"你讓路啦！（設計對白）
鬥長命 楊千嬅跑贏黎明
2010年04月22日
復活節檔港產片，以在威尼斯攞獎的《歲月神偷》一枝獨秀，截至上週三（ 14/4）票房已經累積有二千一百多萬，至於被列為三級，由楊千嬅、余文樂主演的《志明與春嬌》，上映之初，令唔少院商卻步，但由於有口碑，近日放映戲院不斷遞增，由最初每日三十場加至五十場，相反，同屬寰亞出品，由黎明、任賢齊主演的《火龍》，卻因反應一般，上映兩週已被大幅刪減院數，部分戲院更被《春嬌》搶走。
延長映期
由彭浩翔執導，楊千嬅及余文樂主演的《志明與春嬌》，由於片中有不少粗口對白，電影排期上映時突然被列為三級片，一度令電影公司陣腳大亂。
「我哋睇試片已經好有信心，套戲唔止係愛情片，仲有好多笑位，令到觀眾有共鳴，不過，因為導演想寫實啲，所以加入咗唔少粗口，結果俾電檢處列為三級，搞到大家好頭痕。」一位電影工作人員說。
被列三級，令電影上映遭遇唔少阻滯。「因為係三級，好多院商都唔肯上，更加唔肯喺合家歡黃金時間放映，導演又堅持原汁原味，唔肯大幅刪減啲粗口對白。就算係復活節假期嗰幾日，上映嘅戲院同場數都唔多，最初每日加埋放三十場，所以第一週嘅票房只係收得百幾萬。」
唓，我仲有三斤釘！（設計對白）（《蘋果日報》圖片）
在今屆香港國際電影節記者會上，黎明的《火龍》及千嬅的《志明與春嬌》同為推介電影，老闆林建岳率領眾人與片商會面。（《忽然 1周》圖片）
千嬅投黎明旗下 A-Music三年，二人多次傳出不和，千嬅早前約滿亦改投東亞娛樂另一 label。
黎明黐鬚拍《火龍》，片中更有唔少動作場面，製作費不菲。
《志明與春嬌》因有粗口對白而被列為三級片，但近日電影單日票房已開始節節領先，韌力十足！
樂仔最開心
由於院數少，影響票房，但全賴觀眾口碑，令唔少院商願意加場，放映場數已加至每日五十場。《志明與春嬌》起死回生，不過，同屬寰亞出品，投資超過二千萬，由黎明、任賢齊主演的《火龍》，票房麻麻，上映兩週已遭院商減戲院。
「《春嬌》已經上到第四個禮拜，但因為票房仲 keep到，好多戲院都主動加長映期，好似有幾間百老匯戲院，之前本來上《火龍》嘅，都轉咗做《春嬌》。」知情者說。
事實上，除了《歲月神偷》較似樣，近期多部電影的票房相繼失利，比《火龍》更慘淡的，還有張學友、湯唯主演的《月滿軒尼詩》，只收二百七十萬，成龍的《一屋特工隊》仲差，收百多萬。
「《春嬌》有口碑，除咗導演同千嬅，余文樂係最開心嘅一個，佢之前成日俾人話係票房毒藥，今次總算做番齣好戲，呢排佢見親人就問睇咗《春嬌》未？仲話會自己搞慶功添！」一名工作人員說。
歲月神偷
美麗密令
月滿軒尼詩
《神偷》最掂
昔日冤家鬥長命 楊千嬅跑贏前老板黎明
複活節檔期的港産片，以在威尼斯拿獎的《歲月神偷》一枝獨秀，截至4月14日票房已經累積有二千一百多萬，至于被列爲三級，由楊千嬅、余文樂主演的《志明與春嬌》，上映之初，令不少院商卻步，但由于有口碑，近日放映戲院不斷遞增，由最初每日三十場加至五十場。
相反，同屬寰亞出品，由黎明、任賢齊主演的《火龍》，卻因反應一般，上映兩周已被大幅刪減院數，部分戲院更被《春嬌》搶走。
留言列表
