明星靚相大分享☆

媽咪姐聽聞阿Rain要等10月拍完內地劇，至有時間返香港搞搬屋，暫時屋企人仍住喺王傲山嘅物業。想問清楚佢情況，但身在內地嘅阿Rain，電話一直冇人接聽。《蘋果日報》圖片

上周爆出李彩華（Rain）與拍拖兩年嘅保險業才俊王傲山（Marcus）分手，媽咪姐仲喺王傲山嘅facebook睇到佢嘅留言，話自己：「今天我真的放下了。」

 
除咗兩位當事人外，佢哋嘅好友仲肉緊，為幫老友而喺網上掀起駡戰。Marcus呢頭上載將感情放低，轉頭已有女性朋友Sarah Long力撐：「雖然我唔知咩事，但退一步海闊天空，需要你的，排長龍呀。」擺明就係話同阿Rain完咗都唔使可惜。
至於被飛嘅阿Rain亦有抒發感情，喺facebook呻：「我會寬恕那些曾經傷害過我，不曾尊重過我的人，是那些人讓我成長，看清楚一切。」阿Rain仲話自己好唔開心，佢嘅老友Fanny Cheung就勸佢：「唔洗（使）唔開心，呢d人實會有報應。」唔開名都估到佢指邊個。
阿Rain依家仲同屋企人住喺王傲山名下嘅御龍山豪宅，媽咪姐聽到王傲山會俾幾個月時間阿Rain搵屋搬。話晒一場情侶，好嚟好去咪好囉。

被指係主動提出分手嘅王傲山，好瀟灑咁留言。

阿Rain喺facebook留言，直言自己受傷害。

代抱不平
阿Rain嘅女友Fanny最激，話對方實有報應。

有女打氣
甩拖的王傲山不愁寂寞，有很多女性朋友安慰佢，仲暗嘲阿Rain未夠好。