何為潮流？好多時是見仁見智，但有股潮流是鐵一般事實，無得你唔跟，就係環保潮！連 Benz推出新一代 CL-Class，都要打造成綠色豪華房跑，為 CL500換上環保慳油的 BlueEFFICIENCY引擎。慳咗油就無咁好力？錯！馬力提升到 435匹，至怕你無膽踩盡佢！記者：許維雅攝影：譚盈傑Model： Hazel@ GME
其他副刊影片 縮引擎 升馬力
繼 06年中推出第七代 CL-Class後，再以 Facelift版上場的 CL-Class成為今年頭炮，依舊有 CL500、 CL600、 CL63 AMG及 CL65 AMG四款型號，當中令人最感興趣的是 CL 500，因它的名字多了 BlueEFFICIENCY。BlueEFFICIENCY作為環保車系，今次配搭 4.7公升 V8雙渦輪增壓引擎，屬藍血家族新面孔，雖比上一代的 5.5公升引擎縮咗水，但透過 BlueDIRECT技術的第三代噴霧式汽油直噴技術，睇數據就知馬力輸出多了 47匹至 435匹，扭力由 530Nm增至 700Nm，最高時速達 250km/h， 0-100km/h創出 4.9秒佳績。
放大圖片 
放大圖片 
■液晶體顯示錶板只有頂級豪華級別車系才有。
新科技 防偏離 放大圖片 
■前座兩翼會因應行車轉向而擺動。
淨睇數據又怎及親身試駕，直接感受力量由腳底湧出的興奮！由將軍澳工業邨直飆入西貢，只要踩深少少油門，爆發力瞬間即到，沉實的油門無機會俾你踩到底，更令人有點怯懦。加上介乎跑車軚感與平治房車舒適之間的操控，好玩之餘，亦唔會感到難以駕馭。途經多段大斜路時，更會發覺坐了三個人的 CL500，轉數錶依然保持二千轉以內，可見扭力輸出於低轉數時依然澎湃，同時亦證明其慳油能力，綜合油耗只需 9.5L/100km，比起上一代慳 23%。環保表現出色，新增的 ECO start/stop功能亦屬功臣之一， 8km/h以下會自動關掉引擎，但起步時完全感受不到有半點遲緩。外形方面，車身及車頭燈線條變得更 Sharp，配合 V形鬼面罩、電鍍 LED日間行車燈、全新泵把及進氣口設計，比起上一代更醒神。過百萬的靚車，豪華配備數之不盡，新增的主動車道偏離輔助系統會監察路面航道及駕駛方向，若偵測到車主偏離航道，軚環會輕微震動來提醒，甚至干預輪胎制動確保安全。
放大圖片 
■多功能顯示屏超多功能，更有中文導航系統。
放大圖片 
■內櫳跟上一代差不多，四種木材、三種皮料任配搭。
放大圖片 
■電話及冷暖椅等按鈕多到暈，真要時間摸熟。
放大圖片 
■無 B柱的視野廣闊設計，令人忍唔住要不停開窗。
CL500 BlueEFFICIENCY規格 放大圖片 
引擎： 4,663cc V8雙渦輪增壓馬力： 435hp/5,250rpm扭力： 700Nm/1,800-3,500rpm傳動： 7前速 7G-Tronic售價：$1,898,000查詢： 2895 7339（仁孚行） 
■以環保掛帥的 CL500，整體外形亦變得更 Sharp，有樣有內涵。
留言列表
