人氣劇《義海豪情》繼有敖嘉年和麥長青跑出後，近日又一配角彈起。入行 13年的黃浩然獲金牌監製李添勝帶挈，終於由二線升一線，在添哥明年初開拍的民初劇《大話情人》中首次擔正做男主角，飾演復仇奸仔，劇中與周麗淇有一段失憶情緣。
李添勝監製的《巾幗梟雄》系列贏盡好評，第一輯就捧起做配角多年的黎耀祥，更令他和女主角鄧萃雯在台慶頒獎禮齊膺視帝視后；現時播映的《義海豪情》，添哥又捧掂敖嘉年和麥長青。擅長點石成金的添哥明年退休前將再開兩套劇，其中一部 20集民初愛情劇《大話情人》（暫名）明年 1月開拍，有指不少男藝員爭崩頭撈，希望博得添哥青睞。
獲大讚有潛質 放大圖片 
黃浩然（中）與周麗淇（左）曾在電影《愛．作戰》結片緣。劇照
據悉添哥除一早扑槌由周麗淇演女主角外，男主角一直懸空，雖然曾傳鄭嘉穎有機演出，結果這機會卻落在於《義》劇演楊陽的黃浩然身上。 35歲的黃浩然入行 13年，近年由大銀幕轉戰公仔箱，不過從未正式擔任第一男主角。記者昨致電添哥，他直認搵浩然孭飛新劇，對於超多藝員爭演該劇，添哥笑說：「呢套係 20集愛情劇，搵幾個男主角嚟把鬼咩？浩然幾好，應該上位，一浪接一浪，應該到佢啦，佢幾有潛質。」
戀失憶周麗淇 放大圖片 
浩然（右）亦有份演李添勝（左）監製的《碧血鹽梟》。資料圖片
其實浩然和周麗淇曾在電影《愛．作戰》合作，相隔 7年後再結戲緣。《大》劇講述兩人是孤兒，女方幼時意外失憶，被醬油廠老闆收養成為當家，長大後重遇奸仔浩然，他為復仇混入周麗淇的醬油廠，再打壓其仇人，後來周麗淇與他相戀及回復記憶，才發現童年友伴已踏上成魔之路。採訪：夏琴 
黃浩然在《義》劇中與陳法拉演一對戀人，浩然更因此劇上位。劇照
全站熱搜
留言列表
