有反應唔奇！（設計對白）
探熱針
女上男下 葉山豪 藍燕搞出火
2010年09月16日
日本仔葉山豪孭正男主角，同中、港、日四肉女在新片《 3D肉蒲團之極樂寶鑑》，於眾目睽睽下日做夜做，大戰連場一樣應付自如，直至遇上自稱 Crazy Babie、剝清坦蕩蕩的藍燕，「小豪」竟然有反應，唔想辛苦，葉山豪索性將黐住下體的封箱膠紙鬆開，透吓氣。
有反應
上週三（九月八日），著住浴袍的藍燕跟葉山豪一齊埋位試床戲，雖然話係清場，現場仍有燈光場務攝影師十幾對眼實，但首次露點的藍燕依然去到盡，試啱位，藍燕就一二三除浴袍，自動波騎在男主角葉山豪身上搖來搖去。
女主角唔怕醜，在戲中同飾演陰陽人的 36F導彈雷凱欣做對手戲，搞到下體損晒的葉山豪繼續挑戰難度，同藍燕埋位肉搏，即使有姿勢冇實際，但他竟然有反應，搞到要向導演要求將本來黐到實的膠紙鬆開，令自己冇咁辛苦。
「我之前已經知道自己要做乜嘢，到正式開拍，同我估計嘅一樣，加上我睇過原著，知道點做，所以冇尷尬。」承認有生理反應的葉山豪強調一切在自己意料之內，不會感到難為情。
我控制唔到 o架！（設計對白）
被著住浴袍試戲的藍燕坐上身，葉山豪已經 high晒，反而女方顧住聽導演講嘢，俾唔到反應。
試完戲，藍燕即除浴袍拍肉搏戰，雖然明知做戲，葉山豪依然有反應，要鬆膠紙透氣。
探班當日，有法國電視台記者到現場採訪，老闆蕭定一親自招呼。
怕尷尬變得硬繃繃的雷凱欣，埋位影相時幾乎唔識擺甫士，但有 F奶波神之稱的她，仍舊吸引到對手葉山豪目光。
試拍一場在窗前摸摸揸揸的情慾戲，藍燕笑唔停，身後的葉山豪則肉緊到瞌埋眼。
AV女優周防雪子見慣人，就算有龍友現場影相，依然放到盡，夾胸、露股，十分專業。
男人鍾意
至於在內地做過電視劇女主角，因為 Crazy才挑戰接拍三級片的藍燕，對戲中老公葉山豪有反應，完全不意外：「我就對佢冇反應嘞，下邊黐晒膠紙，亦都感覺唔到佢有咩變化，好多男人都鍾意我，佢係正常男人，有反應唔出奇呀，不過我而家唔鍾意男人，因為我遇到嘅男人都好衰。」
週日（九月十二日）下午，電影公司安排一班龍友到片場探班影相，下巴神奇變尖的雷凱欣雖然大方露半球，不過有拍慣 AV的周防雪子同場，在對方露半股、扭腰、跌膊、夾胸，扭盡六壬，雷凱欣實在無法不亂，硬繃繃的她還要龍友提場，先識變多幾個甫士。
留言列表
