溫拿一連六場嘅演唱會噚晚喺紅館舉行頭場，成員譚詠麟（阿倫）同鍾鎮濤（阿 B）都做足準備，兩人不時做 gym練大隻，又進行地獄式訓練，佢哋仲分別貼上半裸「雄風再現」嘅圖片喺微博。年屆 60、素有食物焚化爐之稱嘅阿倫，喺開騷前勤力做 gym焗桑拿，亦谷出胸肌，但佢未有戒口，佢喺年初一就喺蘭芳園食鮑魚，晚餐就有髮菜做餸。另一邊廂嘅阿 B仲犀利，佢雖然都 57歲，但亦練出六嚿腹肌同老鼠仔。
放大圖片 
阿倫同阿 B一向合作無間。
放大圖片 
隊友排舞時，陳友（左）喺旁邊影相。
「呢個年紀唔容易」 放大圖片 
阿 B帶埋囡囡去錄音室練歌。
噚日阿 B接受電話訪問，佢話重拾 20年前拍《新精武門 1991》演瀟灑哥時嘅六嚿腹肌風采，佢話因為三個月前為拍台灣電影《微光閃亮第一個清晨》嘅床戲開始練靚身形：「六嚿腹肌好難練，但總有事業線嘅，自己盡量戒消夜，到呢個年紀要 keep唔容易，要有體力同好有決心，我一個星期有三日跟教練上堂，做帶氧運動，食少啲有碳水化合物嘅食物，戒煎炸食物。」問阿 B係咪同阿倫鬥 fit？阿 B笑住話：「我哋係實力派，良性競爭，畀啲壓力佢，阿倫都要 fit，佢嗰隻係脂肪分拆，不過總未分拆到上市，佢咁多朋友又為食，同埋我都未去到佢嘆世界嘅境界。」 
積極練肌肉嘅阿 B，展露出腹肌同老鼠仔。
溫拿 鍾鎮濤 阿 B、譚詠麟 阿倫 鬥 半裸 晒肌 操弗 開騷
全站熱搜
留言列表
