立體眼鏡版暫時未出，但高清畫面下，入戲院時忽略嘅細緻位如皮膚紋理、質感，已近乎真實，連身上油漆亦具備立體感，質素有幾勁，自己買番隻感受吓啦！記者：陳國輝
其他副刊影片 螢光草恍如真實 放大圖片 
■除咗表情，動作都鬼咁自然，點睇都唔似 CG畫出嚟。
雖然唔使戴立體眼鏡，但 Blu-ray所呈現嘅「 3D」效果，其實係指 CG真實程度！尤其係阿 Jack被潘朵拉族人塗到成身油漆，成個土著嗰陣，當你仔細再睇，就會發現油漆與皮膚之間嘅質感，其實有微細區別，而且層次好唔同；另外值得留意，係每晚會出現嘅螢光生物，例如螢光綠嘅草、螢光紫嘅昆蟲，全高清顯示下簡直係「奇景」，幾可以假亂真；至於夜晚暗位， Details清楚睇到，論畫質已經不能再挑剔；當然，器材唔夠勁則另作別論。
放大圖片 
■每逢夜晚，一草一木都變成螢光，熄晒燈屋企睇，超靚！
放大圖片 
■好多 CG電影，目無表情，貌如喪屍，惟獨佢哋表情夠晒豐富。
叢林正過大炮聲 放大圖片 
■無 3D情況下，呢張立體地圖依然咁靚。
呢隻碟支援英語 DTS-HD，可謂預料之內，只不過估唔到佢得 5.1聲道，而並非 7.1，呢樣有啲奇怪！無論 5.1定 7.1，必須大讚係音效定位做得非常出色，例如人物企喺畫面右邊，就算閉上眼睛，仍然感受到聲音來自邊一個方向；當然，呢樣要歸功於後期製作，不過各位睇碟時，記得留意叢林探險一幕，如樹葉被風吹動嘅沙沙聲，或來自四周嘅昆蟲叫聲，真實感非常強烈，甚至比中段後經常出現嘅超低頻大炮聲，來得更神似。
放大圖片 
■場面壯觀，但部份懷疑係抄橋，呢度似唔似天空之城呢？
放大圖片 
■咁靚嘅森林，睇完呢套戲，你又捨唔捨得再破壞？
網民：出現無法讀碟 放大圖片 
■有網民話 Denon 4010UD睇唔到碟，買碟前要留意喇。
經名導演占士金馬倫之手，肯定大製作，但碟內竟然零 Bonus，真係有啲意外！試問一套製作多年嘅電影，點會無嘢講，話唔定發行商稍後再推出一隻專門介紹《阿凡達》幕前幕後嘅 Bonus Disc，再刮你一筆！反而要留意，網上有人話發生咗無法讀碟問題，傳聞今次經過特別加密，如果播放器軟件唔夠 Update，就有可能播唔到，小記當日以 PS3播放，發現無呢個問題。
放大圖片 
單碟 Blu-ray（$239）限量禮盒版（$319）DVD（$159） 
留言列表
