謝婷婷昨日在又一城出席父親節宣傳活動，即場寫上 I love Dad字樣，她透露父親節會和爸爸謝賢行街、吃飯慶祝，更會畫賀卡，但哥哥霆鋒則因拍戲未能一齊過，她說：「我都好想兩兄妹同爹哋慶祝，好耐冇一齊慶祝父親節，諗番應該都係細個嗰時。」謝賢之前甩拖，婷婷說：「係呀，爹哋都主動搵我多咗，我都陪佢多啲，不過都想佢拍拖，因為之前佢嘅女朋友都相處到，冇問題。」採訪： Jessica Ngan攝影： Edward Chou

謝婷婷透露會送賀卡給謝賢做父親節禮物。

謝婷婷陪失戀謝賢

謝婷婷一頭霧水奉旨封嘴

張栢芝於上月十二日誕下謝家二少Quintus，Quintus即將滿月，身為姑姐的謝婷婷即成傳媒焦點，出席活動時被追問滿月酒的細節，惟在外國長大的婷婷，卻對滿月酒和百日宴零認知，實行奉旨繼續保密！

婷婷出席活動時被追問Quintus滿月酒的細節，但她卻謂自己毫不知情。

謝家二少於上月十二日出世，產後極速修身的栢芝，日前帶Lucas行街，各界猜測她是為Quintus滿月酒做準備。昨日婷婷為「The Art of Love. In Here. At Festival Walk」揭幕時，吸引大批傳媒採訪。婷婷對於Quintus滿月酒三緘其口直言：「唔清楚呢啲嘢！」浸鹹水大的她更笑言：「我以為滿月酒同百日宴係同一樣嘢！」被問到栢芝有否找她幫手時，婷婷表示沒有，並謂有好多人幫手，她謂栢芝產後多數留家休息：「栢芝出院後我都冇見佢，但係就有通電話，因為唔想阻佢休息。」

霆鋒忙拍戲

而父親節將至，已很久沒有一家人慶祝的婷婷，謂未知如何慶祝，並透露胞兄謝霆鋒忙於在外地拍戲，但婷婷坦言希望一家人團聚慶祝：「哥哥做咗爹哋後，我都冇同佢講過父親節快樂，至於買禮物畀爹哋就好易，佢會錫住我嘅。」談到爹哋謝賢甩拖，她說：「之前我同佢個女朋友相處都好好，但依家爹哋畀多啲時間我，我會開心啲，大家多咗打電話畀對方。」

婷婷對同場的藝術家婆婆十分照顧。