旅行旅遊澳門六百蚊米芝蓮靚宿　尋找處男炮掃街三盞燈　新抱仔豬腳薑－明星靚相大分享☆

不少港人愛到澳門遊，都好掛念以前馬交五六十年代矮樓房、通街係食店的風味。當大家以為城市化、娛樂場化已全面掩蓋澳門之際，原來還有一些角落尚未被娛樂化。記者：蕭漢祥攝影：王文忠模特兒： Sukmi Ho

其他副刊影片兵營改建　葡式風味放大圖片
■炮台頂這尊炮，係由安裝至今都未曾發射過一炮的處男炮。

■炮台頂這尊炮，係由安裝至今都未曾發射過一炮的處男炮。

出發前，攝影師言談間話：「即使我有口臭也沒有銅臭，都係以前的澳門啱我口味。」的確，澳門現在娛樂場仲便利過便利店，很回味十多年前澳門的純樸……今次到訪北面望廈山上的望廈賓館（ Pousada de Mong-Ha），葡文 Pousada解作「神聖的休息地方」。 Sukmi卻猶豫：「賓館……住唔住得人 o架？」大家咪俾賓館兩字嚇親，望廈賓館不但靚，過去三年還連奪「米芝蓮推介酒店」名銜。由澳門旅遊學院管理，用來訓練修讀旅遊及酒店業的學生，又點會容許環境同服務唔見得人呢。望廈賓館除了有 20間房間、兩間餐廳，其餘則是教學大樓。據講，以前由葡國管治時，澳門駐紮了大批僱傭兵，他們就住在當時屬於兵營的望廈賓館。後來兵哥走了，旅遊局 95年把營房改建成現時的望廈賓館及旅遊學院，但保留及仿造了不少葡式建築風格，例如牆上藍白色的瓷磚畫、吊燈、旋轉樓梯等，靚成咁絕對唔係港人所想像的「賓館」！進入普通房間前有個小廳，連接兩個門口是通往浴室和睡房；尊貴套房更有一個客廳，論 size真係唔可以用賓館的角度去想像。房間還有電腦和免費上網。賓館內招呼住客的工作人員，不是學院導師，就是在實習的二至四年級同學仔，服務水準拍得住真正酒店從業員。

放大圖片
■賓館周圍是大草地庭園。

■賓館周圍是大草地庭園。

放大圖片
■標準客房 size大得不可以用賓館的標準來量度。

■標準客房 size大得不可以用賓館的標準來量度。

放大圖片
■前身為僱傭兵營地，葡式建築風格仍保留。

■前身為僱傭兵營地，葡式建築風格仍保留。

放大圖片
■在燈光映照下更突出葡國風味。

■在燈光映照下更突出葡國風味。

放大圖片
■龍友們與模特兒又多個好去處，賓館好多影相位，旋轉樓梯係其一。

■龍友們與模特兒又多個好去處，賓館好多影相位，旋轉樓梯係其一。

放大圖片
■喺賓館餐廳用餐再加 50元，仲可食埋甜品自助餐。

■喺賓館餐廳用餐再加 50元，仲可食埋甜品自助餐。

望廈賓館地址：澳門望廈山標準客房：$600至$800尊貴套房：$1,100至$1,500網址：http://www.ift.edu.mo/pousada

教學餐廳：抵食鬆軟鴨髀放大圖片

好嘞，房間靚靚，餐飲都好重要，賓館內有提供自助餐或晚膳的教學餐廳，同樣都係學生的「課室」……吓?唔通所食都係試驗菜式，咪變晒白老鼠？咁又唔會，院方話食物全由曾任職酒店的大師傅所煮，學生作品唔會攞畀客人食，佢哋只係做侍應服務。講還講，試食最緊要，頭盤點選香煎鴨髀，鴨髀煎得外皮脆而肉質鬆軟，味道恰到好處；主菜紅酒燴羊膝，烹調方法令羊膝羶味大大減少，口感就像雞肉般滑溜。在此用餐再加 50元，還可享用甜品自助餐，有芝士蛋糕、黑森林蛋糕、雪糕、香芒布甸和中式糖水等，甜品都有酒店水準 o架。

放大圖片
■香煎鴨髀伴茴香沙律$40

■香煎鴨髀伴茴香沙律$40

放大圖片
■紅酒燴羊膝配欖油香茜煮白豆$110

■紅酒燴羊膝配欖油香茜煮白豆$110

望廈四圍望百年炮台從未發炮放大圖片
■望廈炮台於 1864年重修，直至 1866年完工。

■望廈炮台於 1864年重修，直至 1866年完工。

望廈一帶屬民宅區，無娛樂場、無大型商場，只得民房和學校等，感覺非常簡樸，就像回到十多年前的澳門，亦即係話呢一帶咁多年來都無咩改變。但，唔等於附近無景點，賓館一出門口，旁邊就有歷史悠久的望廈炮台，又稱為蓮峰山炮台或黑鬼山炮台，當年是澳門北面攻守的重地。從賓館斜路往上走，會見到一座寫上 1866年的城堡，入面收藏了兩尊從未發過炮的「處男」炮台，係住客必到的影相位。

蓮峰廟探林則徐

離開望廈山，距賓館約 15分鐘腳程則有蓮峰廟和林則徐紀念館。相信林則徐虎門銷煙一段歷史好多人都知，但林則徐曾到當時是鴉片集散地的澳門巡視，並與葡萄牙官員會面，當年這一幕正正就在蓮峰廟前上演，而林則徐辦公用過的亭台、案几等物品至今仍保留着。蓮峰廟已有百多年歷史，是澳門三大古廟之一，香火仍然好鼎盛。

放大圖片
■蓮峰廟是澳門三大古廟之一。

■蓮峰廟是澳門三大古廟之一。

放大圖片
■以蠟像重演林則徐會見葡國官員一幕。

■以蠟像重演林則徐會見葡國官員一幕。

林則徐紀念館：蓮峰廟廣場費用：每位$5

牛房睇藝術放大圖片
■山羊頭盔甲，令我諗起電影《獅子．女巫．魔衣櫥》。

■山羊頭盔甲，令我諗起電影《獅子．女巫．魔衣櫥》。

望廈山另一邊，有個「牛房」，當然唔係「劏死牛」之地，而係發展藝術如舞台劇、歌劇、攝影、繪畫、陶瓷等的地方，就像香港的牛棚。即日至 2月 27號，更有個「三個獨立個展@牛房」展覽，邀請了來自英國、中國及澳門的藝術家於牛房展出作品。

放大圖片
■隔壁係政府部門，右面先係牛房，唔好行錯。

■隔壁係政府部門，右面先係牛房，唔好行錯。

牛房倉庫：美副將大馬路與罅些喇提督大馬路交界網址：http://oxwarehouse.blogspot.com

Travel Memo

持香港居民身份證毋須簽證。澳門駐港旅遊局： 2838 8680噴射飛航來往港澳碼頭至澳門，單程船票由$134起。網址：http://www.turbojetbooking.com

1港元約兌 1.02澳門幣（文中價錢為澳門幣）240V，三扁腳插座

放大圖片
■沿望廈炮台斜坡上，就係賓館和炮台！

■沿望廈炮台斜坡上，就係賓館和炮台！

放大圖片

澳門明日大致天晴， 10-16℃

放大圖片

■入住有客廳的尊貴套房，最貴都只係$

活樂遊 2：掃街三盞燈　新抱仔豬腳薑

作為旅客，相信除了從澳門過關閘到珠海，都應該甚少會經過望廈山一帶，即使經過都未必會留意，皆因呢區環境普通過普通。但正因夠 local，先隱藏着好多澳門人喜歡的食店、特別的口味，搞到連我哋曾特首都偷偷地嚟食。記者：蕭漢祥攝影：王文忠模特兒： Sukmi Ho

人氣甜醋豬大腸放大圖片
馮記三盞燈豬腳薑：馮生馮太以及新抱仔，一家人輪流開檔。

馮記三盞燈豬腳薑：馮生馮太以及新抱仔，一家人輪流開檔。

從望廈山出發去搵食，先要同大家上一堂地理課：望廈山位於澳門北部，北面連接珠海的關閘，南面是紅街市、三盞燈一帶，這區住宅、商業、工業、學校乜都有，感覺有如新蒲崗，呢度搵到的美食，好味得嚟又抵食！最多選擇的當然由三盞燈開始。其實之前不少朋友問，澳門一般都係食店，有無好似旺角般掃街式的小食，例如魚蛋、牛肚等。有……不過好少！三盞燈的正中心位置，旁邊有一條類似女人街的，僅僅有兩檔街邊小食，其中第一檔仲非常特別。掃街食魚蛋食得多，街邊食甜醋豬腳薑都係第一次。這檔馮記三盞燈豬腳薑，據老闆馮先生所講全澳門只得兩間，他在二十年前開業，就係睇準呢門獨市生意，結果真係長做長有。馮先生不單止賣豬腳薑，仲有甜醋豬大腸、豬耳、雞蛋等，是甜醋食品標準的美味，也是一眾女士們最愛。馮先生的檔口長期排滿人龍，難怪做到馮生馮太出動埋新抱仔，都做不停手。

放大圖片
■檔口經常排長龍，我哋等影呢張相都等咗好耐。

■檔口經常排長龍，我哋等影呢張相都等咗好耐。

放大圖片
■豬腳薑$20/碗<br/>豬大腸、豬耳各$5/串

■豬腳薑$20/碗豬大腸、豬耳各$5/串

馮記三盞燈豬腳薑地址：嘉路米耶圓形地旁（三盞燈）

特首偷食緬甸菜放大圖片
雅馨緬甸餐廳：用酸甜汁浸製的緬甸豬耳沙律，爽口好味！$34/碟

雅馨緬甸餐廳：用酸甜汁浸製的緬甸豬耳沙律，爽口好味！$34/碟

話說去年 11月初，一對香港夫婦，喺澳門專誠派遣保鑣，早半小時去到三盞燈一間緬甸餐廳，神神秘秘視察環境，兼搵老闆安排一張位於閣樓的餐枱。呢對夫婦就係……我哋香港特首伉儷，老闆娘葉太對於特首食過甚麼已無咩記憶，只記得他們來得快、吃得快、走得也快，咁匆忙阿曾生曾太都要嚟食，可見夫婦對雅馨幾咁欣賞。兩位祖籍緬甸的老闆葉生葉太，推介三道地道菜式，開胃頭盤緬甸豬耳沙律，酸甜汁配豬耳爽口好味，食完更肚餓；風行印度的薄餅，去到緬甸亦有新口味，緬甸式甜薄餅烤得鬆軟香口，上面撒一層白糖；緬甸撈麪，就係冷麪配薯仔和緬甸馬拉盞，一般馬來西亞馬拉盞做成磚形，緬甸馬拉盞則呈片狀，內裏會有乾蝦，味道好特別。

放大圖片
■曾特首同老婆靜靜雞來食，後面有相為證 o架。

■曾特首同老婆靜靜雞來食，後面有相為證 o架。

放大圖片
■同一條街有兩間雅馨。

■同一條街有兩間雅馨。

放大圖片
■屬於冷麪的緬甸撈麪，配上緬甸馬拉盞，味道特別。$17/碗

■屬於冷麪的緬甸撈麪，配上緬甸馬拉盞，味道特別。$17/碗

放大圖片
■緬甸口味甜薄餅，上面撒有白糖。$16/碟

■緬甸口味甜薄餅，上面撒有白糖。$16/碟

雅馨緬甸餐廳地址：三盞燈飛能便度街 27號 A及 F地下

柬埔寨過癮咖喱放大圖片
金城食店：咖喱雞米粉湯底超讚，辣得過癮。細$19/大$26

金城食店：咖喱雞米粉湯底超讚，辣得過癮。細$19/大$26

各地文化交流，令澳門好多食店地方菜其實都並非最正宗，雅馨老闆咁話，金城莊老闆是柬埔寨華僑，也認為柬埔寨菜有點像泰菜、印度菜：「柬埔寨鄰近印度、泰國、越南，柬埔寨菜跟三地都好似。」金城極受街坊歡迎，客人由朝早開始排長龍，想食最好早市後午市前去，否則想外賣都未必排到。小店最出名係咖喱雞米粉和咖喱雜錦米粉，但其實配菜係咩唔重要，因為大家最愛是其咖喱湯底，辣得味蕾好過癮！再加上吸晒咖喱湯的米粉，絕配！秘方？莊先生當然話係秘密，但透露咖喱粉來自東南亞，仲話絕不可用大陸貨，味道會差好遠。

放大圖片
■舖仔細細只得十零個位，店外臨時位都俾我哋霸埋。

■舖仔細細只得十零個位，店外臨時位都俾我哋霸埋。

放大圖片
■咖喱雜錦米粉，有魚片、魷魚等。細$19/大$26

■咖喱雜錦米粉，有魚片、魷魚等。細$19/大$26

放大圖片
■點半就收舖，莊先生話「一個上晝員工已做得好辛苦啦！」呢啲好老闆係咪澳門才會有？

■點半就收舖，莊先生話「一個上晝員工已做得好辛苦啦！」呢啲好老闆係咪澳門才會有？

放大圖片
■每朝必定排長龍。

■每朝必定排長龍。

金城食店地址：雅廉訪大馬路 95號

街市都有手信祐記龍鬚糖放大圖片
祐記龍鬚糖：呢一幕有如洗頭水廣告，真係絲一般柔順。

祐記龍鬚糖：呢一幕有如洗頭水廣告，真係絲一般柔順。

紅街市呢區好 local，但都俾小記搵到好手信。有一檔賣到街知巷聞的龍鬚糖小販檔，出名皆因龍鬚糖拉得軟綿綿，老闆 show time拉出好似賣洗頭水廣告如絲般幼細的糖絲，問秘技，老闆話「自己鑽研同工多藝熟囉！」龍鬚糖大大啖吞入口唔黐牙，不太甜， model食唔停口！開檔時間為 1-7pm，賣晒就收檔！

放大圖片
■龍鬚糖$19/盒