我坐咗 16年監。（真實對白）
娛一叮
網友鬧爆呂方坐監論　 Do姐大方：唔緊要啦
2011年01月21日
呂方 3月再踏紅館開個唱，最近頻頻出席記者會同宣傳活動。咁積極本來好抵讚，不過佢接受訪問時大講坐監論，話同 Do姐鄭裕玲拍拖 16年似足坐監，獲釋後即重獲自由。言論見報後，呂方即時俾網友群起圍插。
不過 Do姐大人有大量，本周二（ 18日）接受本刊記者訪問時，除咗話自己生活好開心外，更笑對坐監論：「唔緊要啦！」 Do姐嘅大方，更顯得呂方冇量度。

呂方與鄭裕玲分手 3年，兩人再見不是朋友，彼此再無聯絡。不過早前呂方宣布 3月開個唱，接受報章訪問時卻高調地提及舊愛 Do姐，更以坐監來形容 16年情。 
我好開心！（真實對白）
 
呂方與 Do姐拍拖 16年， 08年 Do姐宣布跟呂方分手，強調此決定跟金錢和第三者無關，但當時有傳呂方因幫 Do姐投資蝕大錢導致兩人決裂。

似隻冇腳雀仔
呂方在該篇訪問中說：「我都坐咗 16年監啦，依家重獲自由，就好似一隻冇腳雀仔咁周圍飛，仲唔周圍瞄咩？我覺得四十幾歲嘅單身男人好吃香 o架！我咁耐都未試過咁開心，可能你覺得我囂，我認 o架！我從未試過咁高傲，未試過飛得咁行。」
呂方除了話同 Do姐拍拖似坐監外，仲自爆正被三名高質素女士力追，風騷到痺。坐監論一出，網友即在微博及討論區上鬧爆呂方，不少人都替 Do姐不值，認為呂方冇口德。
當日 Do姐與呂方分手，對外表示不牽涉第三者。其實兩人拍拖 16年來，無論性格或生活方式都非常唔夾。據知情者透露：「 Do姐唔使工作嘅時候都會早睡早起，佢唔鍾意飲酒，每朝早都早起做運動。但係呂方好鍾意飲酒，成日飲大返屋企語無倫次， Do姐梗係唔鍾意啦！所以佢同呂方約法三章，除非喜慶日子先可以出去飲酒，而且無論飲到幾點，呂方都要早起陪佢做運動，咁呂方咪覺得自己好似坐監囉！佢仲成日同班 friend夾定口供，每次出去玩都話有人生日。」同 Do姐拍拖要早睡早起，出去玩又要女友御准，令呂方深感拍拖無自由。不過點都好，都冇理由分手 3年仲數舊愛。


月租 4萬豪宅
上周五（ 14日）呂方到港台接受訪問後，乘保母車返回畢架山大坑台寓所。雖然外傳呂方與 Do分手後撈唔掂，但他所住的近千呎單位月租約 4萬，生活都算唔錯。《蘋果日報》圖片


高調開記招
上周四（ 13日），呂方着到成個王子咁款，由兩位公主打扮嘅 model陪住出席個唱記者會。當日佢仲講明唔會送個唱飛俾舊愛 Do姐，一啲風度都冇。《蘋果日報》圖片
 
曾煮飯冧女友
當年與 Do姐拍拖，呂方不時親自去買餸煮飯俾 Do姐食，今時唔同往日，兩人已再冇聯絡。
 
07年 Do姐陪開騷
07年呂方開演唱會， Do姐唔止捧場，仲做埋跟得女友幫手打點。今年 3月呂方再開個唱， Do姐就話一定唔會出現喇！《壹週刊》圖片

Do姐大方回應


享受單身生活
回復單身嘅 Do姐，非常享受生活，開始學畫畫，早前仲同「至八會」幾位姊妹開慈善畫展。

就呂方發表坐監論，記者於本周二（ 18日）搵 Do姐回應。當日 12時許 Do姐駕車從淺水灣寓所外出，未幾發現記者即停車接受訪問。
記：呂方接受訪問話坐咗 16年監喎？
Do：我哋已經分開咗咁耐啦！我唔想講佢，私人嘢我唔想講，有關工作嘅嘢我好樂意答你。
記：但係呂方咁講唔係幾好喎！好多人戥你唔抵。
Do：唔緊要啦！我冇睇過有關新聞同報道。佢親口對住我講任何嘢，我先會回應。
記：份報道喺度，要唔要睇吓先？
Do：我唔睇喇！我依家過緊自己嘅生活，我好開心，多謝大家關心。
記：會唔會去睇佢 3月嘅演唱會？
Do：唔會喇！呢啲唔係我 priority（優先）要做嘅嘢，總之我依家好開心！
Do姐回應時非常大方得體，睇嚟今時今日呂方嘅一舉一動， Do姐已經完全唔在意。
網友鬧爆 
冇量度 
鄙視 
冇口德

Fans力撐

呂方爆與鄭裕玲相愛16年像坐牢 網友群起圍攻

呂方近日稱與鄭裕玲相愛似坐牢，如今重獲自由
呂方3月再踏紅館開演唱會，最近頻頻出席記者會同宣傳活動。這麽積極本來值得贊賞，不過他接受訪問時大講坐監論，說與鄭裕玲相愛16年似足坐監，獲釋後即重獲自由。言論見報後，呂方立即被網友群起圍攻。

不過鄭裕玲大人有大量，本周二接受記者訪問時，除了說自己生活好開心外，更笑對坐監論：“美關系啦！”鄭裕玲如此大方，更顯得呂方沒有度量。


arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄