花花乳貼整個演唱會非常慳皮，關淑怡全程冇換衫，只穿一套白色西裝。真空上陣的關淑怡，中門大開不時露出花花乳貼。

06年復出兼開個唱的關淑怡，票房慘淡收場， 07年加盟星娛樂做一姐，同年再開兩場個唱都不復當年勇。近年關淑怡 keep住神化，不時失場、耍大牌，故 09年約滿星娛樂後，至今仍未有唱片公司肯接收她。
失業兩年，既要交租又要供 9歲囝囝讀國際學校，有指關淑怡一直靠「食老本」及問朋友借錢過活。由於過往紀錄唔良好，冇人敢搵她做騷，惟天無絕人之路。上周六（ 12日），她獲寶麗金年代嘅好友黃耀明出面幫拖，孖住 喺澳門威尼斯人酒店開演唱會。
據知，因為明哥今次拍晒心口寫包單，故主辦單位終對關淑怡拾回信心。關淑怡亦好生性冇失場，６位數字歌酬袋袋平安外，更可借助同明哥合作贏番口碑。

以飄忽、神化聞名娛樂圈的關淑怡，近年復出都未能再闖高峰，最攞命是她愛玩失場、黑面。 09年更與星娛樂唱片公司反面收場，令其他唱片公司聞風喪膽。
關淑怡個 file成呎厚，要搵唱片公司與她合作實在有難度。上周六（ 12日），她能夠在澳門威尼斯人金光綜藝館舉行《黃耀明 x關淑怡忘記他是她》演唱會，都係多得好友黃耀明帶挈。知情人士透露：「 Shirley（關洋名）個底花晒，好多唱片公司都對佢冇信心。佢之前成日玩失蹤，要求多多又有性格，冇人敢搵佢合作。今次去澳門開騷，都係明哥拍晒心口話一定冇問題，主辦單位先夠膽搵佢做咋！」
據知威尼斯人酒店主辦的演唱會，向來都只由一位歌星 孭飛，近年陳奕迅、容祖兒與鄭秀文都開過，今次由黃耀明孖住關淑怡，二人組合都是第一次。「原本傾好由明哥一人 孭飛，佢本身已經好有叫座力，大把經典歌之餘，又可以唱其他歌手 嘅歌。不過佢突然提出搵埋關淑怡，仲話咁樣有新鮮感，觀眾會鍾意。」



咀住出場上周六（ 12日），關淑怡與黃耀明在澳門威尼斯人開騷，坐近 8千觀眾，門票由$300至$500。唱先的黃耀明，介紹關淑怡出場時，肉緊到咀對方一啖。

關淑怡與黃耀明相識於 80年代寶麗金年代。明哥對關淑怡為人有讚冇彈，果然夠老友。

我哋喺寶麗金時已經係好朋友。﹙真實對白﹚

撲水養仔關淑怡囝囝賢仔今年已經 9歲，在愉景灣國際學校讀小學。關淑怡多年來靠食老本養家，生活開支甚大，唔出山撲水都唔得啦！《壹週刊》圖片

知情者說。明哥今次擺到明關照多年好友關淑怡，助她挽回名聲，望她早日找到唱片公司合作，解決失業、欠債及日常生活開支等問題。
明哥用心良苦，昔日神化的關淑怡，今次在澳門開騷亦不容有失。每人連唱 15首歌，由明哥打頭陣先唱。
騷後記者問明哥為何要孖住關淑怡做演唱會？他說：「係大會撮合 咗我 哋，我好開心可以同 Shirley合作。（係咪你向主辦單位力薦 Shirley？）我 哋喺寶麗金時已經係好朋友，希望可以再有合作機會。（ Shirley以往因失場同神化，令人唔敢搵佢做騷。）我覺得佢冇問題，今次演唱會綵排 咗幾次，都好合拍。」據知關淑怡為求洗底出山，當晚患了重感冒都頂硬上。



一棚爛牙關淑怡雖年屆 45歲，身形都算 keep得到，最衰就係有棚煙屎牙。記者發現其煙屎牙已演變成一棚爛牙，仲冇咗隻牙，笑起上嚟勁趕客，真係有礙觀瞻。

嗌攰要坐唱咗幾首歌，關淑怡已經甩嘴兼走音，之後仲話腳痛要求工作人員拎張櫈俾佢坐住唱，足足 dead air咗一分鐘先繼續唱歌。

入金牌做一姐

另一方面，關淑怡亦急於搵唱片公司做靠山，據知她正與金牌大風斟洽，早前更被影到與前寶麗金高層，現職金牌大風高層的 Tommy Chu見面。知情人士透露：「金牌大風依家走剩梁漢文，成間公司都冇一個壓得場 嘅歌手。 Shirley就係知道金牌缺人，諗住入去做硬一姐。大老闆龐維仁都同佢見過面，應該傾得七七八八。不過金牌講到明叫 Shirley唔好再玩失蹤，同埋整番靚佢棚煙屎牙。」
對於有機會加盟金牌，關淑怡上周六晚在澳門騷後亦默認：「現階段係傾緊唱片公司。（係咪會簽金牌？）有幾間傾緊，暫時未公布得住。（今次係咪多得明哥先有得開騷？）其實今次演出歌酬都有 6位數字，不過我呢幾日感冒，隻腳又整親，不在狀態。（依家經濟狀況如何？）多謝關心。」對於明哥幫拖開騷及經濟狀況，關淑怡都不肯正面回應。

密會唱片高層

 



環球 Duncan有指關淑怡近年想搵唱片公司靠攏，去年她被影到與環球高層 Duncan在酒店飲茶，不過最後未有達成任何合作機會。《壹週刊》圖片

金牌龐維仁不少唱片公司都怕關淑怡麻煩而卻步，所以關淑怡正向歌手幾乎走晒嘅金牌大風埋手。老闆龐維仁更曾親自接見，傾成嘅話分分鐘可以做一姐。《蘋果日報》圖片

落難一姐

一首〈難得有情人〉，令關淑怡成為 80年代末、 90年代初的當紅女歌手。 89年加入樂壇的她，獲寶麗金唱片公司睇中力捧，很快便成為寶麗金一姐，唱過多首受歡迎的經典金曲〈繾綣星光下〉及〈一首獨唱的歌〉等，奠定其天后地位。然而 96年離開寶麗金後，她便開始退隱樂壇。
01年關淑怡曾復出，加盟 BMG，不過 02年未婚生子，她又隱居北美，多年來獨力撫養兒子賢仔。 06年關淑怡再簽大國文化，但聲勢已不及當年勇。 07年她加盟星娛樂，可惜為人神化，我行我素，令其事業陷入低潮，更有傳她要借貸度日。



曾是寶麗金一姐的關淑怡，當年經常與譚校長拍住上，為各大慈善騷表演。《壹週刊》圖片

07年關淑怡與鄭融齊齊加盟當時新成立的星娛樂唱片公司，合作兩年後有傳關淑怡與高層何哲圖（左）不和，約滿後未有續約。《 FACE》圖片

08年關淑怡在紅館開個唱，可惜未能令她鹹魚翻生。《壹週刊》圖片

arrow
arrow
    文章標籤
    唱片 金牌 今次 shirley 神化 公司 合作 威尼斯人 加盟 周六
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄