其實《 Winning》做過好多錯事！集集話改革、加新動作、強化 AI……但到頭來玩上手又係同上一集差唔多。但今次《 WE 2011》真係決心改過， ML有得玩 Online，大量花式更加入簡易操作系統，電腦 AI仲識得組織漂亮攻勢，我哋應該畀多個機會佢，你睇，美斯個樣幾誠懇！文：阿洛
磨刀千日 用在 Online 放大圖片 
歐版已出，但咪仆出去買 Game住，因為今次《 Winning Eleven》係有行貨版 o架！除中文介面外，同梱版除有支按摩棒送之外， 320GB嘅白色主機更加係首次登場。之前玩 Master League，你砌到一隊幾勁球隊，最多都係 Online打吓、演吓嘢咁，煲機煲到爛，嘥料囉！今集 ML終於有得玩 Online，電腦會因應玩家最近期嘅球隊狀況同能力編排不同級別，所以絕對唔會出現強隊對魚腩呢啲情況，魚腩們可以放心。而贏波之後，同以往一樣都係有錢賺，而賺到錢就可以買球員，砌隊皇馬、巴塞混合體出嚟都得。
放大圖片 
■有版權國家隊包括英格蘭、荷蘭、德國及意大利等。
放大圖片 
■球會方面，巴塞、皇馬、國米都係有版權喺歐聯同歐霸用。
放大圖片 
■行貨推出時會有中文介面，所以今集咪貪快買歐美版。
放大圖片 
■遊戲連主機同梱版，送足球按摩棒，而且更跟白色 320GB主機。
簡化花式 人人美斯
今集又聲稱開發了 1,000種動作， Winning迷聽到悶啦呵！不過實際玩過像球場氣氛、球員動作都精細咗，而且以往複雜嘅花式，今集就可以簡簡單單出到，因為加入了簡單按鍵系統，只要先設定按鍵嘅花式，幾個掣就可以施丹轉身再嚟直角假身，要好似美斯咁好腳法好容易。而同時今集亦有全新射門能量計及體力計，另外亦有全新界外球系統，睇得出廠方今次真係有誠意重新做人！
放大圖片 
■自行 Edit球員繼續保留，改衫組又要開工。
放大圖片 
■選隊畫面都變靚咗，都係嗰句，行貨會有中文。
欲練神功 必先自「攻」
操作係今次最大改動項目之一，首先，傳球已經唔係電腦幫手自動搵目標，即係唔係求其去到禁區邊按三角掣就可以傳到靚絕直線波，傳球方向要自己控制，玩上手感覺和之前系列唔係太同，即係上幾代嘅高手，睇嚟都要操一操先好認叻。另外，上集聲稱嘅 360度盤球劣評如潮，但今集嘅 360度盤球就易玩好多，自由度亦好高，加上直角假身回歸，技術型玩家應該有所發揮。
放大圖片 
■ Yeah！好嘢！ ML有得 Online，開心過捧盃呀！
放大圖片 
■比賽時的畫面看來改動不大，其實操作大不同。
放大圖片 
放大圖片 
《 WORLD SOCCER Winning Eleven 2011》 放大圖片 
平台： PS3/XB360廠商： Konami類型：足球人數： 1-多人發售日期： 10月 14日 
留言列表
