視帝爭奪戰漸趨白熱化，慘被無綫踢出視帝名單嘅林保怡，自言冇所謂，
亞洲視帝都做過啦！
咁又係，大雞唔食細米。唔做 TVB視帝，出面一樣大把世界。


 

鄭嘉穎貴為視帝候選人之一，同時係 TVB親生仔，當然力撐公司，指每個遊戲都有規則，
可以選擇參與同唔參與。
家吓佢有份角逐視帝，梗係咁講啦。到冇獎攞嗰陣，媽咪姐就睇吓佢仲可唔可以咁忠心！


 

周杰倫出席新碟記招，當被問及與女友昆凌年紀相差 14歲時，周董反應甚大回答：
戀情用年紀做規範，感覺好像太膚淺了。
愛情無界限嘅。不過媽咪姐奉勸周董唔好愈玩愈嫩。學似陳冠希咁就有排煩嘞。


 

李嘉欣雖同黎明老友鬼鬼，但早前接受網上訪問時亦取笑對方「金句」太多，
一路都聽唔明佢講咩。
黎氏金句一向難明，莫講話嘉欣吖。我諗世上冇乜邊個聽得明黎天王講嘅嘢。


 

早前被拍得跟甄詠珊食火鍋嘅林忠豪，與莊思敏關係愈見冷淡。日前佢更主動同女方劃清界線，並表明要成家立室，
自己都想搵個賢妻良母結婚。
咁即係話莊思敏唔夠賢妻良母啫。坦白講，莊思敏係咪賢妻仍有待商榷，但佢咁暗寸人呢，就肯定唔係好男人所為囉。


 

莊思敏聽完男方嘅「賢妻論」之後亦毫不客氣反擊，指擇偶嘅對象一定要專一，
人品先係最重要！
絕對正確。依家邊個有品冇品，讀者清楚晒啦。

arrow
arrow
    文章標籤
    句句金 忽然1周 851期
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄