壹週刊 1046期懷春 G.E.M. 送上門　陳柏宇速彈－明星靚相大分享☆

十八歲巨肺鄧紫棋（ G.E.M.），月前自爆有圈中男歌手力追後，出名鍾意溝女，又合作過的陳柏宇即被拉落水。 G.E.M.向外放風有人追，但她其實做晒主動，早前陳柏宇相約圈中朋友 BBQ，熱情 G.E.M.竟不請自來送上門，剛搭上組合 Hotcha成員 Crystal（張紋嘉）的陳柏宇，驚到全程彈開

男追女隔重山，女追男隔重紗，但早已心有所屬的 Jason，對 G.E.M.的熱情，真是有點吃不消。（《蘋果日報》圖片）)
死纏唔放!上月中 G.E.M.向外宣告最新愛情生活，自稱有年紀大三至九年的男歌手追求，事後在活動遇見陳柏宇，即主動埋身有傾有講，為免瓜田李下，誤作女方口中裙下臣，陳柏宇當場彈開劃清界線。不過，懷春 G.E.M.依然死纏唔放，甚至主動叫對方搭住自己膊頭。
「其實係 G.E.M.追 Jason（陳柏宇），佢份人不嬲都好主動，會約
唱 K食飯，之前同 William（陳偉霆）拍戲，佢都暗示過對方追佢，又同人講狄易達對佢有意思，其實兩個都有女朋友。近排又輪到側田同 Jason， Jason都有同朋友呻過，唔明 G.E.M.點解要講埋啲咁嘅嘢，佢哋一啲都唔熟，私底下亦冇來往。」陳柏宇身邊朋友說。

G.E.M.投懷送抱，主動拉着陳柏宇搭住自己膊頭，搞到 Jason一臉尷尬。（《蘋果日報》圖片）

年僅十八歲的 G.E.M.對愛情充滿憧憬，連大哥哥 William都唔放過，放電暗溝。（《 FACE》圖片）

. d5 F3 }G.E.M.在微博中自爆希望二十五歲前結婚，好友紛紛出言力勸。

在 Facebook的個人網頁上， G.E.M.字裡行間透露正思念着一個人。

G.E.M.、 Jason和 Hotcha的 Crystal爆出最新三角關係，早前一班朋友 BBQ， G.E.M.突然殺到，搞到 Jason手足無措，擔心 Crystal誤會。

8 R$ d% Z u1
Crystal
忽然殺到
出名花弗的陳柏宇跟裕美分手後，隨即與唱片公司同事傳緋聞，個多月前又秘密搭上少女組合 Hotcha成員 Crystal。
Jason同 Crystal冇正式認過拍拖，但成班朋友都知佢哋已經喺埋一齊，好似大班一齊 BBQ， Jason對 Crystal就特別細心，嗰日燒嘢食，成班圈中朋友本來玩得好開心，點知 G.E.M.突然殺到，大家都好愕然； Jason最騰雞，佢驚 Crystal以為佢哋真係有嘢，所以全程都避開 G.E.M.，總之見到對方想行埋嚟，就即刻彈開，大家見到都覺得好好笑。事後一班朋友都奇怪 G.E.M.點解突然會出現，因為根本冇人叫佢嚟。」圈中人透露。
G.E.M.主動埋身，陳柏宇為免水洗唔清，上週斬釘截鐵向外公布，二人零發展機會，絕 G.E.M.後路。

Jason（左二）經常以燒烤為名，約會 Crystal（右一），個多月前兩人已經正式拍拖了。

噏得就噏
18歲卜卜脆的 G.E.M.，出道以來緋聞男友一個接一個外，個人言論行為亦相當騎呢，青春無限，當然有恃無恐。

處女禮物論"身為基督徒的 G.E.M.公開自爆仍是處女，還形容「呢樣嘢」是禮物，要等到結婚才可以「拆」。不過，禮物「拆了」可以重包，最緊要識得認錯，結果被網友以陳志雲金句「真的假不了，假的真不了」圍插。