近排娛樂圈最hit嘅話題，莫過於「冇大志」為翻兜「排骨四」而將現任女友一腳飛起單嘢。據二五講，「排骨四」對「冇大志」嘅感情的確好糾纏不清，一方面佢對「冇大志」餘情未了，但另方面又好憎「冇大志」三朝兩日攞佢哋嘅感情事嚟做新聞。到近日「冇大志」竟然愈玩愈大、愈嚟愈過分，「排骨四」忍無可忍先出聲表態啫。


二五話早排佢哋嘅舊公司「嘩猩」搞咗個演唱會，「冇大志」又辣㷫咗「排骨四」。話說當晚「排骨四」揀咗首《單單係你冇可能》唱，但由頭到尾都冇諗過同「冇大志」合唱，綵排時亦係自己一個唱晒全首歌。點知到正式演出時，「冇大志」失驚無神彈出嚟企喺後邊做伴唱，搞到佢哋嘅fanso依嘩鬼叫。「排骨四」當時雖然好鬼嬲，但礙於喺台上要保持風度，惟有頂住度氣唱埋落去。
聽聞返到入後台佢即時省到「冇大志」立立令。二五話，唔係「冇大志」成日做埋呢啲小動作，「排骨四」真係會同佢復合都唔定。


插圖：Wendy

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄