董敏莉（Monie）最近夥拍本地劇團，與Miki及多位舞台劇演員於5月合演音樂劇《親愛的，維多利亞》，密集的排練讓Monie壓力大增，難得有空檔就會喝喝花茶紓緩身心，這次來到銅鑼灣新開業的樓上Cafe，更可以一次過美甲及享受水療按摩足浴，從頭到腳即時放鬆。
美甲區設於用餐區旁的房間中，美甲時所發出的聲音及氣味就不會影響用餐客人，加上美甲效果佳，Monie亦大讚又快又靚。Ice Gel首次試做價 $320日式修甲 $88
十多款花茶 自由配搭
Monie與劇團「三角關係」已經是第四度合作，雖然早有默契，排戲過程亦非常開心，但為了應付每天排練，辛苦有壓力也屬正常，所以Monie除了會於閒時看看電影外，亦愛跟朋友到Cafe飲嘢聊天。來到位於蘭芳道的Cafe de Nail，一室歐陸風情設計，用上白色及啡木色主調，配合特別訂製的梳化椅、木枱及細緻綴飾，已帶來恬靜舒適的感覺，加上店內有供應十多款花茶品種，並可讓大家因應身心狀態去調配，最適合Monie這位花茶專家。據講Monie家中長備多款花茶，最愛就是黃玫瑰配迷迭香及紅花，天天飲用滋潤身心。
從日本引入 Ice Gel美甲
飲杯花茶調理身心，自然臉色紅潤皮膚靚，不過Cafe de Nail更將美甲及水療按摩足浴同時帶到店內，貪靚一族就可以一次過靚盡全身，特別是美甲一環，皆因小店是香港少數使用日本人氣美甲新技術Ice Gel的店子。Monie本來覺得做普通Gel甲容易讓指甲變黃及磨損，厚厚一層活動不便，拆指甲亦相當麻煩，所以已經有兩年多沒有做Gel甲。不過這次試做Ice Gel，個多小時毋須打磨，十隻指頭即時鋪上春色，Monie即時大讚夠薄夠自然，聽說卸甲亦非常方便，對新技術似乎十分滿意。最後做埋45分鐘的足浴，整個人猶如脫胎換骨，帶着靚樣靚心情排戲，自然一切順利。
各式花茶 $55<BR>花茶選擇相當多，小店已經預先組合了不同口味，而對於Monie這一類花茶專家，則可自行選擇心水花茶，配搭自家口味。
一口藍莓小多士 $28<BR>西多士一向都屬最佳下午茶，不過食得多始終怕肥，小店推出迷你版西多士，更選用健康的藍莓及士多啤梨果醬作餡料，一人一口不怕肥。
芝士美味焗薯殼 $30<BR>大件薯殼加上蘑菇、煙肉等配料，再灑上芝士一焗，即成香口滋味小食。
頂級玫瑰、桂花花釀 $45<BR>花釀是以花配合蜜糖釀製而成，全天然製造，沖泡成飲品清香甜美，且具滋潤功效。
特色北海道3.6牛奶布甸 $25<BR>特別入口近期大熱的北海道3.6牛奶，製成香軟布甸，配上藍莓果醬、棉花糖及粟米片，豐富質感，此外更有獨特阿華田口味，重塑兒時味道。
西米荔蓉 $25<BR>驟眼看以為是芋頭味雪糕，其實是真材實料的荔芋蓉球，配上西米鮮果，舊酒新瓶，入口清新香甜又健康。
小店用餐位置不多，十多個座位卻有充足私人空間，配合白色襯深木色主調，氣氛相當輕鬆舒服。
足浴區則較為私密，小小的空間放着三張設有迷你水療池的按摩椅，最適合約同密友邊享受按摩邊傾密偈。足浴按摩 $138/45分鐘
撰文：黃穎妮
攝影：譚建章
髮型：Minnie Cheung@Hair Corner
查詢電話：2818 8345
留言列表
