公開承認隆胸 A Cup變 C Cup莊思敏：個胸好腫好硬

人工美女圈中有不少，但承認加工的就甚少，繼樂基兒、甄詠珊後，吳浩康女友、 30歲模特兒莊思敏昨日公開承認隆胸加工。莊思敏最近收取 6位數字酬金做美容院代言人，上周一次過做隆胸及勾雙眼皮手術，谷盡上圍至 C Cup，她昨日接受電話訪問時說：「個胸好腫好硬。」

其他娛樂名人影片

應屆港姐季軍莊思明，美貌備受抨擊，她的大家姐、吳浩康模特兒女友莊思敏，最近卻先她一步人工改造容貌。莊思敏最近出任美容院 Dr.Reborn代言人，她上周在媽咪陪同下全身麻醉做隆胸手術，割開兩邊乳暈，每邊植入 230cc的矽袋，上圍由 31A變 31C，又做雙眼皮手術。她小休幾天，傷口未拆線，前天已戴住黑超出席活動。

放大圖片
莊思敏從前雖然上圍只得 31A，但仍經常示範泳衣。資料圖片

莊思敏從前雖然上圍只得 31A，但仍經常示範泳衣。資料圖片

放大圖片
莊思華（右）昨晚跟家姐莊思敏一同赴會，她的上圍更見睇頭。

莊思華（右）昨晚跟家姐莊思敏一同赴會，她的上圍更見睇頭。

平瞓遷就巨胸放大圖片
莊思敏（左一）得到大馬拿督父母、妹妹莊思明（右二）支持，隆胸力戰影圈。資料圖片

莊思敏（左一）得到大馬拿督父母、妹妹莊思明（右二）支持，隆胸力戰影圈。資料圖片

莊思敏昨日接受電話訪問，仍未享受到豐胸成果，她說：「未得呀，個胸仲係好腫同好硬，因為條束胸帶束得好緊，要固定矽袋個位，反而傷口一啲都唔痛，只係皮膚有啲拉緊，突然個胸咁大。」她謂現時要改變側睡習慣，改為平瞓，換衫也不可以舉高手。莊思敏又謂升到 C Cup已是極限，她說：「 size係可以揀，但我啲皮薄，所以 C Cup已經盡 o架喇。其實我之前都有試過好多方法豐胸，用人手、用藥呀，但發現唔放嘢入去真係唔得，咁矽袋安全啲，唔會流入身體。」她謂得到父母、男友吳浩康支持，也公開承認加工，她說：「有擔心有反對聲音，但整咗都冇得瞞，同埋我唔想講大話，再用大話冚大話。」

「唔好俾人撞到」

此外，莊思敏昨晚戴住墨鏡、包到冚和妹妹莊思華出現，隱約見到她仍然雙眼浮腫，她說：「仲未好番，要多個禮拜先拆紗布，因為個活動好耐前接落，又係慈善，所以照嚟，都要小心唔好俾人撞到。」採訪：胡比、林妙萍攝影：陳俊強

莊思敏昨晚架上墨鏡包到冚出席慈善活動，未能見到她隆胸、整雙眼皮的成效。

莊思敏整容隆胸加工製C

上月才寸o靚模靠胸搵食的莊思敏，原來已靜悄悄為「咪咪」起革命！天生只得32A身材的她，上周竟到美容院隆胸兼割雙眼皮，從此升呢「大C級」。然而經常被莊思敏寸的「乳模」，有感對方有口話人冇口話自己，即起勢群插，趙碩之更「夭心夭肺」地寸：「佢大個女，整咗有信心！」

莊思敏一直不屑o靚模靠胸搵食，想不到突然隆胸變身「大C級」。（設計圖片）

近年藝人整容、隆胸屢見不鮮，不少藝人對此「洪水猛獸」大方承認。但含着金鎖匙出世的莊思敏，一直鄙視o靚模靠胸搵食，上月更寸o靚模是不合格的模特兒，故可一律稱為「乳模」。似乎她對自己天生的「32A」今生無悔。

莊思敏未隆胸前「波平如鏡」。

挺起胸膛Shopping

言猶在耳，原來莊思敏一直對自己的平胸耿耿於懷，思前想後下，最後豁出去到其代言的美容院進行大改造。莊思敏上周五在手術的一個半小時內，分別做了矽袋隆胸及交叉線雙眼皮手術，上圍即時由A級跳升到C級，自信即時返晒嚟！

本報昨日發現已變「大C級」的莊思敏現身寓所附近超市，雖然她穿上鬆身衫及戴黑超，但全程顯得十分自信兼挺起胸膛做人。她坦言隆胸絕不後悔：「平胸咗咁耐，都想有啲轉變。我知道今次手術極之安全先會去做，依家胸脯傷口仲腫腫哋，仲係脹嗰隻痛。眼就仲瘀緊，可能我皮膚薄，傷口比預期中復原慢。我聽Erica（袁彌明）話一個禮拜就會去瘀，但依然腫緊。行funtion仲可以戴黑超，只係怕下個禮拜行騷有影響。」談到對隆胸睇法，她說：「其實我哋平時睇到嘅，好多人都有整，不過冇人認！」

莊思敏自稱是內雙眼皮，因常黐膠紙，令雙眼皮逐漸「消失」，為節省化妝時間，索性做雙眼皮手術。據莊思敏代言的美容院指，她被邀請做手術後沒有多大猶豫，一拍即合。

另外，莊思敏昨晚密實打扮兼戴黑超，與妹妹莊思華出席慈善活動。問到為何仍出來？她說：「勇敢囉我！」她又稱日後穿晚裝會更性感更自信。再問覺否隆胸是自欺欺人？她反問：「點解？（假囉！）唔會，科技成熟又唔影響健康，我又唔係講大話！」她又稱已通知父親，但莊思華竟踢爆她未有通知爸爸。

莊思敏昨挺起胸膛到超市購物，其雙眼皮仍未退腫。

周秀娜寸玩兩年

一眾o靚模曾被莊思敏狠批，故得悉她整容無不嘩然。擁有「岩石胸」的趙碩之昨日與師妹Yumi、Karene行街時，更反問記者：「吓！係咩？真o架？」碩之更寸爆地說：「可能佢大個女，整咗有自信心同靚啲，佢整咗都未必騷出嚟啦！」周秀娜則說：「佢身形咁高大，做咗（指隆胸）比例會更好，仲吸引，依家醫學美容咁昌明，唔鍾意玩兩年咪拆咗佢囉，我自己就好夠用喇！」Rainbow則指莊思敏本身已好有模特兒feel，整容隆胸後可能會改變性格。

趙碩之（左）與Yumi對莊思敏整容隆胸感嘩然。

周秀娜：「依家醫學美容咁昌明，唔鍾意玩兩年咪拆咗佢囉，我自己就好夠用喇！」

Rainbow：「佢本身已經好有模特兒feel，但驚整容隆胸之後可能會改變性格！」

早前莊思敏（右四）與一班o靚模穿泳衣出席活動，因身材不夠突出而被傳媒冷落。

文：專案組

吳浩康：擔心多過開心

身在內地拍劇的吳浩康，坦言早知女友莊思敏隆胸。他說：「佢做手術嗰日我已經唔喺香港，只好打畀佢媽咪問手術進展成點。（開唔開心？）擔心多過開心！佢要全身麻醉，由一點做手術，五點都仲未醒，你話擔唔擔心？無論佢身材係大定細，總之佢開心同更有自信點都會支持。」他續稱未見過「製成品」，希望月底拍攝完可見女友。

吳浩康

今屆出爐港姐季軍的莊思明亦大讚姊姊莊思敏勇敢，但自己怕痛不會嘗試。而另一妹妹莊思華則在微博留言，指手術一定很痛。

莊思敏與莊思華昨晚出席活動。

Lynn驚唔靚被淘汰

昨日熊黛林（Lynn）和曹敏莉出席Furla 2010秋冬預展活動，提到整容時，Lynn即面紅耳熱地說：「呢個世界冇醜嘅女人，只有懶嘅女人，如果覺得自己唔靚唔一定要整容，電視都有好多教人扮靚嘅方法。不過都好多謝記者搵番我啲舊相，令我睇到自己變化咁大，咁多年努力都值得。」她續稱：「唔係淨係可以變醜，變靚都可以。我唔係接受唔到，不過覺得有更好嘅方法。（傳開就成日畀人寫？）我唔介意，如果咁多年都冇變化同進步，就會被社會淘汰。」

Lynn否認整容，並感激傳媒公開其舊照。

對於緋聞男友郭富城表示不能接受整容女友，Lynn謂：「我唔怕，呢啲新聞唔會對我造成打擊，我對自己好有信心。」另外，有傳黃曉明在街上鬧緋聞女友Angelababy，因Baby已在微博否認，故Lynn相信沒有此事。

曹敏莉

女星坦蕩蕩

相信每位女士都希望擁有完美身段及美貌，圈中不少女藝人被傳秘密整容隆胸變靚，當中有人坦白承認，攞正牌「升呢」。

樂基兒

樂基兒

「Leon嫂」樂基兒於○五年初勇於承認隆胸，上圍由32A連升兩級至34C，但數月後再公開表示，因隆胸後不勝負荷，需入院「拆彈」。

甄穎珊

甄穎珊

Freeze成員甄穎珊○七年自爆用致癌PAAG隆鼻及隆胸，即到醫院「拆彈」再重建。本為32A的她再升至33C，手術成功後流露自信笑容。

Victoria

「碧咸嫂」Victoria多年來不認隆胸，但○五年兩夫婦為控告報章誹謗，於法庭承認自己早於九九年已接受過隆胸手術，費用更約十四萬港元。

隆胸升兩Cup 莊思敏：好多整過冇人認

名模莊思敏昨日承認割雙眼皮及隆胸，更被本報記者發現她在寓所附近的超市購物，身穿鬆身衫的她大方任影，並指手術前曾經過深思熟慮：「我本身係內雙眼皮，搞到嘥好多時間化妝，所以決定割雙眼皮！加上身材都平咗咁耐啦，想有改變咪整埋！」她坦言為上圍由32A跳升至32C付出了痛苦代價：「胸部傷口仲係脹脹痛，未着得過頭笠嘅衫，眼就因為皮薄而未去腫！下星期仲要行騷，有啲驚未去瘀！」她續說：「其實你哋（指記者）睇到都有好多係整過，不過冇人認之嘛！」

傷口未愈的莊思敏昨晚以密實打扮兼戴黑超出席慈善活動，問到為何傷口未愈仍出席活動？她說：「我勇敢囉！」並直言日後穿晚裝時會更性感更有自信。問到會否覺得隆胸是自欺欺人？她反問：「點解？（假囉！）唔會！科技成熟又唔影響健康，我又唔係講大話！」並揚言已知會父親，但同行的妹妹莊思華卻踢爆她「講大話」。