除咗谷奶，陳自瑤當日着住貼身婚紗，難掩微隆腹部。

一個 Cammi，搞到陳冠希雞毛鴨血，連帶曾俾佢集過郵 嘅王浩信亦局住浮面。男人衰鹹濕冇得好講，至慘係十條一（上周五）嫁俾王浩信 嘅陳自瑤啫。姊妹們試諗吓，老公結婚前兩日俾人揭臭史，自己仲要奉子成婚，作為新娘嘅，唔使講都肯定係百般滋味在心頭。

老公感情有缺失，做老婆只可以當粉筆字抹咗佢。就結婚當日所見，王浩信、陳自瑤都好合作，錫嘴、騷戒指呢 啲指定動作，全部交足功課。每逢行出行入，新郎仲照顧周到，未等班姊妹郁手，已第一時間衝埋去幫老婆拎裙尾，慌死老婆會跌親。
不過又好難怪 嘅，老婆大肚，王浩信為怕個胎小器，暫時唔可以公布喜訊。之但係陳自瑤當晚肚凸凸，加上上圍谷到行一行，孕味咁濃，想瞞都瞞唔到啦。只望王浩信以後生性做人，咁就不枉陳自瑤對佢咁一往情深啦。



孕味甚濃嘅陳自瑤一𠌥低身，胸湧澎湃，明顯「奉子谷奶」。

情深一啜，又點少得。新郎、新娘定格錫足十幾秒，保證個個都影得到。


老婆有咗，王浩信梗係全程呵護，不但扶出扶入，仲幫手拎裙尾。

雖然婚前是非不斷，不過好快雨過天晴。接新娘嗰陣，王浩信同班兄弟赤腳跳舞，仲夾埋陳自瑤影搞鬼大合照（下圖）。



  

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄