘢冇人信晒，咎由自取。
影相要斬
劉華請保鏢、司機傍住老婆朱麗倩出入，愛妻兼擋傳媒，一舉兩得。受人錢財，試過因護主而向記者大罵「快啲走，×你老×」的四眼保鏢特別賣力，相機反拍，出言恐嚇，做齊！
四眼保鏢反拍記者後，即一言不發走回劉華大宅，途中發現被尾隨拍照，竟回頭大罵：「影咩呀？信唔信我搵人斬你隻手。」
見本刊記者有其他同事到場，連司機也加入罵戰。
司機攞住雞毛掃，叉晒腰在大閘前叫囂：「我鍾意洗車呀，吹咩？」記者聲稱會將恐嚇之事如實報導，二人始向記者道歉。
炒得
劉華將在十二月二十日至明年一月六日在紅館開騷，個唱門票開售即爆，「黃牛黨」近日已在各網站炒飛，部分數量多達二百張，$480票兩張收$1,500，每張淨賺$270，好炒得。
告別個唱
「黃牛黨」在網上以劉華個唱是「告別演唱會」及「最後一次紅館個唱……」作促銷。
貴飛炒晒
中價飛$280賣$400，除夕夜就加多$30，至於貴飛售價，「黃牛黨」說：「$1,500兩張，剩番好少，快啲啦！」
有辦睇
為增加買家信心，「黃牛黨」把過百張門票拍照，抹走座位號碼放上網，右下角有「 CASH」字樣，代表真金白銀購入，並非假票。
朱麗倩街市掃貨肚皮扁平 全身發脹現雙下巴
上月中，08年正式嫁給劉德華的朱麗倩被指44歲超高齡懷胎三個月，凸肚現身佛堂求子，事後劉德華全盤否認。
劉德華不喜歡朱麗倩曝光，聽話的她繼續保持低調，10月9日記者發現身穿T恤牛仔褲、打扮毫不起眼的朱麗倩上街購物，由九龍城買到北角街市，沒有化妝的她大步行走，不覺得有懷孕，大話天王這次是真的沒有講大話！
留言列表
