百呎閨房
羽翹間房成百呎，又有電視又有 DVD機，最緊要係佢衣櫃裏面超過 50套睡衣，羽翹話：「我係睡衣狂徒，每半年就清理一次衣櫃，去舊迎新嘛。」因住有人執喎！
引男入室
儲半百褻衣 踩入羽翹自拍私竇
2010年06月09日
夏天又到， o靚模齊齊剝喺書展搶灘，其他藝人想出書真係要諗計搞新意。
去年有份出寫真，今年就轉為出書教人化妝嘅羽翹，一早喺 YouTube放片教人化妝兼自彈自唱，班電車仔上網女之餘仲偷窺羽翹閨房有乜鬼馬。
早前本刊踩入羽翹香港仔寓所，發現佢除成屋化妝品外，原來私藏半百絲質香艷睡衣，羽翹話：「我一個月都會買幾件，我覺得絲質睡衣好舒服，家起碼有 50件。」瞓覺都咁性感，着畀邊個睇先？
宜家部屋
羽翹間房大得嚟非常簡潔，由床、床單、床尾白色櫃、全身鏡加側邊盞銀色燈都係宜家出品，羽翹話：「買開廢事四圍睇，慳番啲時間拍片放上 YouTube，如果太耐冇新片， fans會詐型 o架！」
讚啱用
最近羽翹喺 YouTube教人用佢嘅新發現雙面雙眼皮膠紙，有十幾萬人睇過，仲話因為之前本刊寫過話佢成條雙眼皮膠紙飛咗出嚟，所以的起心肝搵好嘢。羽翹說：「最緊要幫到大家啫！」
最愛絲質
呢件就係羽翹都讚靚嘅 Peach John睡衣，價值約 300大元！
羽翹喺 YouTube自彈自唱〈其實我不快樂〉片段有成四十幾萬人睇過，另外有眼利網友問佢琴面放乜相外，仲連佢郁過部 printer都發現到，超細心喎！
原來當年得 10歲嘅羽翹（紅圈）已經同古巨基合作過：「 14年前古巨基去長洲嘅小學表演唱歌，我就幫佢伴舞，張相留到家，擺琴面用嚟提自己努力啲嘛！」古天王都係由低做起啫！
私人醒：骨膠原咪貪多
24歲港大化學系畢業嘅羽翹，除咗「醒」網友化妝技巧，新書仲有不少化學溝護膚貼士。羽翹話先「醒」讀者一個：「市面好多骨膠原食品，好多都話食咗可以令皮膚靚，但其實人體每個地方都要用到骨膠原，骨膠原食落肚可能會畀頭髮、腳趾、手指等地方用，唔一定係塊面，自己亦控制唔到骨膠原會去邊，太多骨膠原身體用唔晒仲會肥添！」
眼罩當頭箍
通常羽翹會喺大廳嘅 L形梳化度自拍 YouTube片，佢仲有個怪癖，鍾意將眼罩用嚟當頭箍，貪佢夠舒服喎！
羽翹自稱收藏嘅化妝品閒閒哋都超過十幾萬，其中至貴嗰支係$2,800嘅 Dior晚霜，全部都係自己扲荷包買，佢話：「拍咗片之後成日畀自己藉口買多啲款，都幾破財 o架！」
留言列表
