陀B 失控偉仔遠離劉嘉玲流產恐懼鬱到病快週刊 612期－明星靚相大分享☆

陀B失控偉仔遠離劉嘉玲流產恐懼鬱到病

苦追兩年，盛傳劉嘉玲在「不育剋星」何永超醫生建議下，豪花逾50萬接受體外人工受孕，終以44歲高齡榮升準媽咪！

喜獲上天送大禮，嘉玲早於年初已匿蘇州老家安胎，又戒酒戒煙戒夜蒲，慎防發生流產危機，弊在愈緊張，壓力愈大，加上老公梁朝偉唔身邊，令嘉玲漸生抑鬱情緒，要靠豪買減壓。

最近她陀住三個月肚現身中環Shopping，頸巾、口罩、黑超加Cap帽力遮增磅廿磅的脹爆身形，一見記者更嚇到掉頭走，行為閃縮又古怪，令人擔心。

自08年7月於不丹舉行世紀婚禮後，成為劉太的嘉玲積極展開不設防造人大計，期間多次傳出懷孕消息，無奈統統中空寶，嘉玲更一度心灰意冷，揚言已向上天申請，一切順其自然，及後又接拍電影《讓子彈飛》，令外界一度以為她經已投降。

蘇州安胎

不過出名硬頸的嘉玲又點會咁易放棄，雖然佢講過唔會接受代母，但對於人工受孕卻有保留。據知，嘉玲曾搵過多張生仔秘方，又試過靠風水高人指點迷津，幾乎用盡一切「自然」方法，都係得個桔，最後在「不育剋星」何永超醫生建議下，於去年開始接受成功率高達三成的體外人工受孕。

「嘉玲見黎姿用呢招都得，價錢又唔係貴，既然何醫生覺得呢個方法係最好，咪試囉！」知情人稱。

據知，經歷三次手術豪花逾50萬後，本年初嘉玲終於如願以償成功懷孕，為逃避傳媒騷擾，自一月出席嫣然天使基金晚宴後，她秘密返回蘇州老家，入住位於拙政園附近價值逾千萬人民幣的嘉玲苑靜心休養。

孤獨返港

「嘉玲同偉仔都覺得度環境好、空氣好，又唔會咁易俾記者發現，最適合大肚婆安胎，內地拍戲偉仔又可以得閒過探嘉玲。」知情人續稱。

安胎計劃係好，衰在套《一代宗師》困身呢！由於導演王家繼續秉承亂改劇本作風，令攝製隊被困於遼寧鐵嶺調兵山市兩個多月，拍攝進度緩慢，偉仔根本無法分身。

老公唔身邊，嘉玲本身又習慣過多姿多采生活，一下子完全靜下來，確實難以適應，故忍到胎兒初步穩定後，便急急於四月返港。

肥太出巡

回港後嘉玲即如猛虎出籠，出席老友曾志偉57歲生日Party，跟曾經傳緋聞的《艋舺》導演鈕承澤甜蜜繑手示人，之後又多次暢遊中環Shopping，重現往日高調作風。