有雜誌報道話滕麗名被郭政鴻玩弄感情，男方有老婆有女，仲同阿滕藕斷絲連，陷入三角關係令阿滕抑鬱崩潰，但係阿滕噚日去到觀塘同新劇《掌上明珠》一班演員包括宣萱、陶大宇、商天娥同陳美詩等一齊宣傳，娥姐男友亦有捧場，阿滕心情大好全程笑騎騎，仲同在場演員、觀眾玩得鬼咁開心，唔似情緒出現問題。

搞到朋友感抱歉 放大圖片

新劇《掌上明珠》今晚首播，幾位主角宣萱、商天娥、林保怡同陶大宇梗要落力宣傳。

阿滕話之前去溫州登台，確實因為表現失準而好唔開心，仲抑鬱咗幾日，佢話：「我好睇重自己演出，嗰日無端要唱《東方之珠》，首歌難唱我又唔識歌詞，表現失準。」對於佢同郭政鴻嘅緋聞，阿滕話不嬲都冇事發生過，佢強調同郭政鴻係好朋友，至於有冇進一步發展，阿滕話：「唔好再越描越黑，我有 SMS畀阿鴻，佢話唔好意思，我話唔緊要冇所謂。」

放大圖片

陶大宇同林保怡都係好戲之人，相信今次合作必定擦出火花。

放大圖片

娥姐會喺年尾結婚，噚日佢未婚夫仲陪佢出席活動，鬼咁恩愛。

阿滕話今次事件對身邊朋友，例如譚小環、張可頤受到騷擾都覺得唔好意思，佢話好多傳媒致電佢身邊好友，問佢有冇情緒問題，阿滕話請大家唔好再揣測，如果唔係就斷佢米路，冇人夠膽追佢喎！同郭政鴻死黨兼老友嘅陶大宇就話阿滕同鴻仔係成年人，自己識得處理，大宇話：「唔係十分壞嘅事情，我都會支持，唔理真定假，我都唔想知。」至於郭政鴻已有家室，大宇話：「佢話係事實，佢做咗爸爸，做嘢都有動力。」


滕麗名身形好似發福咗唔少，至於話佢感情受挫有抑鬱症，阿滕就否認有咁嘅事。

阿滕否認失控保米路

宣萱、商天娥、滕麗名（阿滕）、陳美詩、陶大宇、林保怡與小演員譚真一昨日宣傳無綫新劇《掌上明珠》，近日被指受郭政鴻玩弄感情而情緒崩潰的阿滕，表現並無異樣，更主動上前替甩褲鏈的譚真一拉褲鏈。

陶大宇認為滕麗名懂得處理感情事宜。

阿滕否認被玩弄感情而情緒失控：「之前去溫州登台表演失準，鬱悶咗幾日。（唔係為感情咩？）冇嘢發生過，不嬲冇嘢發生。」阿滕強調目前單身，與郭政鴻由始至終是好朋友，至於會否進一步發展則不想多講，免愈描愈黑。報道後阿滕曾SMS與郭政鴻講唔好意思：「大家唔好再咁寫，斷晒我啲『米路』，我都有追求者嘅！」

宣萱與小演員譚真一同派禮物。

宣萱、大宇異口同聲否認阿滕情緒有異，大宇指阿滕識得處理：「佢今日玩得咁癲，邊似有病。我都係睇雜誌先知郭政鴻有老婆，問起佢，佢話係事實，其實做咗爸爸都幾好，多啲動力。」

滕麗名恐被郭政鴻斷米路

滕麗名昨日宣傳新劇，十分投入，不時與其他演員有講有笑，還自爆有追求者，以行動打破不堪被郭政鴻玩弄感情的傳聞！

近日被指不堪郭政鴻玩弄感情而情緒崩潰、要向好友哭訴的滕麗名（阿滕），昨日與商天娥、宣萱、陶大宇、陳美詩及小演員譚真一宣傳無綫新劇《掌上明珠》，只見她全程心情開朗，不時為甩褲鏈的譚真一拉褲鏈，認真細心！對於被指情緒失控，阿滕否認：「冇啲咁嘅事！之前去溫州登台表演失準，就真係鬱悶咗幾日！因為我睇呢啲嘢好重。（感情點？）冇嘢發生過，不嬲冇嘢發生過。（係咪單身？）單身！（同郭政鴻咩關係？）由始至終係好朋友。（進一步發展？）唔再講，費事愈描愈黑。」

譚真一玩到褲鏈都甩埋，要滕麗名及宣萱替他拉上。



宣萱落力玩遊戲宣傳劇集，還自爆在微博表示唔識胡歌，引來其Fans不滿回應。



商天娥有男友捧場，零舍開心！

此外，譚真一玩得投入，不慎甩褲鏈，雖然宣萱及阿滕先後替他拉褲鏈，但褲鏈仍然甩甩吓，大宇更叫真一上前吻兩名小妹妹觀眾，真一尷尬拒絕，大宇大講有味笑話：「見到有得錫妹妹，條褲鏈打開晒！」

影視組

滕麗名被陶大宇搭膊頭合照時，樣子甚為陶醉，粉碎情緒失控傳言！