9/10落寞扯煙
藍潔瑛上週六回家前先到附近便利店扯煙，有街坊一見到當年花旦現真身，即時叫埋其他師奶睇明星。"
想當年
忽現微博 藍潔瑛怨爆商天娥
2010年10月13日
蔡楓華闊別娛樂圈廿幾年後強勢復出上《勁歌金曲》，證明一剎那癲喪唔係永恆。
同樣被封為「四大癲王」之一的藍潔瑛，近年唔係出入醫院就係流連街頭扯煙，不過最近 47歲藍潔瑛忽然現身明星必玩的微博上，更留言話自己正跟一個知名導演傾緊新戲復出，吸引到 5萬幾人做粉絲關注佢。以為藍潔瑛終於重新做人，但上週五藍潔瑛清醒地否認有玩微博，而對於當年藝訓班同學商天娥結婚，藍潔瑛忍唔住狂數對方，「我同佢感情麻麻，佢（當年）成日鬧我 o架！」
互動片段
藍潔瑛唱 K講娥姐
曾經「靚絕五台山」的藍潔瑛，跟商天娥、吳君如、劉嘉玲和曾華倩等人同屬 TVB第 12期（ 83年）藝員訓練班，當年藍憑清純氣質彈出，拍過《蓋世豪俠》和《大時代》等經典電視劇。
藍潔瑛唔識玩微博，但又離奇地有微博戶口，仲有埋 V字確認真身。記者致電新浪微博查詢，發現認證過程非常馬虎，負責人話收到藍潔瑛的經理人要求 V字，但當記者表示藍已親自否認有玩微博時，負責人即表示唔知情。
'88 25歲
靚絕五台山的藍潔瑛，曾經同周星馳傳過緋聞，但佢否認同星爺拍過拖，「食吓飯咋，咁都算追咩！不過我有睇佢套《長江 7號》，幾好睇吖！」
'10 47歲
已經中年發福的藍潔瑛起初不願上鏡，經記者再三要求後終於肯影相，但就指定要影全身，不停叫記者企後啲影。
歌喉唔錯的藍潔瑛，除咗鍾意唱〈 Tell Laura I Love Her〉等英文歌，仲鍾意點張學友、張國榮同梅艷芳的歌。
藍潔瑛一坐低即刻大啖食，其間少說話多食嘢，對 4百幾蚊 6件的拖羅更加夾唔停。
「好等錢使」
藍潔瑛同鄭少秋主演的《大時代》當時極受歡迎，有傳藍因為抽離唔到角色而患上精神病，記者向她求證時，藍沒有回答，顯得甚為避忌。《蘋果日報》圖片
同學個個撈得掂，反而當年紅得最快的藍潔瑛於 92年拍完《大時代》後，精神狀態開始失常，現更要住在筲箕灣公屋，每月靠 3千幾蚊綜援生活。記者最近竟於微博發現藍潔瑛的戶口，她更揚言部署復出。上週五（ 8日）記者到藍潔瑛位於筲箕灣愛東邨的住所問她寫微博復出一事，她竟一頭霧水，「咩係微博？我冇寫過，不過我真係想復出呀，我好等錢使！你哋幫手叫啲導演搵我啦！」翌日下午藍潔瑛外出時發現記者等候，她突然發難話要報警，但她上樓十多分鐘後又致電向記者道歉，「頭先唔好意思，我唔鍾意人喺屋企等我 o架！不如出嚟食飯，你哋係咪有公司車嚟車我？有冇 budget食飯 o架？我哋落蘭桂坊食日本嘢啦！」
抵達蘭桂坊後，藍一支箭帶記者到日本餐廳 Tokio Joe，更點了牛肉刺身、吞拿魚腩同牛肉飯，非常識食；之後更跟記者唱 K傾心事。
娥姐霸道
藍潔瑛向記者表示，自己經常被偷電話，現時已沒有同圈中人聯絡。對於商天娥結婚，藍即時埋怨娥姐冇請佢飲之餘更曾欺負她，「佢成日話佢啲戲先係戲，我嗰啲唔係！有次喺片場發脾氣時仲爭啲 fing到我添！」
怨爆娥姐，但藍潔瑛則非常關心其他同學，「你（記者）有冇劉嘉玲電話？華倩好好 o架，之前成日搵我，不過有次我打去問佢借錢，之後就冇再聽我電話喇！（知唔知佢離咗婚？）係咪真 o架？佢有幾多贍養費？一個人帶住個仔都好辛苦。」 47歲藍潔瑛如果想復出搵導演吼，真係要 keep吓啦。
逐個數
藍潔瑛曾喺電視圈紅咗 10年，跟唔少花旦合作過，但佢最深刻都係被訓練班同期出身的商天娥「恰」到冇碇企。
記者將早前娥姐婚禮嘅情況告知藍潔瑛，話君如同華倩大爆當年藝訓班趣事，佢邊聽邊露出笑容，似乎非常懷念昔日情況。
藍潔瑛曾經同商天娥合作拍過三套劇，但藍提起娥姐就話：「如果真係復出，都唔想同娥姐合作。」娥姐週一回覆記者時，一聽到藍潔瑛個名即刻表示「我諗呢啲嘢唔好再講喇。」
華倩關心
吳君如（左）、曾華倩（右）同藍潔瑛當年情同姊妹，記者週一致電曾華倩，對於曾借錢畀藍潔瑛一事，華倩表示：「呢啲嘢唔方便講，我哋真係好耐冇聯絡，都想搵機會約番成班同學仔見吓面。不過請你哋高抬貴手，畀佢有番私人空間啦！」《壹週刊》圖片
梅姐有義
藍潔瑛曾跟邱淑貞（中）、梅艷芳（左）感情要好，仲話梅姐講過要將成副遺產留畀佢。《蘋果日報》圖片
大狀清洪恩師曾權威 05年跟藍潔瑛傳過緋聞，曾律師更曾當着記者面畀錢接濟藍潔瑛，但藍竟叫記者幫佢向曾權威追數，「佢嗰陣叫我影啲廣告相，但要上我屋企影，我梗係唔制啦！佢仲爭我成 1百萬 o架！」曾律師否認爭藍潔瑛錢：「當年係蕭定一想搵佢拍廣告，但佢開成 1百萬，人哋當然縮沙啦！」《壹週刊》圖片
47歲藍潔瑛否認複出 埋怨商天娥霸道欺負人
蔡楓華闊別娛樂圈二十幾年後強勢複出上“勁歌金曲”，同樣被封爲“四大癫王”之一的藍潔瑛，近年不是出入醫院就是流連街頭抽煙，不過最近47歲藍潔瑛忽然現身明星必玩的微博上，更留言說自己正跟一個知名導演談拍新戲複出，吸引到5萬多粉絲關注她。
以爲藍潔瑛終于重新做人，但上周五藍潔瑛清醒的否認自己有玩微博，而對于當年藝員訓練班的同班同學商天娥結婚，藍潔瑛忍不住埋怨對方：“我與她感情一般，她當年整天罵我的！”
留言列表
