由羅守耀執導、周秀娜（ Chrissie）處女擔正嘅恐怖片《惡胎》，上週四（ 18日）上畫，故事涉及墮胎、養鬼仔等敏感題材，戲裏面飾演淫賤護士 Chrissie，同賤男醫生黎諾懿搞婚外情，最慘係俾厲鬼纏身，變咗癲婆。
真頭假身
Chrissie向 FBI解構半裸床照：「其實張床有機關 o架，床頭有個窿，我淨係伸個頭出嚟，個身就係膠公仔。我未有心理準備為電影露 o架，係都留番影寫真啦！」係囉，雙胸似機場，大髀又好似臘鴨咁，邊忽似性感女神？
電影公司畀咗一張 Chrissie被扯開上衣、露 2點攤喺床嘅劇照畀 FBI睇， FBI初時嚇呆咗。其實 FBI有睇首映，但唔見 Chrissie有裸露戲喎。據電影公司解釋：「場戲係講 Chrissie被惡鬼扯開上衫後捐入個身，導演（羅守耀）為免 Chrissie赤裸上身感到尷尬，拍攝前為 Chrissie訂做一個模型公仔，到拍攝時就套上佢身上，不過呢場戲喺戲院睇唔到 o架！「半裸」床照曝光， Chrissie冇有怕：「一睇就知唔係我啦，個身又假又膠。
戲中，飾演黎諾懿老婆嘅呂慧儀同 Chrissie爭老公，上週二（ 16日）晚《惡》片首映，呂慧儀亦出招爭鋒頭，密實 Chrissie擺明讓賽，仲話：「我冚到實係想襯番個場合！」而呂慧儀就狂晒玉背同長腿，攞晒彩嘅長腳蟹話：「我今晚都未出動我條事業線（乳溝），我同 Chrissie各有各靚。」
打避孕針
戲中飾演淫賤護士嘅 Chrissie為咗留住有婦之夫黎諾懿乜都肯制，但因賤男黎諾懿唔想有手尾跟，經常迫 Chrissie打避孕針，睇佢揭起條裙露晒內膽同吊襪，好誘惑喎！
6 D$ {* |病房搞埋
打完避孕針，黎諾懿放心晒，更捉住 Chrissie激咀親熱。
女鬼纏身
《惡》片有激情又有驚嚇，一場講 Chrissie被惡鬼竄入佢肚嘅場面最恐怖，難怪 Chrissie話拍完呢場戲後唔只幾晚瞓唔着，仲唔敢去廁所咁話。
長腳蟹發功
上週二（ 16日）晚，《惡胎》舉行首映，先到場嘅配角長腳蟹呂慧儀先出招， 360滛羺 j任記者影佢長腿同白滑背脊，趁 Chrissie未落場搶定鏡。
Chrissie趕走長腳蟹
女主角 Chrissie一到場，着得密實嘅佢雖然輸晒，但影大合照時就主動同呂慧儀傾偈，表現大方，反而發功呂慧儀就勁尷尬。
呂慧儀只係戲中配角，當主角 Chrissie到 backdrop簽名時，呂慧儀即縮低身閃開讓位，總算識分莊閒。
留言列表
