做呢行，唔只要睇得唱得又演得，仲要擦得！

好似前 J女郎曾愷玹咁，公認係靚女，廣告、片約又夠多，勢估唔到一樣識做人。話說呢排忙緊拍台灣偶像劇《香戀》嘅曾愷玹， 10號嗰日明明有假放，都叫 PA特登安排佢開工，原來佢自編自導自演一場片場發爛渣一走了之戲碼，實質係喺導演唔知場戲點收科愁晒之際，捧住個蛋糕出場為導演慶祝生日。等 CIA話你聽，導演老婆原來就係揀曾愷玹做第一女主角嘅製作人，唔怪得之靚女咁有導演心啦！

10號開工當日，曾愷玹刻意 NG 8次後發難，曾愷玹更黑面攞手袋離開片場。台灣《壹週刊》圖片

冧導演
嚇到導演唔知點收科之際，曾愷玹至捧住蛋糕走出嚟，再補多個 birthday kiss冧導演。台灣《壹週刊》圖片

一早攞彩
曾愷玹落力省靚導演對鞋，有傳係因為阮經天偷食新聞搞到女友兼《香戀》另一女角許瑋甯搶晒風頭（右圖），唔緊要，上年曾愷玹拍《愛到底》已經咀過許瑋甯男友阮經天（左圖），攞咗個彩先。


台灣《壹週刊》圖片

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄