山手扶持65歲的黎小田，男士風度表現無遺，見曾敏過馬路即時輕扶對方，身高 5呎 7吋的曾敏與 5呎 3吋的黎小田，站在斜路上，都唔覺相差好遠。

 

資深音樂人黎小田，自 85年與大公仔關菊英離婚後，女伴愈換愈嫩口，亞姐朱燕珍、艷星陳雅倫與吳雪雯都榜上有名。今年 65歲的他依然有心有力，最近搭上曾在圖書館偷雜誌而留案底，只有 25歲的無 綫姐仔曾敏。
10月 3日，本刊直擊黎小田相約曾敏食 tea兼睇戲，雖然兩人高度懸殊，黎小田亦做得曾敏阿爺，但睇辦過程非常順利。事後曾敏直認經媽咪介紹認識黎小田，並以小田哥稱呼對方。
對於這段爺孫戀，黎小田的初戀情人薛家燕笑到收唔到聲，更大爆小田溝女有方，「呢個金童真係有金 㗎！出手闊綽，不過佢成日換女！」

 

黎小田是圈中音樂奇才，歷年來金曲代表作多不勝數，不過在他身邊團團轉的女人，數目亦不比代表作少。黎小田矮仔多情，幕前幕後都口甜舌滑，女絕對有一手。

 



舊情人家燕姐：佢成日換女家燕姐係黎小田初戀情人，知道小田哥又有新女伴，佢開心到大笑。家燕姐更大讚曾敏皮膚好滑，人又斯文。

雞啄唔斷10月 3日下午 4時，黎小田與曾敏在跑馬地出現，雖然中間隔住曾敏媽媽，但兩人依然傾得好投契。

 

早年投資夜場

 

90年代黎小田與英皇集團老闆楊受成關係友好，更入股楊受成在跑馬地英皇駿景酒店內的夜場 Pink Mao Mao Bar， 02年黎小田在同區更投資有女公關駐場的 Piano Bar。據知當年黎小田有「金牌中間人」之稱，他幾乎日日在店內打躉，閒時彈琴唱歌，與客人飲番兩杯，加上場內有不少妙齡少女及北方佳麗出入，吸引城中富豪幫襯。今年 8月便爆出 Piano Bar的公關經理祁春艷於 06年在店內釣富商 X，最終因勒索而被判監，其後 Piano Bar亦告結業。
黎小田近年過其退休生活，感情生活依舊精彩。本刊 10月 3日目擊他和無 綫姐仔曾敏現身跑馬地嘆咖啡，同行還有一名中年女人。黎小田和曾敏點餐時有商有量，之後更旁若無人分享一杯甜品。其間曾敏問黎小田：「平時你鍾意睇咩書 㗎？」黎小田一臉正經地回答：「都係武俠小說多。你呢？」剛放入一口甜品的曾敏回應：「我鍾意睇愛情小說 㗎，原來我 哋都鍾意睇小說喎！」二人你一言我一語彼此了解，看來是首次見面，場面猶如「睇辦」，反而冷落坐在旁邊的女友人。
嘆完咖啡，三人乘的士轉戰銅鑼灣時代廣場，黎小田和曾敏走進戲院商量睇邊套戲，女友人則入了商場閒逛。記者聽到曾敏提議睇 Mr. Bean主演的《特務戇 J》，二人買票後再會合女友人一起入場。雖然戲院內有大大個「電燈膽」在場，但無礙黎小田的溝女心情，他不時撩曾敏傾偈，言談甚歡。散場後三人更食埋晚飯先歸家。

 



做埋侍應黎小田唔止出錢請飲咖啡食甜品，仲親身送遞咖啡。

甜品兩份食雖然有曾媽媽做電燈膽，但小田哥與曾敏依然一杯甜品兩份食，你一啖我一啖，甜到漏。

照顧周到黎小田先行出咖啡店，見門口有一級樓梯怕曾敏會仆親，他即時出手扶實，但同行的曾媽媽卻沒有呢種待遇。

06年最上鏡亞姐《蘋果日報》圖片

 

曾母拉攏相睇

 

原來樣貌端好、身形高 䠷的曾敏大有來頭，早年移民加國的她， 06年選亞姐奪最上鏡小姐， 08年卻因在銅鑼灣中央圖書館偷走一本雜誌，最終被判偷竊罪成，罰款一千元，留案底，之後更被亞視立即終止合約。雖然運滯，卻無阻她入娛樂圈的決心。 09年她參加無 綫電視藝員訓練班，兩年來拍過不少無 綫劇，但只演行行企企角色，最近在無綫處境劇《結．分＠謊情式》中，有份飾演 OL，戲份已經算多。
雖然與黎小田年齡相隔 40載，但二人相處絕無隔閡。早前曾敏大方向本刊承認：「其實係我媽咪介紹小田哥俾我識 嘅，佢 哋識 咗好幾年，當日你 哋影到 嗰個女友人係我媽咪。（你同黎小田態度好親暱喎！）哈哈！佢係好細心 嘅男人，過馬路時佢扶我，怕我俾車撞到，關心我 啫！（點解拍拖帶埋媽咪？）通常都三個人一齊出去！都有試過單獨出去睇戲 嘅。（係咪即係相睇？知唔知佢已經 65歲？）我唔知呀！做朋友冇話介唔介意 嘅！」至於 08年的偷竊案，曾敏不想多提，「件事過 咗好耐啦！罰 咗一千蚊囉！（留 咗案低喎。）係，不過對我 嘅工作冇影響。依家我好珍惜演出機會，總之有得做就得啦！」

 



拍拖睇笑片

黎小田與曾敏在 UA時代戲院商量睇咩戲，女方話要睇《特務戇 J》，黎小田乖乖買飛，不過要預埋同行的曾母，冇得二人世界。

睇完戲 8點幾，三人到銅鑼灣智選假日酒店食川菜，兩小時後離開，搭的士先送黎小田返回北角雲景道寓所，曾敏母女再返大坑道寓所。

 

黎小田：我教佢做戲

 

本周三（ 16日），記者致電黎小田，有備而來的他輕佻回應：「我知！你哋影到我同個女仔，仲有一個女人出街嘛！薛家燕通知咗我啦！女仔我真係識好多，我識咗曾敏媽咪好多年。（嗰日係咪同曾敏相睇？）唔係嗰啲囉！（你全程照顧曾敏，冷落伯母喎！）唏！我梗係同女仔傾偈啦，女人（曾母）有乜好傾？（覺得呢個女仔點？工作上會唔會幫佢搭路？）我冇幫佢搭路，不過平時食飯會教佢做戲，我知佢拍緊無綫套處境劇嘛！」

 

家燕爆小田多情

 

對於黎小田嗒新女，舊愛薛家燕睇到相後大笑說：「次次同佢食飯都帶唔同女仔 㗎！佢成日換女。呢個約吓食飯， 嗰個傾吓偈咁。小田追女仔送 啲禮都唔差，呢個金童真係有金 㗎！加上佢份人好細心，又成日講甜言蜜語，當唱歌咁唱，梗係多女仔鍾意。佢一直都想搵個伴，不過就話唔會結婚囉！」眼利的家燕姐更一眼認出曾敏：「呢個係咪拍《九江十二坊》 嗰個演員呀？佢仲話我知佢選過咩咩小姐 㗎嘛！（覺得佢點呀？）幾靚女啦，白白淨淨，有禮貌 嘅！佢皮膚真係好靚。」現正與比她年輕 17年嘅男友蜜運中的家燕姐更取笑黎小田：「可能佢妒忌我，所以搵個後生女啦！祝佢成功，或者佢會為呢個女仔改變呢！」
薛家燕早年曾大爆：「黎小田俾過本存摺我睇，又送過一架私家車俾我，追我唔到就話『以後唔再追女仔』。」唔好以為 65歲的黎小田只係退休阿伯一名，佢 嘅追女伎倆，分分鐘拍得住陳冠希。

 

直認有約會

 



佢係好細心嘅男人！（真實對白）

 

11月 1日曾敏在無 綫將軍澳電視城回應與黎小田相睇一事，她直認與黎小田曾單獨約會不止一次，更大讚對方有風度。

 

離奇折返博影相

 

 

 



10月 30日，曾敏在母親陪同下到旺角出席樓盤活動，之後由大會專車送去灣仔君悅酒店。適逢徐子淇在君悅開 party，見大批記者在場曾敏即時搭的士離開。

過咗半粒鐘，曾敏再坐寶馬到場，企定定俾記者影相，不過佢唔係去參加 party，打個白鴿轉就走，擺到明博影相。

 

小田愛嫩女

 

黎小田最令男士羨慕的，不是他的音樂才華，而是身邊「車輪轉」的女伴。要數黎小田情史，除了初戀情人薛家燕及前妻關菊英外，最令人印象深刻是 98年與亞姐朱燕珍的一段忘年戀。
此外，與嫩口女星吳雪雯、王從希、陳雅倫、李麗珍及姚正菁等亦傳過緋聞。

 



初戀女友家燕姐黎小田與家燕姐識於微時，兩人曾是銀幕金童玉女。當年知道家燕姐離婚，更開玩笑說：「早知你嫁俾我啦！」

前妻菊姐黎小田 82年與關菊英結婚，婚姻只維持了 3年。之後關菊英改變性取向，現有一同性密友 Willy。記者亦曾就黎小田與曾敏搭上一事問過關菊英，她透過助手表示：「唔回應！」

艷星吳雪雯當年拍過三級片的艷星吳雪雯，亦曾與黎小田發展過一段忘年戀，女方曾向外表示受不住外界壓力而分手。

亞姐朱燕珍99年黎小田與朱燕珍不避嫌孖住出席模特兒選舉活動。當時為亞視合約藝員的朱燕珍月薪約一萬三千元，卻家住跑馬地，駕駛廿多萬的寶馬房車。《蘋果日報》圖片

 

富貴退休生活

 

黎小田 5歲開始做童星，拍過不少粵語長片， 70年代與薛家燕以情侶檔主持麗的電視節目《家燕與小田》， 80年代更作過不少家傳戶曉的電視劇主題曲，包括〈大地恩情〉及〈浮生六劫〉等。
早年黎小田除投資夜店外，亦開設廣告、電影及經理人公司。近年他雖然退下火線，但仍不時出席公開活動。家住過千萬北角半山豪宅的他，揸 50萬 Audi跑車，公子生活未變。 65歲的黎小田更每日行山做運動，非常健康。

 



公園晨運黎小田每日無事忙，日前他徒步到寓所附近的賽西湖公園散步，生活非常悠閒。

揸跑車去醫肚

做完運動，黎小田揸住佢架 50萬的 Audi TT跑車去天后食碗牛腩河，食完即返位於北角雲景道的寓所。

曾投資夜店02年黎小田在跑馬地投資的 Piano Bar，當年引入女公關駐場，酒吧採會員制，私隱度高設閉路電視，令顧客玩得放心，成為城中富豪的熱門蒲點。《壹本便利》圖片

 

轉投無 綫做姐仔

 

現年 25歲的曾敏，早年與母親移民加拿大，學歷只有中學程度， 04及 05年兩度參選溫哥華 Crystal Mall Cover Girl的選美比賽均落選。 06年以海外佳麗參選亞洲小姐，只獲得最上鏡小姐一獎，簽約亞視後主持節目及拍劇。 08年 12月，她在銅鑼灣中央圖書館偷雜誌被保安員發現，偷竊罪成留案底，亞視即與她終止合約。

 



08年 22歲的曾敏在圖書館偷雜誌被控，罪成留有案底，當年由亞視的經理人陪同步出法院。《蘋果日報》圖片

曾敏（左一） 06年參加亞姐奪最上鏡小姐，當年由來自哈薩克，年僅 16歲的達蓮娜．舒夫真高（右二），爆冷成 3料冠軍。

 

http://stacy4life.pixnet.net/blog

 



《九江十二坊》做妹仔

《結．分@慌情式》做 OL

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄