好姨成日聽人話伍詠薇個樣十年如一日，又話伍姑娘係性感女神，但真相係佢全靠化妝嘅威力，早前好姨喺中環遇到伍姑娘，同老公練海棠甜蜜行街，話晒已經成 41歲嘅伍姑娘，嗰日一化個淡妝出街，殘樣即時現晒形，平時對好姨非常Nice嘅佢，嗰日面口真係黑過墨斗，重急急腳拉住老公衝入商場避難。

其實有邊個女人唔會變老，只要搵到個錫自己嘅人，一樣恨死唔少中女港女，嗰日練海棠見老婆嬲爆爆，即時施展冧功，冧番老婆為止，重好Sweet咁拖住伍姑娘，一邊十指緊扣，一邊綿綿情話，不過講到要令女人開心，最佳辦法梗係買番啲珠寶首飾送贈佳人，好姨見伍姑娘同練海棠施施然咁行咗去間首飾店，伍姑娘有個咁錫佢嘅老公，真係難能可貴。#


化咗淡妝嘅伍詠薇，眼袋皺紋現晒形，難怪撞到好姨會黑晒面。


唔想殘樣曝光，伍姑娘馬上伸手拖向老公練海棠，衝往商場避難。


入到商場之後，伍姑娘與老公手拖手行街，十分甜蜜溫馨。


練海棠要冧番老婆，最佳辦法當然係去珠寶店買首飾送俾伍姑娘。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄