明星靚相大分享☆

即將舉行個人演唱會的鄭伊健宣佈加場，遠在加拿大、已為人母的林嘉欣，抱着趣致得意的 B女，特地拍了一段片祝賀他，可見兩人交情非淺。對於有指伊健會在演唱會後結婚，他就說「越問越唔會做」，看來蒙嘉慧要成為鄭太，仍要等上一段日子。

其他娛樂名人影片

鄭伊健在三月五及六日在紅磡體育館舉行兩場名為「 Beautiful Day」的演唱會，門票已售罄，目前決定加開三月四日一場。對於一票難求，伊健表示已預備了門票給親人，他接受電話訪問時說：「父母嘅飛已經預備咗，女朋友蒙嘉慧都有安排。」

伊健抗拒逼婚 放大圖片

林嘉欣說與伊健拍了四部片，所以很熟絡。

對於有消息指伊健會在演唱會後結婚，他就說：「吓？係咩？我個人好衰嘅，越問就越唔會做。」伊健目前正專心操弗自己，希望以最佳狀態開騷，他說：「除咗練歌，每日都係跑步、做 gym，飲食都要唔好食太肥膩嘅食物。」嘉賓方面，伊健說請了一班「蠱惑仔」：「有謝天華、陳小春同錢嘉樂，佢哋做乜我唔知，不過一定唔會係劈友。」另外，早前在加拿大誕下女兒的林嘉欣，就帶同 B女特地為伊健拍了一段片祝賀他加場，片中見經過調養後的嘉欣已收身不少，她說：「同伊健合作過四部片，同佢熟絡係拍最近嗰套《親密》時，因為好多車內嘅戲，大家傾咗好多偈，煞科嗰日大家仲擁抱。」

未知會否捧場 放大圖片

談到與蒙嘉慧結婚，伊健說越問越唔做。資料圖片

至於會否回港支持好友，嘉欣在片中就保持神秘，只在片尾說：「我活在當下，鄭伊健你都要活在當下，記得通知我喎，拜拜。」撰文：何永寧


林嘉欣得知伊健個唱加場，特地抱着女兒拍了一段片祝賀他。