家買手機前，可能仲會問係乜嘢牌子，但再過一年半載，大家可能會改口：呢部機用邊一個系統？諾記剛公佈 Mameo系統 N900，摩記都唔執輸，派出最新版嘅 Android 2.1出場，呢部 XT701除功能升呢，全黑兼鋼銀包邊嘅外殼，感覺仲相當冷艷，真係唔講得笑。記者：陳國輝攝影：黃子偉Model： Debby@Pure Models
多點觸控相簿識浮 放大圖片 
■屏幕好食電，連續上網一個鐘多啲，幾乎得番半格。
摩記憑住一部 Milestone，鹹魚翻生！唔使半年，第二代 Milestone又誕生。可能你會問，個 Look差唔多，咪又係 3.7"芒！勁嘢當然要保留，之但係輕觸手感似乎比上一代有所進步，支援多點觸控，將相片放大縮細唔在講， XT701仲加入虛擬鍵盤，玩咗一陣，覺得打字速度好順暢，連帶上網支援 10.2Mbps下載速度，實試過後就發覺唔算好快，要同 iPhone 3GS比，好似仲差少少。至於睇相時，旋轉、縮放、捽嚟捽去完全無難度，但入到預覽畫面，左右搖晃手機，相片會仿似於水面上漂浮，感覺好真實，令玩味方面又加分。
放大圖片 
■呢款 Android版魚樂無窮，同電腦 Screen Saver有得揮。
放大圖片 
■上面玩 Facebook，下面對緊六合彩，唔使咁忙嘛！
放大圖片 
■採用電容式技術，除咗 Multi-Touch，輕觸畫面時還有輕微震動。
放大圖片 
■照片似放上湖面一樣，當搖晃機身，佢會左搖右擺，幾搞鬼。
待機魚缸動態流暢
你可能又問，既然有 Multi-Touch，操作流暢，玩 iPhone都一樣啫！其實，玩 XT701應該要數最新版本 Android 2.1，該系統強項之一係運算速度快，特別要提佢追加一項似有若無嘅動畫 Wallpaper，實際用途幾大，各位心中有數；不過，我想講嘅係當開啟 3D金魚缸時，莫講話魚身立體感，連缸內氣泡亦鬼咁自然，效果十足播片咁款。支援 500萬像素鏡頭，本來無乜特別，但今次竟然加插索愛用開嗰款 Xenon閃燈，用佢影夜景應該無乜難度；加埋機身由銀色金屬包邊，感覺型晒。
放大圖片 
■全黑色加銀邊大包圍，呢部「 DC」外形好實淨。
放大圖片 
鏡頭前面無蓋都唔緊要，試玩咗一陣，發現對焦反應真係好快，交足功課啦！
Body Snap
放大圖片 
■快門掣位置專登設計到凸起咗，加埋隔籬一粒 Menu掣，操作夠晒就手。
放大圖片 
■唔好以為一排全部係喇叭位，真正發聲地方只得三分之一咁多，不過幾好聲嘅。
放大圖片 
■屏幕周圍全部係輕觸按鍵，至於打 Email嗰陣，仲有虛擬 Keyboard，唔難㩒。
XT701 Profile 放大圖片 
■唔用嗰陣，記得㩒掣熄番個芒，事關屏幕咁大而且行 TFT，唔慳啲電點得。
處理器： Cortex-A8 TI OMAP 3430系統： Android 2.1記憶體： 512MB ROM/256MB RAM制式： WCDMA/GSM四頻體積： 115.95× 60.9× 10.9mm重量： 139g屏幕： 3.7"TFT芒通話時間： 550分鐘備用時間： 200小時主要功能： 500萬像素相機連 Xenon閃燈、多點觸控操作、動畫 Wallpaper、 HSDPA 10.2Mbps、支援 microSD卡查詢： Motorola（ 2506 3888） 
$3
留言列表
