近排搞作多多的 MINI，有電動 MINI E，又有慳油 MINIMALIST搶曝光率。而貴為今年重頭戲的 MINI Countryman當然要壓軸上陣！ MINI首次以四門設計變種成為家庭車，難怪向來情傾家庭車的港人特別緊張，連一眾明星都齊讚四門更煞食。記者：許維雅攝影：陳陶鈞
其他副刊影片 Show Up大陣仗
為宣佈 MINI Countryman於香港正式發售，代理於尖沙嘴 1881舉行了一個大型揭幕派對，除了地面大堂擺放了一架 MINI作生招牌外，更用吊臂車吊了兩架上三樓會場，認真大陣仗。再加上四周都充斥住 MINI Logo投射燈、五光十色的幻彩燈效，整個 1881突然變身 MINI場館。據八卦消息得知，連同一眾撐場的明星嘉賓、酒水小食及宣傳等，整個派對花費近幾百萬元，可想而知 MINI有幾緊張呢部第四代的 Countryman！
放大圖片 
a.好多賓客圍住架 Countryman，睇得出大家期待已久。
放大圖片 
b.即使發佈會完結，仍有好多人唔願走繼續留低玩。
放大圖片 
d.有 MINI美女介紹新車，零舍醒神！
放大圖片 
e.派對開始前，廠方將 Countryman吊起上三樓會場。
到港版本 彩芒欠奉 放大圖片 
■連後排有四及五座選擇，到港版屬五座。
派對上展示了兩款最新到港的 Countryman，一部白色 Cooper S Countryman ALL 4及一部藍色 Cooper Countryman。之前在德國試車已玩過 ALL 4版，今次第一次見純 Cooper版，兩者外形的最大分別，是車頭鬼面罩及擾流泵把設計。馬力稍細、只得前驅驅動的 Cooper版，價錢當然更親民。到港版本雖欠奉 MINI Connected娛樂系統及彩色螢幕，但其餘鋪排及設計都大致一樣。話晒第一次曝光，所有賓客都把握機會圍住呢部風頭躉，逼晒上車先坐為快。
放大圖片 
MINI Cooper Countryman售價：$309,800
放大圖片 
MINI Cooper S Countryman ALL 4售價：$398,800
放大圖片 
■內櫳設計跟以往有些少不同，一樣可玩配色
放大圖片 
■鬼面罩換上粗間格仔設計
明星齊撐四門寬敞
曾經聽過有關 MINI的評語，不少人都認為最大問題是雙門，「唔想父母要捐入後座咁辛苦！」「後座放 Baby Car Seat載 BB唔方便！」今次的五門揭背 Countryman絕對是一大突破，第一批客仔可能就是一眾現身撐場的嘉賓，個個大談車經之餘，仲大讚變大了的 MINI多了兩隻門之後方便得多煞食得多。
放大圖片 
周慧敏
「揀車最重要係車廂有家嘅感覺，因我會坐喺車裏面寫生，所以要好舒服。我鍾意四門、空間大同埋視野高嘅車款，所以 Countryman高身咗好好多。」
放大圖片 
陳偉霆
「其實我期待咗呢架車好耐，今日睇見都覺震撼，因為 MINI之前得雙門，對我嚟講唔係太方便，今次變四門，車身大咗，我好鍾意！如果買一定會揀白襯黑！」
放大圖片 
周柏豪
「 MINI對於我嚟講偏矮，加上我經常載父母周圍去，唔太適合。但呢部 Countryman車廂變大，可以坐後啲伸長對腳，會考慮買！」
查詢： 3193 6800http://minihk.com 
c. 1881大堂放了架 MINI作座標，形成一幅無敵靚景。
留言列表
