莊思敏昨日和一班外籍模特兒在銅鑼灣 Sogo行騷，她穿上短裙、短褲坐在積木形梳化上，不少購物的顧客都停步看騷。莊思敏事後卻謂行騷中途，見到有人用相機對住她下身，令她嚇一嚇，即時想起郭晶晶遭紅外線透視偷拍事件，她說：「真係有陰影，頭先有人拎住部相機想炒底，自己都驚起上嚟，呢件事唔係女藝人先要小心，男人都關事。」之後莊思敏忍不住笑說：「不過，男人嗰度大咪唔介意囉，細應該都會好介意！」採訪、攝影： Stephenie Yeung


莊思敏昨日穿短裙示範 leggings，卻自爆被人偷拍裙底。

莊思敏黑色乳貼自保

模特兒莊思敏（Jacquelin）昨日為絲襪品牌作示範，提起紅外線偷拍，她稱剛才行騷時突然有所擔心，她解釋：「因為剛剛着住短裙行騷，見到有龍友低炒影我。」Jacquelin呼籲政府應立法制裁紅外線偷拍，認為嚴重程度等同非禮及性騷擾，又指事件不但困擾女性，男性也受影響，她大講有味說話：「如果個男仔嘅size好細咪會介意，對自己size好自豪嘅就唔介意囉！」問她如何防範？她笑言：「我聽人講淺色衫嘅透視效果明顯啲，我咪着多啲深色衫，最好有黑色乳貼推出啦！」

莊思敏曾被愛犬抓破價值千多元的絲襪，非常肉赤。

另外，對於陳偉霆及蔡卓妍公開拍拖，她說：「都有少少驚訝，但冇嘢係冇可能，最重要開心。可以公開係一種勇氣同福氣，將來嘅事冇人知，呢一刻享受咪得。」