明星靚相大分享☆

Kama百果園 E神晒腰頂球鬥好波
其他娛樂名人影片

百果園 E神陳靜、羅凱珊（ Kama）同 RubberBand噚日到西九龍中心出席 PS3宣傳足球活動，兩代 o靚模 Kama同陳靜即場對撼， Kama巧妙地將大會 T恤縛高露出小蠻腰，力抗只着小背心嘅 34E陳靜。不過深明上位之道嘅陳靜喺現場不時有意無意作出俯身彎腰動作，大騷胸前事業線，加上 RubberBand嘅兩位成員先後誤將足球掟向陳靜胸前，玩夾足球時陳靜又差啲俾對方掂到胸部，搞到佢尷尬即時彈開，但之後陳靜即時還擊，更以足球省中阿偉嘅下體，成功搶去 Kama唔少風頭。對於被鹹網盜用陳年舊相做徵友廣告，自言唔開心嘅陳靜揚言公司會保留追究權利，佢透露相片大概 13歲時影，佢話：「我玩討論區時將啲貼紙相放上網，唔會拍大膽相，有乜唔對路都會 delete同自己 keep番。」

放大圖片

球技麻麻嘅 Kama喺現場大展水皮射波技術。

放大圖片

陳靜先後俾 RubberBand成員用波省中胸部。 DV圖片

Kama亂噏頂西瓜 放大圖片

有百果園 E神之稱嘅陳靜同 RubberBand嘅阿偉玩夾足球時，差啲俾對方觸及胸部。

至於 Kama喺台上先發噏風話事前喺家中用西瓜練習頂頭槌，之後自覺太誇張，即澄清係用枕頭練習。佢又否認避免同陳靜硬撼，仲話自己唔係 E神，對於陳靜嘅相被放上鹹網， Kama竟然幸災樂禍話：「呢啲控制唔到，反而係多咗個途徑畀人認識，其實都冇所謂，睇相啫，如果自己喺街被人問價，我就報警，讀書時都被人撩，啲叔叔成日撩學生妹，試過同同學仔一齊被人撩話靚妹，仲話條底褲跌咗出嚟，越理佢越得戚。」


Kama刻意將大會安排嘅波衫縛高，露出大片腰肢搶鏡。

Kama 遇 百果園 E神 鬥好波