明星靚相大分享☆

無綫扮嘢節目《荃加福祿壽》好唔好睇就見仁見智，所以個節目話要添食，對觀眾嚟講，真係未必係件喜訊，但反而就幫咗班二三線藝人唔少。喇，就以欣宜為例呀，自從《畢打自己人》播完之後，真係好少見佢蒲頭，不過上次喺《荃加福祿壽》扮徐子珊，成功贏到唔少Noise，所以今次節目加開，欣宜肯定係最開心嘅一個。

但唔知係咪想繼續向難度挑戰，欣宜記招當日，唔再係子珊上身，剪咗一頭短髮同埋一身纖瘦咗唔少嘅身形，遠睇直頭成個馬賽咁，唔通欣宜真係就住吳卓羲嘅口味嚟扮嘅？

不過當日最奇怪? 係，佢走埋去同人打招呼嗰陣，高層何麗全、汪阿姐同祖藍全部掛住食嘢，無人理佢，李思捷直頭眼尾都冇望過欣宜一眼。真係唔知欣宜人緣唔好，定係突然太索，大家認佢唔到呢？


欣宜呢期真係煥然一新，成功減磅嘅佢，直頭好似「16:9」變做「4:3」咁，下巴尖咗唔少，遠睇有啲似馬賽添。




可能欣宜一時間索咗咁多，大家都唔識俾反應，你睇下，當日高層何麗全望都無望過欣宜一眼。


欣宜繼續扮熟，汪阿姐同祖藍一臉唔願意咁應酬吓佢，但李思捷就繼續無面畀，埋頭密密食。