寶馬新 5系登場，連最頂級最大馬力嘅 550iA亦已到港。試車日大雨到七彩，幸好 550iA又快又穩之餘，仲有投射式錶板，唔止睇速度，連導航地圖都有埋，即使橫風橫雨一樣揸得信心十足。記者：徐影龍攝影：黃子偉Model： Sandy@Pure Models
其他副刊影片 彩色投射一眼望清 放大圖片 
■後排加入兩個大芒，讓你聽歌睇碟消閒一番。
揸車最煩係遇到兩件事；第一係落大雨，第二就係唔熟路，若然兩樣一齊夾擊，自不然要打醒十二分精神，莫講話揸車樂趣，就連心情都好難放鬆落嚟。好彩呢日揸住嘅係寶馬 550iA，作為系列中最強最豪級別，頂級裝備當然應有盡有，我最欣賞係投射式錶板，不單止有速度顯示，仲有簡化咗嘅 GPS導航，指出你面前係咩街、距離幾遠要轉彎等，啟動埋語音系統，就算入到新界山旮旯地方，都可以眼望前方專心駕駛兼搵路。試車日碰啱落大雨，我唔會埋怨「個天都唔鍾意我」，反而更可測試吓呢個投射 GPS嘅實用性。投射區域大概 8× 5cm，唔會大到遮住擋風玻璃，但就連街名都顯示得好清楚，仲要採用多色 TFT技術，路口、距離唔同色，一眼就望晒所需資訊，橫風橫雨之下駕駛都信心倍增。
放大圖片 
■尾喉換上方形及跟尾唇融為一體，一睇就知係 550iA。
放大圖片 
■金屬門檻配上橙燈 BMW字樣，靚到震。
沉穩依然好跑
550iA跟剛到港嘅 535iA，雖然外形分別不太大，只係胎軨以及雙出式尾喉稍稍不同，不過胎軨用上更大更靚嘅 19"多輻式，尾喉亦換方形及跟尾唇合為一體，所以即使喺街度一閃而過，亦可一眼就認出係頂級版 550iA。性能方面當然屬系列中最強，全因配備咗 4.4L V8引擎，更搭上 TwinPower Turbo，令馬力達到 407匹，就算比 535iA重 154kg，多出嘅 101匹，點都夠 Cover有餘啦。試車一段路，的確感受到頂級豪華車嘅沉厚穩重，但稍踩油門，又畀到你相當驚喜嘅爆飛感覺，穩同快兩者都兼顧得到。「嘆」方面，保留番新 5系超長軸距特性，內櫳夠晒闊落舒服，車廂豪華設備亦已屬最齊料版本，除咗 535iA都有嘅車外 360度監視鏡頭、障礙物偵測、過線警示、電索門同電尾箱門等，後排更加上兩個大屏幕，畀乘客聽歌睇碟，中央獨立冷氣位更附光碟機，換碟、校冷氣更方便就手啦。
放大圖片 
■駕駛艙空間恰到好處，有埋電控座椅調校，咩身形都有良好視野。
放大圖片 
■投射錶板有齊速度同導航指示，連街名都睇得清楚。
放大圖片 
■豪華轎車一樣有+/-波玩，電子波棍操控更得心應手。
放大圖片 
■採用新一代 iDrive系統，轉換介面更為直覺易用。
放大圖片 
■後排中央冷氣口，加入 CD/DVD碟機，換碟話咁易。
放大圖片 
■連門內側都有冷氣風口，坐喺邊都咁窩心舒適。
BMW 550iA 放大圖片 
引擎： 4,395cc V8 Turbo馬力： 407hp/5,500-6,400rpm扭力： 600Nm/1,750-4,500rpm傳動： 8速 Steptronic+/-波箱售價：$988,000查詢： BMW HK（ 2577 6168） 
留言列表
