都係你夠旺夫！（設計對白）
算你識貨啦！（設計對白）
算你識貨啦！（設計對白）
陳豪樂意與廖碧兒情侶檔搵錢，兩人亦異口同聲表態：「同佢合作 OK喎！」"
探熱針
甩佘有運行 陳豪拖廖碧兒勁執
2010年09月16日
《公主嫁到》大收，帶挈劇中大獲好評的男主角陳豪人氣勁升，一個月內連拍五個廣告，袋走六百萬。
陳豪荷包急脹，同時間，他更急於跟劇中老婆佘詩曼劃清界線：「咁多年大家都知我係咩人，只係想同阿佘嘅緋聞畫上句號！」謝絕再講「豪佘戀」，但同六年「正印」廖碧兒情侶檔搵錢則無任歡迎。日前二人再「合體」，接拍 Shiseido護膚品廣告，聯手袋走三百萬。
戀情真好假好，陳豪都係贏家。
公開斬纜
拍完《宮心計》，陳豪佘詩曼再度合作《公主嫁到》，撞正廖碧兒若即若離，「豪佘戀」緋聞一傳大半年；點知正印忽然態度有變，陳豪亦不敢怠慢，近日出席活動時，斬釘截鐵跟阿佘劃清界線，「都澄清過好多次，大家係咪認為我咁無定力，咁多年大家都知我係咩人！我同阿佘緋聞應該畫上句號！」出口飛阿佘，肯定廖碧兒女友地位。
「同阿佘啲緋聞愈講愈離譜， Moses（陳豪）係有唔開心，佢覺得自己真係無嘢，所以點都要出嚟講清楚，唔想啲人再亂估！」知情者說。
大半年的佘詩曼當然不比六年的廖碧兒，連廣告商亦認定陳豪跟廖碧兒該是一對。日前，二人情侶檔為 Shiseido拍攝護膚品廣告，有錢齊齊搵。「佢兩個加埋要嘅價係好高，但我哋覺得佢兩個好夾，感覺夠真實，而且觀眾係好接受佢哋呢一對！」 Shiseido的宣傳人員說。
陳豪唔願跟阿佘扯上關係，親密舉動只為劇集宣傳。
見陳豪個褲袋翹起， Bernice即場提醒，十分細心。
拍攝初期，陳豪比較拘謹，要 Bernice幫手調校姿勢。
觀眾受落，廣告商寧願俾多啲錢，要二人孖咇上陣。
沖咖啡氹女
拍攝當日，廖碧兒先拍攝個人部分，到中午時分，陳豪才到場，見有傳媒在場，陳豪打完招呼，便刻意坐埋一邊，同女友保持距離。
終於到雙打時間，開始時，比較怕醜的陳豪亦表現得有點尷尬，相反女方就自然得多，更不時望住男友有說有笑，好快將拘謹的陳豪軟化。
中場休息，咖啡專家陳豪見到現場有咖啡機，即刻嚟料，即場為女友炮製一杯「愛心」咖啡，令女方冧爆。
拍攝日本品牌護膚品廣告，製作隊伍多達數十人，逼爆影樓。
見到咖啡機，陳豪第一時間做嘢，沖咖啡氹女友。
你加糖我加奶，拍拖沖咖啡，十足默契。
兩人一齊睇 playback，對演出十分緊張。
演技被讚的陳豪，坦言每次攞到劇本，都會對角色加以研究，希望每次都給人全新感覺。
05年合拍電視劇《心花放》，二人已不時公開打情罵俏。（《忽然 1周》圖片）
搵得就搵
演技有突破，陳豪除了是收視福將，更是廣告商心頭好。隨住《公主嫁到》受歡迎，平均收視達三十三點，搶手貨陳豪近月一口氣接了五個廣告，連同其他商業活動，月賺超過七百萬。拍 Shiseido廣告當日，陳豪剛拍完夜班戲，通宵無瞓，一樣面不改容。
「係攰 o架！但做嘢無辦法！藝人搵錢時間有限，好天搵埋落雨柴，有得做就要搏命做！」
夾啱時勢賺大錢，陳豪承認自己有做功課，吼啱就入市。「我信磚頭（物業），不過依家樓價高，要睇定啲，等個價調番低啲先買，依家就儲定彈藥先！」
陳豪目標是過千萬的豪宅，早前廖碧兒亦公開話想買層千萬嘅樓俾父母，二人目標一致。
收視福將
94年由模界投身影圈的陳豪，只有《晚九朝五》較為人有印象， 00年加入無綫拍劇，逐漸捧為當家小生，多次在「萬千星輝賀台慶頒獎禮」中打入「最佳男主角」五強，終在 07年憑着《溏心風暴》，一次過攞晒「最佳男主角」及「我最喜愛的電視男角色」做雙料視帝。
已成為無綫收視福將的他，主演的電視劇，套套報捷，包括《宮心計》、《溏心風暴》，正在播放的《公主嫁到》，首日收視亦高達 36點。
07年，陳豪為首位男藝人在台慶頒獎禮成雙料視帝，與「最佳女主角」及「我最喜愛電視女角色」的司棋姐及菊姐合照。
印銀紙
曾經成為無綫最賺錢男藝人的陳豪，因為形象健康，有觀眾緣，向來受到廣告商歡迎，近日因新劇《公主嫁到》大熱，陳豪一個月內拍了五個廣告外，各類商業活動及私人 party亦接個唔停手，賺錢能力高企。
劇集
《點解阿 Sir係阿 Sir》 3萬× 25集 75萬
私人 function 3個× 15萬 45萬
商業活動 5個× 8萬 40萬
史雲遜生髮
廣告
Shiseido 150萬
渣打 150萬
PomPei 100萬
捷榮咖啡 100萬
史雲遜生髮 120萬
合共 780萬
留言列表
