face週刊 148期因父之名: 激過老豆　陳振聰大仔超野性－明星靚相大分享☆

於已故華懋主席龔如心千億爭產戰中敗訴的陳振聰，因涉嫌偽造遺囑被警方拘捕。陳振聰曾於庭上作供時，自爆太太譚妙清懷有大仔時，龔如心就叫佢「老公豬」。
風流有遺傳，陳的 17歲大仔 Wealthee一樣有女人緣。上週聰仔所讀的香港國際學校搞時裝騷，身為搞手的他不時被女同學黐到實；本刊亦於他 facebook內發現不少他跟女同學玩埋相，他更於 fb留言話：「 Fxxking an Asian right now......（我正跟一亞洲人做愛）。」大膽程度激過老豆喎！

陳振聰為爭產案上訴頭痕，但囝囝 Wealthee就跟一班索女到斐濟群島旅行，更將與 2名比堅尼索女嘅合照放上 fb晒艷福。

今年２月龔如心爭產案成大輸家的陳振聰，事後唔只因涉嫌偽造遺囑被警方拘捕，上週華懋慈善基金更向法庭申請要他支付爭產案堂費，估計逾一億港元，加上又要為上訴而籌錢，咪話唔頭痕。

索女箍
唔只跟索女同陽光玩遊戲， fb上更發現 Wealthee被長髮索女箍頸攬到實嘅合照，的確有女人緣。
扮去年聖誕學校 party， Wealthee仲有份表演，同幾個男同學扮 Backstreet Boys唱歌，仲將片段放上網，可惜聰仔得合唱，冇機會 solo，聽唔真唱成點囉

阿仔，你威過老豆啦！設計對白
fb講搞嘢
陳振聰為官司有排煩，大仔 Wealthee的生活卻多姿多采。一向鍾意影相玩 facebook的 Wealthee，雖然曾被公開過 fb私相簿，但都無損佢同朋友分享正相癮，繼續潮玩。由 Wealthee身邊人提供、上載到 fb達數百張的 Wealthee相片中，除發現佢跟同學仔上老豆遊艇及屋企私家泳池游水，仲有一堆三月初的新相，聰仔與一班着住水着的男女同學去斐濟的旅行相，三點式女同學更主動埋 Wealthee身任影，桃花暢旺之餘， Wealthee把口亦夠 open，曾試過於 fb內留言：「 Fxxking an Asian right now......」（我正跟一亞洲人做愛），大膽過老豆。

玩怪液:
Wealthee玩梘液都影一餐，仲放埋上 fb暗示呢啲係特殊液體，好鬼無聊。

Wealthee無聊，班 friend就同佢癲，仲回應話：「你諗乜我哋咪諗乜囉！」

Wealthee性格開朗，玩得之餘，講嘢又大膽，吸引唔少女仔喎。
. T# O1
講搞嘢
上月， Wealthee於 fb內留言話自己正跟一亞洲人做愛，夠晒大膽。
仲有 friend回應話：「你同緊個亞洲人做愛呀。」.
學校萬人迷
現年 17歲的 Wealthee，自 4歲起便入讀香港國際學校（ Hong Kong International School），現正於該校就讀 grade 11（第 11班）的他，因性格玩得又冇架子，故人緣不俗。上週六（ 20日）晚，該校舉行慈善時裝騷，記者所見當晚負責做 Business Director（事務總監）的 Wealthee，唔只落力做知客迎賓，更落手落腳幫同學遞茶水。人品隨和，難怪完騷後，唔少女同學主動上前跟他打牙骹。虎父無犬子，同老豆一樣吹得兩嘴喎。

上年 7月 Wealthee同細妹 Xenia（中）參加遊學團由青島返港，媽媽譚妙清（右）專登去機場接機，對仔女好緊張。《壹週刊》圖片
直擊校園生活"聰仔多女撲埋身

女任攬

上週六晚，花生騷結束後，當晚身高約 5呎 6，面上少咗暗瘡白滑晒嘅 Wealthee，有唔少女同學主動撲埋身邊攬攬， Wealthee同老豆多艷遇。

仔齋吹

除咗多女冧， Wealthee亦幾受同性歡迎，有男同學主動走埋 Wealthee面前密密傾，似係傾談有關統籌花生騷嘅意見，只見 Wealthee聽得好留心。

帶頭上台
謝幕時，身為搞手的 Wealthee（右）帶住 2位同學代表，行頭位上台多謝觀眾支持，之後仲同緊隨的同學擊掌，可見佢相當受同學歡迎。

8 G: n.
粗口反

Wealthee於 fb放上唔少校園照，呢張相佢仲喺鏡頭面前做粗口手勢，原來都有野性一面。
18萬學費多星讀
位於港島南區大潭道的香港國際學校（圖），吸引唔少明星及名人子女如謝霆鋒、陳冠希及霍英東孫女霍詠詩入讀。該校小學，每年學費都 16萬，如像 Wealthee讀到第 11班，每年學費更高達 18萬，真係富貴學校。