阿嬌連環投資買樓又掃倉

早前有指鍾欣桐（阿嬌）與容祖兒，在母親節前各擲2700萬元購入西環180度海景豪宅「維壹」送給媽咪，昨日阿嬌動筆簽約，阿嬌更自爆早前亦購下一個2000呎貨倉，認真識投資。

阿嬌早前亦買了一個二千呎迷你倉，她笑言大過間屋。

穿上背心短褲的鍾欣桐昨午現身英皇地產豪宅「維壹」售樓處，問阿嬌是否來簽約？她表示：「係！今次係嚟睇示範單位，我買咗中高層單位，（係咪二千七百萬？）唔知幾多錢，我對數字冇咩概念。如果先畀一舊錢就有九折，另外老闆仲會私人畀2%折扣，但我都要供，唔會一次過畀。（投資定自住？）會買畀媽咪做母親節禮物，（有傳你復出賺咗一千萬，所以斥資買豪宅？）邊有成千萬，要供樓嘞，所以要慳啲使。」

風水舊屋唔賣

阿嬌除了買海景豪宅外，原來早前亦買了一個二千呎貨倉，專門放她的衣服，她笑言：「個倉仲大過我間屋。（你依家住緊間屋會唔會賣？）我間屋買咗好多年，係風水屋，上手住到發咗達，之後都要買番樓上，我入住之後都好順利，唔會賣。」

昨日不見容祖兒蹤影，霍汶希表示祖兒早上已派人來簽約，阿嬌與祖兒買的單位是同一座，將成為好鄰居，阿嬌表示：「係呀，我岳高頭就可以同祖兒傾偈，電話費都慳番，個單位三十個月後就入伙。」阿嬌除了與祖兒成鄰居外，據知H2O老闆娘余麗絲都買下大單位，而霍汶希就買了細單位。

榮陞豪宅業主的容祖兒，昨日身在南京接受訪問，她表示：「間屋已畀首期，以後要努力工作。（同阿嬌做樓上樓下鄰居喎？）係呀，歡迎阿嬌上嚟借柴米油鹽。」

容祖兒因聲帶不適，要到南京針灸，問她好了沒有？她表示：「針灸後好啲，之前好擔心唔可以再唱落去，依家放下心頭大石。」

阿嬌在保安及工作人員護駕下到「維壹」簽約。

祖兒將與阿嬌成鄰居，傾心事方便不過。（資料圖片）

阿嬌與阿Sa合體後再於「勁歌」攞獎。

Juno冇請睇戲

另外，阿嬌與阿Sa、麥浚龍（Juno）前晚於《2010勁歌金曲優秀選第一回》碰頭，問阿嬌有冇見過Juno，她表示：「下午綵排時見到佢，去廁所又撞到，有打招呼，好耐冇見。（Juno有冇請你睇《維多利亞壹號》？）冇呀！套戲嘅導演、監製都係我嘅朋友，就算係都佢哋請先。」

麥浚龍接受訪問時，亦指近期在公開場合比較少與阿嬌見面，見到亦不會尷尬。

阿嬌孝敬阿媽住正祖兒樓下

鍾欣桐（阿嬌）睇中老闆楊受成旗下地產新盤「維壹」一個2,700萬元靚單位，昨午她到售樓處簽約，透露是送給媽咪的母親節禮物，足證她復出後的吸金能力超高！

英皇地產豪宅「維壹」連日來在銅鑼灣設置示範單位，旗下藝人先後入貨，繼容祖兒後，阿嬌昨午到場睇示範單位，並簽約買入一個千七呎中高層靚單位。據知該樓盤同類單位約售2,700萬元，但阿嬌說：「唔知，我對數字冇乜概念。（老闆畀折扣？）一次過畀一舊錢有九折，老闆仲私人醒多2%，但我仲要供，會好辛苦！」

Juno



阿嬌（左一）與Juno（右一）在優秀選同場，但相距甚遠。

Mani（右）與阿嬌齊齊榮升業主。

南京醫聲帶

身在南京的祖兒得悉與阿嬌即將成為鄰居，她笑言歡迎阿嬌上門借醬醋油鹽：「我畀咗首期都要供，賺多啲錢畀媽咪過穩定嘅生活。（去南京做嘢？）我搵針灸師醫聲帶，依家好好多，放下心頭大石。」據知與阿嬌齊齊入貨的還有其經理人霍汶希（Mani）及H2O老闆娘余麗絲。

過氣情人《勁歌》齊領獎阿嬌、 Juno同場不相見

過氣緋聞情侶鍾欣桐（阿嬌）和麥浚龍（ Juno）前晚齊出席無綫《勁歌優秀選》，兩人表現避忌，同場不碰面，也不見有眼神接觸，不過兩人就堅稱綵排時有打招呼， Juno記得上次與阿嬌同台已是 07年宣傳電影《破事兒》。

其他娛樂名人影片

古巨基、 Twins、麥浚龍及鍾嘉欣等一班歌手前晚到將軍澳電視廣播城出席《 2010勁歌金曲優秀選第一回》，得獎歌曲共 14首，包括 Twins的《人人彈起》、古巨基《周星呢》、麥浚龍《超生培慾》、 Big Four《愛莫能助》等。四大唱片公司的歌手繼續沒有獎項，造就英皇歌手成大贏家。

合照各據一方 放大圖片

緋聞情侶麥浚龍和鍾欣桐在台上各據一方，顯得十分避忌。

Twins事隔兩年後再憑《人人彈起》奪得歌曲獎，令蔡卓妍（阿 Sa）首次奪得個人及合唱共個半獎。不過前晚焦點就集中在過氣緋聞情侶鍾欣桐和 Juno身上，兩人表現避忌，除了前後腳現身化妝間外，當完場時兩人又各據一方，也不見兩人有眼神接觸及交流，似乎怕被傳媒拍下合照。其實阿嬌和 Juno自 07年合作拍電影《破事兒》後就傳出緋聞，但直到翌年的淫照風波，兩人的緋聞傳得更盛，前晚兩人在接受訪問時有默契地表示再度碰面沒有尷尬，又堅稱綵排時有打招呼，但明顯 Juno心思細密得多，他說：「大家好少見面，但之前有 message，亦都好耐冇同台，對上一次係為《破》片同場。」問阿嬌有否獲 Juno邀請欣賞他主演的《維多利亞壹號》時，她說：「冇，套片嘅導演同監製係我朋友，要請都係佢哋先，不過自己好少去戲院睇戲，唔係好方便，所以會買 DVD睇。

Big Four剩半 放大圖片

鍾嘉欣（左）和鄭融獻唱得獎合唱歌《愛得起》。

前晚 Big Four四缺二到場領獎，許志安和蘇永康因到大馬開騷，所以僅得張衞健和梁漢文到場，兩人抵死地說：「另外兩個冇用嘅人去做第二啲嘢，多佢兩個唔多，少佢兩個都唔少，不過今次係 Big Four嘅第一個獎項。」奪得一首半歌曲獎的鍾嘉欣透露和星娛樂唱片公司已約滿，有關唱片合約傾談交給無綫作決定。此外，阿嬌昨日到灣仔宣傳其公司的樓盤《維壹》，由於阿嬌買了一層逾千呎的單位，所以昨日她即場舉行簽合約儀式，至於同門師姐容祖兒也有份置業，到時兩人會成為上下鄰居，不過阿嬌就不清楚樓價，但就獲不少優惠折扣。採訪：王崇穎　攝影：陳志嵐


事隔兩年， Twins再在無綫頒獎禮上得獎。