售貨員介紹完一輪，阿田都話要考慮吓先，最後買包咖啡豆算數，不過都唔求其，都要揸一揸包豆，夠秤先俾包豆上購物車。

喺無綫捱咗五年嘅田蕊妮，今年終於憑處境劇《誰家灶頭無煙火》獲視后提名，雖然擺到明係陪跑，但起碼都叫做有番啲安慰。

《誰》劇播完，終於唔使日日開工嘅阿田，難得清閒，早兩日，就喺中環超市出沒。記者發現阿田買嘢有晒部署，一嚟到就直入咖啡豆嘅貨架，仲對全場唯一一部價值約三千蚊嘅咖啡機虎視眈眈，其間仲有一男一女售貨員應酬佢。三條友喺咖啡機前研究咗近十分鐘，阿田最後都係冇買，但為免尷尬，佢都好識做咁拎咗包咖啡豆走人。
精打細算係好，不過家住元朗嘅阿田，為部咖啡機山長水遠出到中環，最後竟然唔買，似乎計算過龍。




阿田發現記者，立即對住鏡頭笑晒，不過都唔夠佢拎住嘅 Birkin袋吸引。唔好意思，個袋並非出自正牌 Hermes，只係純粹抄款，平價貨嚟㗎！
做人太計算，反而弄巧反拙㗎！
做人太計算，反而弄巧反拙㗎！

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄